1 یوحەننا 1:2 - ئنجیلا پیرۆز

² ژیان دیار بوو، مە ئەو دیتیە و شاهدەییێ بۆ ددەین و وێ ژیانا هەتا هەتایی بۆ هەوە رادگەهینین، ئەوا ل گەل بابی بوو و بۆ مە دیار بووی.

1 یوحەننا 1:2 ပူးပေါင်းရင်းမြစ်များ

مزگینیا یوحەننای 1:18

كەسێ چ جاران خودێ نەدیتیە، لێ كوڕێ ئێكانە، كو ئەو ب خۆ ژی خودێیە، ئەوێ د هەمبێزا بابی دا، ئەوی خودێ یێ دایە نیاسین.

مزگینیا یوحەننای 1:4

ژیان د وی دا بوو و ئەو ژیان بۆ مرۆڤان رۆناهی بوو.

مزگینیا یوحەننای 10:28

ئەز ژیانا هەروهەر ددەمێ و ئەو قەت ژ ناڤ ناچن، كەس ژی وان ژ دەستێ من دەرنائێخیت.

مزگینیا یوحەننای 14:6

ئینا عیسای بەرسڤ دا: «ئەزم رێك و راستی و ژیان. كەس ناهێتە نك بابی، ئەگەر ب رێیا من نەبیت.

مزگینیا یوحەننای 15:27

هوین ژی دێ بۆ من شاهدەییێ دەن، چنكو هەر ژ دەستپێكێ هوین ل گەل من بوون.»

مزگینیا یوحەننای 16:28

ئەز ژ نك بابی دەركەفتم و هاتمە جیهانێ، ئەز دێ جیهانێ هێلم و جارەكا دی چمە نك بابی.»

مزگینیا یوحەننای 17:3

ژیانا هەروهەر ژی ئەڤەیە: ئەو تە، ئانكو خودایێ راستەقینە یێ ئێكانە، و عیسایێ مەسیح یێ تە هنارتی، بنیاسن.

مزگینیا یوحەننای 17:5

باب، نوكە من ل نك خۆ مەزن بكە، ب وێ مەزناهیا من بەری هەبوونا جیهانێ ل نك تە هەبوو.

مزگینیا یوحەننای 19:35

یێ كو ئەڤە دیتی، وی شاهدەیی دایە، (شاهدەییا وی ژی یا دروستە و ئەو دزانیت كو ئەو یێ راستیێ دبێژیت،) دا هوین ژی باوەریێ بینن.

مزگینیا یوحەننای 21:14

ئەڤە جارا سێیێ بوو عیسا بۆ شاگردێن خۆ دیار دبیت، پشتی ژ ناڤ مریان رابووی.

مزگینیا یوحەننای 3:13

كەسەك سەرنەكەفتیە ئەسمانی، ئەگەر ئەو نەبیت، ئەوێ ژ ئەسمانی هاتیە خوارێ، كو ئەو ژی كوڕێ مرۆڤە.

مزگینیا یوحەننای 7:29

لێ ئەز وی دنیاسم، چنكو ئەز ژ ویمە و ئەوی ئەز یێ هنارتیم.»

مزگینیا یوحەننای 8:38

ئەز وێ دبێژم یا من ل نك بابێ خۆ دیتی، هوین ژی وێ دكەن یا هەوە ژ بابێ خۆ بهیستی.»

كارێن هنارتیان 10:41

نە بۆ هەمی خەلكی، لێ ب تنێ بۆ وان شاهدێن بەری هنگی ژ لایێ خودێ ڤە هاتینە هەلبژارتن، ئانكو بۆ مە ئەوێن پشتی رابوونا وی ژ ناڤ مریان ل گەل وی خواری و ڤەخواری.

كارێن هنارتیان 2:32

خودێ ئەڤ عیسایە ژ مرنێ ساخ كرەڤە و ئەم هەمی بۆ وێ راستیێ شاهدین.

كارێن هنارتیان 3:15

هەوە ژیاندەر كوشت، لێ خودێ ژ ناڤ مریان راكر. ئەم ل سەر ڤێ چەندێ شاهدین.

كارێن هنارتیان 5:32

و ئەم شاهدەییێ ل سەر ڤێ چەندێ ددەین، هەروەسا گیانێ پیرۆز ژی یێ كو خودێ دایە وان كەسێن گوهداریا وی دكەن شاهدەییێ ددەت.»

