1 یوحەننا 2:8 - ئنجیلا پیرۆز

⁸ سەرەڕای هندێ ژی، ئەز فەرمانەكا نوی بۆ هەوە دنڤیسم، كو راستیا وێ د وی دا و د هەوە ژی دا هەیە، چنكو تاریاتی بەرەڤ نەمانێ دچیت و رۆناهیا راستەقینە نوكە شەوقێ ددەت.

1 یوحەننا 2:8 ပူးပေါင်းရင်းမြစ်များ

مزگینیا مەتتای 4:16

ئەو خەلكێ د تاریاتیێ دا روینشتی، رۆناهیەكا مەزن دیت و ئەوێن ل دەڤەر و سیبەرا مرنێ دروینشتی، رۆناهیەك ب سەردا هەلات.»

مزگینیا لوقای 1:79

داكو رۆناهیێ بدەتە وان، یێن ل تاریستان و سیبەرا مرنێ روینشتین، بەرێ مە ژی بدەتە رێكا ئاشتیێ.»

مزگینیا یوحەننای 1:9

رۆناهیا راستەقینە، ئەوا هەمی مرۆڤان روهن دكەت، دهاتە جیهانێ.

مزگینیا یوحەننای 12:35

عیسای گۆتە وان: «رۆناهی بۆ دەمەكێ دی ژی یێ كورت دێ ل گەل هەوە مینیت. ئەڤجا هندی رۆناهی ل گەل هەوەیە بڕێڤە هەڕن، نەكو تاری ب سەر هەوە دا بهێت. ئەوێ ل تاریاتیێ بڕێڤە دچیت، ئەو نزانیت كیڤە دچیت.

مزگینیا یوحەننای 12:46

ئەز وەكو رۆناهی هاتیمە جیهانێ، دا هەر كەسێ باوەریێ ب من بینیت، د تاریاتیێ دا نەمینیت.

مزگینیا یوحەننای 13:34

ئەز دێ فەرمانەكا نوی ل هەوە كەم: حەز ژ ئێكودوو بكەن. هەروەكو من حەز ژ هەوە كری، دڤێت هوین ژی حەز ژ ئێكودوو بكەن.

مزگینیا یوحەننای 8:12

عیسا جارەكا دی ل گەل وان ئاخفت و گۆت: «ئەزم رۆناهیا جیهانێ. یێ ل دویڤ من بهێت، د تاریاتیێ دا ناچیت، لێ دێ رۆناهیا ژیانێ بۆ وی بیت.»

كارێن هنارتیان 17:30

خودێ بەرێ خۆ ل سەردەمێن نەزانینێ گرت، لێ نوكە ئەو فەرمانێ ل هەمی مرۆڤان ل هەر جهەكی دكەت، ل خۆ بزڤڕن.

كارێن هنارتیان 26:18

دا چاڤێن وان ڤەكەی كو ئەو ژ تاریاتیێ بۆ رۆناهیێ و ژ دەستهەلاتداریا ئبلیسی بۆ خودێ بزڤڕن، دا ئەو لێبورینا گونەهان وەربگرن و بەهرەك هەبیت ل گەل ئەو كەسێن ب رێكا باوەری ئینانێ ب من هاتینە پیرۆزكرن.›

رۆما 13:12

گەلەك ژ شەڤێ چوویە و رۆژ نێزیك بوویە، ئەڤجا دا كارێن تاریاتیێ ژ بەر خۆ بكەین و چەكێن رۆناهیێ بكەینە بەر خۆ.

2 كورنتۆس 8:9

چنكو هوین كەرەما خودانێ مە عیسایێ مەسیح دزانن: كو هەر چەندە ئەو یێ دەولەمەند بوو، لێ ئەو ژ پێخەمەت هەوە بوو هەژار، دا هوین ب هەژاریا وی دەولەمەند ببن.

ئەفەسۆس 5:8

چنكو دەمەكی هوین تاری بوون، لێ نوكە هوین ب ئێكبوونا ل گەل خودانی رۆناهینە. ئەڤجا وەكو زاڕۆكێن رۆناهیێ بژین

2 تیمۆتاوس 1:10

و نوكە ب دیاربوونا قورتالكەرێ مە مەسیح عیسای ئاشكرا بوو، ئەوێ مرن ژ ناڤ بری و ب رێكا مزگینیێ ژیان و نەمری داناینە بەر رۆناهیێ.

1 پەترۆس 1:21

ب رێكا وی هەوە باوەری ب خودێ هەیە، ئەو خودایێ ئەو ژ ناڤ مریان راكری و مەزناهی دایێ، لەوما باوەری و هیڤیا هەوە ب خودێیە.

1 یوحەننا 3:23

فەرمانا وی ژی ئەڤەیە: ئەم باوەریێ ب ناڤێ كوڕێ وی، عیسایێ مەسیح، بینین و ئەم حەز ژ ئێكودوو بكەین، كا چەوا وی فەرمان ل مە كریە.

1 یوحەننا 4:11

گەلی خۆشتڤیان، مادەم خودێ هۆسا حەز ژ مە كر، پێدڤیە ئەم ژی حەز ژ ئێكودوو بكەین.

1 یوحەننا 4:21

مە ئەڤ فەرمانە ژ وی وەرگرتیە: ئەوێ حەز ژ خودێ دكەت، پێدڤیە حەز ژ خویشك و برایێن خۆ ژی بكەت.