1 یوحەننا 2:5 - ئنجیلا پیرۆز

⁵ لێ یێ پەیڤا وی ب ج‍‌ھ بینیت، ئەڤە ب راستی حەزژێكرنا خودێ د دلێ وی دا یا كامل بووی. ب ڤێ چەندێ ئەم دزانین ئەم د ئێكبوونا ل گەل وی داینە:

1 یوحەننا 2:5 ပူးပေါင်းရင်းမြစ်များ

مزگینیا لوقای 11:28

لێ عیسای گۆت: «هێشتا پتر خوزیكێن وان ئەوێن گو‍‌ھ ل پەیڤا خودێ دبن و پێ دكەن.»

مزگینیا یوحەننای 14:21

ئەوێ فەرمانێن من دزانیت و ب ج‍‌ھ دئینیت، ئەوە یێ حەز ژ من دكەت. ئەوێ حەز ژ من دكەت، بابێ من ژی دێ حەز ژ وی كەت و ئەز ژی دێ حەز ژ وی كەم و خۆ بۆ وی ئاشكرا كەم.»

مزگینیا یوحەننای 14:23

عیسای بەرسڤ دا: «هەر كەسێ حەز ژ من بكەت، دێ پەیڤا من ب ج‍‌ھ ئینیت و بابێ من ژی دێ حەز ژ وی كەت، دێ هێینە نك وی كەسی و ل نك وی ئاكنجی بین.

مزگینیا یوحەننای 15:5

ئەزم مێو و هوین چەقن. ئەوێ د ناڤ من دا یێ بنەج‍‌ھ بیت و ئەز د ناڤ وی دا، ئەو دێ بەرهەمەكێ زۆر دەت، چنكو بێی من هوین نەشێن تشتەكی بكەن.

مزگینیا یوحەننای 6:56

هەر كەسێ لەشێ من بخۆت و خوینا من ڤەخۆت، ئەو د ناڤ من دا یێ بنەجهە و ئەز د ناڤ وی دا.

رۆما 8:1

لەوما، ژ نوكە و پێڤە گونەهباركرن بۆ وان نینە یێن ل گەل مەسیح عیسای بووینە ئێك.

1 كورنتۆس 1:30

هەر ئەوە ئەگەرێ ئێكبوونا هەوە ل گەل مەسیح عیسای، ئەو مەسیحێ بۆ مە بوویە ئاقلمەندی ژ نك خودێ، راستداری، پیرۆزی و رزگاری،

2 كورنتۆس 5:17

ئەڤجا ئەگەر كەسەك د ئێكبوونا ل گەل مەسیحی دا بیت، ئەو ئافرندەیەكێ نویە: تشتێن كەڤن بورین و نەمان، ئەڤە یێن نوی چێبوون.

2 كورنتۆس 5:21

ئەوێ كو ئێكجار گونە‍‌ھ نەكری، خودێ ژ پێخەمەت مە ئەو كرە قوربانیێ گونەهێ، دا ئەم ب رێكا ئێكبوونا مە ل گەل وی ل نك خودێ راستدار دەركەڤین.

یەعقوب 2:22

تۆ دبینی كو باوەریێ ل گەل كریارێن وی كار دكر و ب كریاران باوەری هاتە تەمام كرن.

1 یوحەننا 3:24

یێن فەرمانێن وی ب ج‍‌ھ دئینن، د ناڤ وی دا د بنەجهن و ئەو ژی د ناڤ وان دا یێ بنەجهە. ئەم ژ ڤێ چەندێ دزانین كو ئەو د ناڤ مە دا یێ بنەجهە: ب وی گیانی یێ وی دایە مە.

1 یوحەننا 4:17

ب وێ چەندێ حەزژێكرن د ناڤ مە دا دهێتە كاملكرن، دا د رۆژا دادكرنێ دا دپشتڕاست بین، چنكو مەسیح یێ چەوایە، ئەم ژی ل ڤێ جیهانێ د وەساینە.

1 یوحەننا 4:18

د حەزژێكرنێ دا ترس نینە، لێ حەزژێكرنا كامل ترسێ ژ دلی دەردئێخیت، چنكو ترس گرێدای سزایە. ئەوێ دترسیت، ئەو د حەزژێكرنێ دا كامل نەبوویە.

1 یوحەننا 5:2

ئەم ب ڤێ چەندێ دزانین كو ئەم حەز ژ زاڕۆكێن خودێ دكەین، دەمێ ئەم حەز ژ خودێ دكەین و فەرمانێن وی ب ج‍‌ھ دئینین.

1 یوحەننا 5:20

دزانین ژی كو كوڕێ خودێ هاتیە و تێگەهشتن دایە مە، دا یێ راستەقینە بنیاسین. ئەم د ناڤ یێ راستەقینە داینە، د ناڤ كوڕێ خودێ عیسایێ مەسیح دا. ئەوە خودایێ راستەقینە و ژیانا هەروهەر.

2 یوحەننا 1:6

حەزژێكرن ژی ئەڤەیە: ئەم ل دویڤ فەرمانێن وی بچین. فەرمان ژی ئەڤەیە: كا چەوا هەوە ژ دەستپێكێ بهیستیە، وەسا ل سەر رێكا حەزژێكرنێ بچن.

ئاشكراكرن 12:17

ئینا ئەژدەها ژ ژنكێ تۆڕە بوو و چوو دا جەنگێ ل دژی دویندەها وێ یا مای بكەت، ئەوێن فەرمانێن خودێ ب ج‍‌ھ دئینن و شاهدەییێ بۆ عیسایێ مەسیح ددەن.

ئاشكراكرن 14:12

ل ڤێرێ خۆڕاگرتنا پیرۆزكریان یا فەرە، ئەوێن فەرمانێن خودێ ب ج‍‌ھ دئینن و دلسۆزیا خۆ ب عیسای دپارێزن.