رۆما 8:3

ئەو تشتێ دەستووری ژ بەر لاوازیا سرۆشتێ لەشكانی یێ مرۆڤی نەشیای بكەت، خودێ ئەو كر: وی كوڕێ خۆ ب لەشەكێ وەكو لەشێ مە یێ گونەهكار هنارت بۆ كەفارەتا گونەهان، هۆسا وی گونە‍‌ھ د لەشی دا گونەهبار كر،

گالاتیا 4:4

لێ گاڤا دەمێ دەستنیشانكری هاتی، خودێ كوڕێ خۆ هنارت، ئەو ژ ژنەكێ ژ دایك بوو و ل بن دەستهەلاتا دەستووری ژ دایك بوو،

1 تیمۆتاوس 3:16

بێگۆمان، نهێنیا خودێپەرێسیا راستەقینە یا مەزنە: ئەو ب لەشی دیار بوو، ژ لایێ گیانێ پیرۆز ڤە راستدار هاتە دەرئێخستن، ژ لایێ فریشتەیان ڤە هاتە دیتن، مزگینیا وی د ناڤ مللەتان دا هاتە راگەهاندن، د جیهانێ دا باوەری پێ هاتە ئینان و د مەزناهیێ دا هاتە بلندكرن.

2 تیمۆتاوس 1:10

و نوكە ب دیاربوونا قورتالكەرێ مە مەسیح عیسای ئاشكرا بوو، ئەوێ مرن ژ ناڤ بری و ب رێكا مزگینیێ ژیان و نەمری داناینە بەر رۆناهیێ.

تیتۆس 1:2

ئەو راستی پشتڕاستیێ ددەتە وان كو ژیانا هەروهەر وەربگرن، ئەو ژیان یا خودایێ كو چ جاران درەوان ناكەت، بەری دەستپێكا ئافراندنێ، سۆزا وێ دای

1 پەترۆس 5:1

ئەز هیڤی ژ ریهسپیێن د ناڤ هەوە دا دكەم، كو ئەز وەكو هەوە ریهسپیمە و شاهدم ل سەر ئازارێن مەسیحی و هەڤپشكێ وێ مەزناهیێمە یا كو ل نێزیك دێ دیار بیت:

1 یوحەننا 1:1

ئەوێ كو ل دەستپێكێ هەبوو، ئەوێ مە بهیستی، ئەوێ مە ب چاڤێن خۆ دیتی، ئەوێ مە لێ نێڕی و مە دەستێ خۆ كریێ، ئەوە یا ئەم بۆ هەوە رادگەهینین كو پەیڤا ژیانێیە.

1 یوحەننا 2:25

ئەڤەیە ئەو سۆزا وی ب خۆ دایە مە، ئەو ژی ژیانا هەتا هەتاییە.

1 یوحەننا 3:5

هوین دزانن كو مەسیح یێ دیار بووی، دا گونەهان راكەت. گونە‍‌ھ د وی دا نینە.

1 یوحەننا 3:8

یێ گونەهان دكەت، ئەو ژ ئبلیسیە، چنكو ئبلیس هەر ژ دەستپێكێ وەرە گونەهێ دكەت. كوڕێ خودێ ژ بەر هندێ یێ دیار بووی، دا كارێن ئبلیسی ژ ناڤ ببەت.

1 یوحەننا 4:14

مە دیتیە و ئەم شاهدەییێ ددەین كو بابی كوڕێ خۆ هنارت دا ببیتە قورتالكەرێ جیهانێ.

1 یوحەننا 4:2

هوین ب ڤێ چەندێ دێ گیانێ خودێ نیاسن: هەر گیانەكێ دانپێدانێ بكەت كو عیسایێ مەسیح ب لەشی یێ هاتی، ئەو گیان ژ خودێیە،

1 یوحەننا 5:11

شاهدەیی ژی ئەڤەیە: خودێ ژیانا هەروهەر دایە مە و ئەڤ ژیانە د ناڤ كوڕێ وی دایە.

1 یوحەننا 5:13

من ئەڤە بۆ هەوە یێن باوەریێ ب ناڤێ كوڕێ خودێ هەی، نڤیسین، دا بزانن كو هەوە ژیانا هەروهەر یا هەی.

1 یوحەننا 5:20

دزانین ژی كو كوڕێ خودێ هاتیە و تێگەهشتن دایە مە، دا یێ راستەقینە بنیاسین. ئەم د ناڤ یێ راستەقینە داینە، د ناڤ كوڕێ خودێ عیسایێ مەسیح دا. ئەوە خودایێ راستەقینە و ژیانا هەروهەر.