1 یوحەننا 1:7 - ئنجیلا پیرۆز

⁷ لێ ئەگەر ئەم د رۆناهیێ دا بڕێڤە بچین، هەروەكو ئەو د رۆناهیێ دا، مە هەڤپشكی یا ل گەل ئێكودوو هەی و خوینا كوڕێ وی، عیسای، مە ژ هەمی گونەهان پاقژ دكەت.

1 یوحەننا 1:7 ပူးပေါင်းရင်းမြစ်များ

مزگینیا مەتتای 6:12

ل قەرێن مە ببورە، هەروەكو ئەم ل قەردارێن خۆ دبورین.

مزگینیا یوحەننای 1:29

ل رۆژا د دویڤ دا، یوحەننای دیت عیسا یێ بەرەڤ وی ڤە دهێت، ئینا گۆت: «ئەڤەیە بەرخێ خودێ ئەوێ گونەها جیهانێ رادكەت.

مزگینیا یوحەننای 12:35

عیسای گۆتە وان: «رۆناهی بۆ دەمەكێ دی ژی یێ كورت دێ ل گەل هەوە مینیت. ئەڤجا هندی رۆناهی ل گەل هەوەیە بڕێڤە هەڕن، نەكو تاری ب سەر هەوە دا بهێت. ئەوێ ل تاریاتیێ بڕێڤە دچیت، ئەو نزانیت كیڤە دچیت.

مزگینیا یوحەننای 5:4

چنكو جار جارە فریشتەیەك خواردكەفتە بركێ و ئاڤ دشلقاند. ئەوێ بەراهیێ دچوو تێدا پشتی شلقینا ئاڤێ، دا ژ هەر ئێشەكا لێ هەی ساخ بیت.

رۆما 13:12

گەلەك ژ شەڤێ چوویە و رۆژ نێزیك بوویە، ئەڤجا دا كارێن تاریاتیێ ژ بەر خۆ بكەین و چەكێن رۆناهیێ بكەینە بەر خۆ.

1 كورنتۆس 6:11

هندەك ژ هەوە ژی د وەسا بوون. لێ هوین ب ناڤێ خودان عیسایێ مەسیح و ب گیانێ خودایێ مە هاتنە شویشتن، هوین هاتنە پیرۆزكرن، هوین هاتنە بێگونەهكرن.

ئەفەسۆس 1:7

ژ دەولەتسەرێ وی، مە ب خوینا وی رزگاری وەرگرت، ئانكو مە لێبورینا گونەهان هەیە. ئەڤ چەندە ل دویڤ كەرەما خودێ یا دەولەمەندە ،

ئەفەسۆس 5:8

چنكو دەمەكی هوین تاری بوون، لێ نوكە هوین ب ئێكبوونا ل گەل خودانی رۆناهینە. ئەڤجا وەكو زاڕۆكێن رۆناهیێ بژین

1 تیمۆتاوس 6:16

ئەوێ ب تنێ وی نەمری هەی، د رۆناهیەكێ دا ئاكنجیە كو كەس نەشێت خۆ نێزیك بكەت، ئەوێ كەسێ نەدیتی و كەس نەشێت ببینیت، رێز و سەروەریا هەروهەر بۆ وی بن! ئامین.

تیتۆس 2:14

ئەوێ خۆ گۆری مە كری، دا مە ژ هەمی گونەهان رزگار بكەت و پاك بكەت و بكەتە خەلكێ خۆ یێ تایبەت یێ دلگەرم بۆ كریارێن باش.

عیبرانی 9:14

پا چەند پتر خوینا مەسیحی، ئەوێ خۆ بێكێماسی ب هێزا گیانێ پیرۆزێ هەروهەر بۆ خودێ پێشكێش كری، دێ وژدانا مە ژ وان كریاران پاقژ كەت یێن مرۆڤی بەرەڤ مرنێ دبەن، دا پەرستنا خودایێ زیندی بكەین.

یەعقوب 1:17

هەر دانەكا باش و هەر دیاریەكا بێكێماسی ژ سڵالە، ژ نك بابێ رۆناهیان خوار دكەڤیت، ئەوێ ناهێتە گوهۆڕین، خۆ بچویكترین سیبەرا گوهۆڕینێ ژی نینە.

1 پەترۆس 1:19

لێ ب خوینەكا بهاگران، هەروەكو یا بەرخەكێ بێكێماسی و بێپنی بیت، هاتینە ئازاد كرن، ئەو ژی خوینا مەسیحیە.

1 یوحەننا 1:3

ئەوا مە دیتی و بهیستی بۆ هەوە رادگەهینین، دا هەوە ژی هەڤپشكی ل گەل مە هەبیت. هەڤپشكیا مە ژی ل گەل بابی و ل گەل كوڕێ وی عیسایێ مەسیحە.

1 یوحەننا 1:5

ئەڤەیە ئەو پەیاما مە ژ عیسایێ مەسیح بهیستی و بۆ هەوە رادگەهینین: خودێ رۆناهیە و چ تاریاتی تێدا نینە.

1 یوحەننا 5:6

ئەڤەیە ئەوێ ب ئاڤێ و خوینێ هاتی، عیسایێ مەسیح. نە ب ئاڤێ ب تنێ، لێ ب ئاڤێ و خوینێ یێ هاتی. گیانێ پیرۆزە یێ شاهدەییێ ددەت ژی، چنكو گیانێ پیرۆز راستیە.

1 یوحەننا 5:8

گیان و ئاڤ و خوین. ئەڤ هەر سێیە هەمان شاهدەیی ددەن.

2 یوحەننا 1:4

ئەز گەلەك دلخۆش بووم دەمێ من دیتی كو هندەك زاڕۆكێن تە، ب وی شێوەیێ بابی فەرمان ل مە كری، ل سەر راستیێ دچن.

3 یوحەننا 1:4

من دلخۆشیەكا ژ ڤێ مەزنتر نینە كو ئەز ببهیسم زاڕۆكێن من ل سەر راستیێ دچن.

ئاشكراكرن 1:5

و ژ عیسایێ مەسیح، شاهدێ دلسۆز، نەخریێ ژ ناڤ مریان و سەرۆكێ پاشایێن ئەردی. ئەوێ حەز ژ مە دكەت و ئەم ب خوینا خۆ ژ گونەهێن مە ئازاد كرین

ئاشكراكرن 12:11

ئەو ب خوینا بەرخی و ب پەیڤا شاهدەییا خۆ ل سەر وی ب سەركەفتن و وان حەز ژ ژیانا خۆ نەكر، خۆ ل بەرامبەر مرنێ ژی.

ئاشكراكرن 7:14

من گۆتێ: «ئەزبەنی، تۆ دزانی.» هنگی وی گۆتە من: «ئەڤە ئەون یێن ژ تەنگاڤیا مەزن هاتین و جلكێن خۆ ب خوینا بەرخی شویشتین و سپی كرین.