1 یوحەننا 1:3 - ئنجیلا پیرۆز

³ ئەوا مە دیتی و بهیستی بۆ هەوە رادگەهینین، دا هەوە ژی هەڤپشكی ل گەل مە هەبیت. هەڤپشكیا مە ژی ل گەل بابی و ل گەل كوڕێ وی عیسایێ مەسیحە.

1 یوحەننا 1:3 ပူးပေါင်းရင်းမြစ်များ

مزگینیا یوحەننای 17:11

ئێدی ئەز د جیهانێ دا نینم، لێ ئەو یێ د جیهانێ دا و ئەز دێ هێمە نك تە. بابێ پیرۆز، وان ب ناڤێ خۆ یێ تە دایە من بپارێزە، دا ببنە ئێك هەروەكو ئەز و تۆ ئێك.

مزگینیا یوحەننای 17:21

داكو هەمی ببنە ئێك. باب، هەروەكو تۆ د ناڤ من دا و ئەز د ناڤ تە دا، بلا ئەو ژی د ناڤ مە دا بن، دا جیهان باوەریێ بینیت كو تە ئەز یێ هنارتیم.

مزگینیا یوحەننای 17:25

بابێ راستدار، جیهان تە نانیاسیت، لێ ئەز تە دنیاسم و ئەڤە دزانن كو تە ئەز یێ هنارتیم.

مزگینیا یوحەننای 17:3

ژیانا هەروهەر ژی ئەڤەیە: ئەو تە، ئانكو خودایێ راستەقینە یێ ئێكانە، و عیسایێ مەسیح یێ تە هنارتی، بنیاسن.

مزگینیا یوحەننای 19:35

یێ كو ئەڤە دیتی، وی شاهدەیی دایە، (شاهدەییا وی ژی یا دروستە و ئەو دزانیت كو ئەو یێ راستیێ دبێژیت،) دا هوین ژی باوەریێ بینن.

كارێن هنارتیان 13:32

ئەڤە ئەم ژی بۆ هەوە مزگینیێ رادگەهینین، كو ئەو سۆزا خودێ دایە بابكالێن مە،

كارێن هنارتیان 13:41

‹بەرێ خۆ بدەنێ، گەلی تڕانەكەران! بگوهشن و بنبڕ ببن، چنكو ئەز دێ ل سەردەمێ هەوە كارەكی كەم، كو ئەگەر ئێك بۆ هەوە بەحس بكەت، هوین ئێكجار باوەر نەكەن!›»

كارێن هنارتیان 2:42

ئەوان خۆ بۆ گوهداریا فێركرنێن هنارتیان، ژیانا هەڤپشكیێ، كەركرنا نانی و نڤێژان تەرخان دكر.

كارێن هنارتیان 20:27

چنكو من خۆ نەدایە پاش كو بۆ هەوە هەمی حەزا خودێ دیار بكەم.

كارێن هنارتیان 4:20

چنكو ئەم نەشێین ئەو تشتێن مە دیتین و گو‍‌ھ لێ بووین نەبێژین.»

رۆما 15:27

وان پێخۆش بوو و ب راستی ژی ئەو قەردارێن وانن، چنكو ئەگەر نەجوهی بووینە هەڤپشك د تشتێن روحانی یێن جوهیان دا، پێدڤیە ژی ئەو ب تشتێن ماددی خزمەتا وان بكەن.

1 كورنتۆس 1:30

هەر ئەوە ئەگەرێ ئێكبوونا هەوە ل گەل مەسیح عیسای، ئەو مەسیحێ بۆ مە بوویە ئاقلمەندی ژ نك خودێ، راستداری، پیرۆزی و رزگاری،

1 كورنتۆس 1:9

دلسۆزە ئەو خودایێ هوین گازی كرینە پشكداربوونێ ل گەل كوڕێ وی، خودانێ مە عیسایێ مەسیح.

1 كورنتۆس 15:1

نوكە ئەز دێ وێ مزگینیێ ئینمە بیرا هەوە، گەلی خویشك و برایان، ئەوا من دایە هەوە و هەوە ژی قەبیل كری و خۆ پێڤە گرێ دای.

2 كورنتۆس 13:14

كەرەما خودان عیسایێ مەسیح و حەزژێكرنا خودێ و هەڤپشكیا گیانێ پیرۆز ل گەل هەوە هەمیان بن.

ئەفەسۆس 3:6

نهێنی ژی ئەڤەیە، كو مللەتێن نەجوهی ب رێیا مزگینیێ، د ئێكبوونا ل گەل مەسیح عیسای دا، ل گەل جوهیان هەڤمیراتن و هەڤلەشن و هەڤپشكێن سۆزێنە.

