1 یوحەننا 2:10 - ئنجیلا پیرۆز

¹⁰ یێ حەز ژ خویشك و برایێن خۆ دكەت، ئەو د رۆناهیێ دا یێ بنەجهە و چ ئەگەرێن هەلنگفتنێ بۆ وی نینن.

1 یوحەننا 2:10 ပူးပေါင်းရင်းမြစ်များ

1 یوحەننا 3:14

ئەم دزانین كو ئەم ژ مرنێ دەرباز بووینە ژیانێ، چنكو ئەم حەز ژ خویشك و برایان دكەین. ئەوێ حەزژێكرنێ نەكەت، ئەو د مرنێ دا بنەج‍‌ھ دبیت.

رۆما 14:13

لەوما ئێدی ئەم ئێكودوو داد نەكەین، لێ یا باشتر ئەوە هوین بڕیارێ بدەن كو ئاستەنگ و بەرپێكان بۆ برایێ خۆ نەدانن.

2 پەترۆس 1:10

ژ بەر ڤێ چەندێ گەلی خویشك و برایان، زێدەتر بزاڤێ بكەن دا دووپات بكەن كو خودێ هوین یێن گازی كرین و هەلبژارتین، چنكو ئەگەر هوین ڤان تشتان بكەن، هوین چ جاران ناهەلنگڤن.

مزگینیا یوحەننای 8:31

ئینا عیسای گۆتە وان جوهیێن باوەری پێ ئینای: «ئەگەر هەوە خۆ ل سەر پەیڤا من راگرت، هوین ب راستی شاگردێن منن

مزگینیا مەتتای 18:7

نەخوزیكێن جیهانێ ژ بەر ئەگەرێن هەلنگفتنێ! پێدڤیە ئەگەرێن هەلنگفتنێ هەبن، لێ نەخوزیكێن وی كەسی یێ ئەگەرێ هەلنگفتنێ ل سەر دەستێ وی دهێت.

مزگینیا مەتتای 13:21

لێ ژ بەر كو رە‍‌ھ تێدا نینە، ئەو د دۆمكورتن و دەمێ تەنگاڤی یان تەپەسەری ژ بەر پەیڤێ ب سەرێ وان دهێت، ئێكسەر پەیڤێ دهێلن.

فیلیپی 1:10

داكو هوین یا باشترین بهەلبژێرن، ئەڤجا د رۆژا مەسیحی دا د دلپاك و بێكێماسی بن

مزگینیا یوحەننای 11:9

عیسای بەرسڤ دا: «ما رۆژ نە دوازدە دەمژمێرن؟ ئەڤجا ئەگەر ئێك ب رۆژێ بگەڕیێت، ناهەلنگڤیت، چنكو رۆناهیا ڤێ جیهانێ دبینیت.

مزگینیا یوحەننای 12:35

عیسای گۆتە وان: «رۆناهی بۆ دەمەكێ دی ژی یێ كورت دێ ل گەل هەوە مینیت. ئەڤجا هندی رۆناهی ل گەل هەوەیە بڕێڤە هەڕن، نەكو تاری ب سەر هەوە دا بهێت. ئەوێ ل تاریاتیێ بڕێڤە دچیت، ئەو نزانیت كیڤە دچیت.

1 یوحەننا 2:11

لێ یێ كەربێن وی ژ خویشكا وی یان برایێ وی ڤەدبن، ئەو یێ د تاریاتیێ دا و د تاریاتیێ دا دژیت و نزانیت كیڤە دچیت، چنكو تاریاتیێ چاڤێن وی یێن كۆرە كرین.