1 كورنتۆس 2:4 - ئنجیلا پیرۆز

⁴ ئاخفتن و مزگینیدانا من نە ب ئاخفتنێن ئاقلمەندیا مرۆڤكانی یێن قاییلكەر بوو، لێ ب نیشانێن هێزا گیانێ پیرۆز بوو،

1 كورنتۆس 2:4 ပူးပေါင်းရင်းမြစ်များ

كارێن هنارتیان 20:27

چنكو من خۆ نەدایە پاش كو بۆ هەوە هەمی حەزا خودێ دیار بكەم.

كارێن هنارتیان 26:28

ئەگریپاسی گۆتە پاولۆسی: «تۆ دبێژی د ڤی دەمێ كورت دا، دێ بۆ من باوەریێ چێكەی كو ببمە مەسیحی؟!»

رۆما 15:13

ئەڤجا بلا خودایێ هیڤیێ، ب رێكا باوەریێ هەوە تژی هەمی شادی و ئاشتی بكەت، دا هیڤیا هەوە ب هێزا گیانێ پیرۆز د سەردا بڕژیێت.

رۆما 15:19

ب هێزا نیشان و مەندەهۆشیان، ب هێزا گیانێ خودێ. هۆسا ژ ئورشەلیمێ تا ئەلیریكومێ ئەز گەڕیام و من مزگینیا مەسیحی ب تەمامی راگەهاند.

رۆما 16:18

چنكو كەسێن هۆسا، خزمەتێ بۆ خودانێ مە مەسیحی ناكەن، لێ بۆ زكێ خۆ دكەن. ب خۆشخۆشك و سالویسیێ دلێ كەسێن سادە دخاپینن.

1 كورنتۆس 1:17

چنكو مەسیحی بۆ تافیركرنێ ئەز نەهنارتم، لێ بۆ مزگینیدانێ، نە ب شارەزاییا ئاخفتنێ، دا خاچا مەسیحی ژ هێزا خۆ نەهێتە ڤاڵاكرن.

1 كورنتۆس 2:1

ئەز ژی، گەلی خویشك و برایان، دەمێ هاتیمە نك هەوە و نهێنیا خودێ بۆ هەوە رادگەهاند، من ب رەهوانیا ئاخفتنێ یان ئاقلمەندیێ نەدكر.

1 كورنتۆس 2:13

ئەم وان تشتان ژی دبێژین، نە ب پەیڤێن كو ئەم ژ ئاقلمەندیەكا مرۆڤكانی فێر بووین، لێ ب پەیڤێن كو ئەم ژ گیانێ پیرۆز فێر بووین، هۆسا ئەم تشتێن روحانی بۆ كەسێن روحانی شڕۆڤە دكەین.

1 كورنتۆس 4:20

چنكو پاشایەتیا خودێ نە ب ئاخفتنێیە، لێ ب هێزێیە.

2 كورنتۆس 6:6

د دلپاكیێ دا، د زانینێ دا، د بێهنفرەهیێ دا، د قەنجیێ دا، د گیانێ پیرۆز دا، د حەزژێكرنا بێ دووڕویاتی دا،

گالاتیا 1:10

ما هوین هزر دكەن ئەز نوكە ل رازیبوونا مرۆڤان دگەڕیێم، یان یا خودێ؟ ما ئەز بزاڤێ دكەم دا دلێ مرۆڤان خۆش بكەم؟ نەخێر! ئەگەر من هەر ڤیابا دلێ مرۆڤان خۆش كەم، ئەز بەنیێ مەسیحی نەدبووم.

كۆلۆسی 2:4

ئەز ڤێ چەندێ دبێژم، دا كەس ب گۆتنێن خۆش هەوە نەخاپینیت.

1 سالونیكی 1:5

چنكو مزگینیا مە نە ب تنێ ب پەیڤان، لێ ب هێزێ ژی و ب گیانێ پیرۆز و ب پشتڕاستیەكا تەمام گەهشتیە هەوە. هوین دزانن كا ئەم د ناڤ هەوە دا ژ پێخەمەت هەوە چ جۆرە كەس بووین.

1 پەترۆس 1:12

بۆ وان هاتە دیاركرن، كو وان نە بۆ خۆ، لێ بۆ هەوە خزمەت دكر، دەمێ بەحسێ وان تشتان دكر یێن نوكە بۆ هەوە هاتینە راگەهاندن، ب رێكا وان یێن ب هێزا گیانێ پیرۆز، ئەوێ ژ ئەسمانی هاتیە هنارتن، مزگینی دایە هەوە. فریشتە ژی گەلەك حەز دكەن ل وان تشتان بنێڕن.

2 پەترۆس 1:16

چنكو دەمێ مە هاتنا ب هێز یا خودانێ مە عیسایێ مەسیح ب هەوە دایە زانین، ئەم نەكەفتینە دویڤ ئەفسانەیێن ب ژیری هاتینە چێكرن، لێ مە ب چاڤێن خۆ مەزناهیا وی دیت.

2 پەترۆس 2:18

چنكو گۆتنێن مەزن و ڤاڵا دبێژن، هۆسا ب ئارەزوویێن لەشی یێن بێدەلنگیێ وان كەسان د سەر دا دبەن یێن ژ نوی رزگار بووین ژ ناڤ وان كەسێن د شاشیێ دا دژین.