فیلیپی 1:7

بۆ من دروستە كو ئەز ڤێ هزرێ دەربارەی هەوە هەمیان بكەم، چنكو هوین یێ د دلێ من دا. هوین هەمی د كەرەما خودێ دا هەڤپشكێن منن، د گرتنا من دا، هەروەسا د بەرگریكرن و سەلماندنا مزگینیێ دا.

فیلیپی 2:1

ئەگەر مەسیح هەوە هانددەت، ئەگەر ڤیانا وی دلێ هەوە ئارام دكەت، ئەگەر ب گیانێ پیرۆز هەوە هەڤپشكی ل گەل ئێكودوو هەیە، ئەگەر هەوە دلسۆزی و دلۆڤانی هەیە،

فیلیپی 3:10

من دڤێت مەسیحی بنیاسم و هێزا رابوونا وی ژ ناڤ مریان بزانم و پشكدارێ ئازارێن وی بم و وەكو وی لێ بهێم د مرنا وی دا،

كۆلۆسی 1:13

ئەوی ئەم ژ دەستهەلاتا تاریاتیێ قورتال كرین و بۆ پاشایەتیا كوڕێ خۆ یێ خۆشتڤی ڤەگوهاستین،

1 سالونیكی 1:10

و چاڤەڕێی كوڕێ وی بن كو دێ ژ ئەسمانان هێت، ئەوێ وی ژ ناڤ مریان راكری، عیسا، ئەوێ مە ژ تۆڕەبوونا دێ هێت قورتال دكەت.

1 تیمۆتاوس 6:2

ئەوێن خودانێن وان د باوەردار، بلا ژ بەر برایینیێ رێزگرتنا وان كێم نەكەن، لێ بلا پتر خزمەتا وان بكەن، چنكو ئەوێن مفای ژ خزمەتا وان وەردگرن، باوەردار و خۆشتڤینە. فێركرنێ و هاندانێ ب وان هەمی تشتان بكە.

عیبرانی 2:12

ئەو دبێژیت: «ئەز دێ ناڤێ تە بۆ برایێن خۆ راگەهینم، د ناڤ جڤاتێ دا دێ پەسنا تە كەم.»

عیبرانی 3:1

ئەڤجا گەلی خویشك و برایێن پیرۆز، پشكدارێن وێ گازیا ئەم پێ بۆ ئەسمانی گازی كرین، هزرێ د عیسای دا بكەن، یێ ئەم دانپێدانێ دكەین كو هنارتی و سەرۆككاهنێ مەیە.

عیبرانی 3:14

چنكو ئەم بووینە هەڤپشكێن مەسیحی، ئەگەر مە تا دویماهیێ خۆ ب وێ پشتڕاستیێ ڤە گرت یا مە ل دەستپێكێ هەی.

1 پەترۆس 5:1

ئەز هیڤی ژ ریهسپیێن د ناڤ هەوە دا دكەم، كو ئەز وەكو هەوە ریهسپیمە و شاهدم ل سەر ئازارێن مەسیحی و هەڤپشكێ وێ مەزناهیێمە یا كو ل نێزیك دێ دیار بیت:

2 پەترۆس 1:16

چنكو دەمێ مە هاتنا ب هێز یا خودانێ مە عیسایێ مەسیح ب هەوە دایە زانین، ئەم نەكەفتینە دویڤ ئەفسانەیێن ب ژیری هاتینە چێكرن، لێ مە ب چاڤێن خۆ مەزناهیا وی دیت.

1 یوحەننا 1:1

ئەوێ كو ل دەستپێكێ هەبوو، ئەوێ مە بهیستی، ئەوێ مە ب چاڤێن خۆ دیتی، ئەوێ مە لێ نێڕی و مە دەستێ خۆ كریێ، ئەوە یا ئەم بۆ هەوە رادگەهینین كو پەیڤا ژیانێیە.

1 یوحەننا 1:5

ئەڤەیە ئەو پەیاما مە ژ عیسایێ مەسیح بهیستی و بۆ هەوە رادگەهینین: خودێ رۆناهیە و چ تاریاتی تێدا نینە.

1 یوحەننا 1:7

لێ ئەگەر ئەم د رۆناهیێ دا بڕێڤە بچین، هەروەكو ئەو د رۆناهیێ دا، مە هەڤپشكی یا ل گەل ئێكودوو هەی و خوینا كوڕێ وی، عیسای، مە ژ هەمی گونەهان پاقژ دكەت.