4 ئەوێ دبێژیت: «ئەز وی دنیاسم» و فەرمانێن وی ب جھ نەئینیت، ئەو درەوینە و راستی د دلێ وی دا نینە.
هوین ژ بابێ خۆ ئبلیسینە و هەوە دڤێت حەزێن بابێ خۆ ب جھ بینن. ئەو ل دەستپێكێ مێركوژ بوو و چ جاران لایەنگرێ راستیێ نەبوو، چنكو راستی د وی دا نینە. دەمێ ئەو درەوێ دكەت، ئەو ل گۆر سرۆشتێ خۆ دئاخڤیت، چنكو ئەو درەوینە و بابێ درەوێیە.
چنكو گەلەكێن یاخیبووی هەنە، یێن ئاخفتن ڤاڵا و خاپینۆك، ب تایبەت لایەنگرێن سونەتكرنێ،
ئەو دبێژن كو ئەو خودێ دنیاسن، لێ ب كریارێن خۆ وی ماندەل دكەن. ئەو جهێ دلڕەشیێنە، نەگوهدارن، ب كێر هیچ كارەكێ باش ناهێن.
ئەگەر ئەم بێژین كو مە گونەھ نەكریە، ئەم وی درەوین دەردئێخین و پەیڤا وی د دلێ مە دا نینە.
ئەگەر بێژین كو مە هەڤپشكی یا ل گەل خودێ هەی و ئەم د تاریاتیێ دا بڕێڤە بچین، ئەم درەوان دكەین و ل دویڤ راستیێ ناچین.
ئەگەر ئەم بێژین كو مە گونەھ نینن، ئەم خۆ دخاپینین و راستی د دلێ مە دا نینە.
ئەم ب وێ چەندێ دزانین كو ئەم وی دنیاسین، ئەگەر ئەم فەرمانێن وی ب جھ بینین.
ئەوێ دبێژیت: «ئەز یێ د رۆناهیێ دا» و كەربێن وی ژ خویشك یان برایێ وی ڤەدبن، ئەو هێشتا یێ د تاریاتیێ دا.
هەر كەسێ د ناڤ وی دا یێ بنەجھ بیت، گونەهێ ناكەت. هەر كەسێ گونەهێ بكەت، نە ئەو دیتیە و نە ژی ئەو نیاسیە.
ئەگەر ئێك ببێژیت: «ئەز حەز ژ خودێ دكەم» و كەربێن وی ژ خویشك یان برایێ وی ڤەببن، ئەو یێ درەوینە. چنكو ئەو كەسێ حەز ژ خویشك یان برایێ خۆ نەكەت یێ كو دبینیت، ئەو نەشێت حەز ژ خودێ بكەت یێ كو نابینیت.
گەلی خۆشتڤیان، بلا ئەم حەز ژ ئێكودوو بكەین، چنكو حەزژێكرن ژ خودێیە. هەر كەسێ حەزژێكرنێ دكەت، ئەو یێ ژ خودێ بووی و خودێ دنیاسیت.