- तीतुस 2:8 - Bundeli Holy Bible

⁸ तुमाई बातें खरी होबें, कि कोई उन हां बुरओ न कहबे; कि हमाए विरोधियन हां कोऊ ऐसो मौका न मिलै, और बे लजा जाबें।

- तीतुस 2:8 ပူးပေါင်းရင်းမြစ်များ

- नहेम्याह 5:9

फिन मैं कैत गओ, “जो काम तुम औरें करत आव ऊ अच्‍छो नईंयां; का तुमहों ई कारन हमाए यहोवा परमेसुर कौ भय मानकें चलो नें चईये कि हमाए दुस्‍मन जो अन्‍यजाति के आंय, बे हमाई नामधराई नें करें?

- मरकुस 12:17

यीशु ने उन से कओ; जौन कैसर महाराजा कौ आए ऊ कैसर महाराजा हां, और जौन परमेसुर कौ आए ऊ परमेसुर हां देओ। तब बे ऊ पै भौत अचम्भा करन लगे।

- मरकुस 12:28

और धरम पंडितन में से एक ने आके उन हां बहस करत सुनो, और जौ जान के कि ऊ ने उन हां अच्छे तरीका से जवाब दओ; ऊसे पूछो, सबसे मुख्य आज्ञा कौन सी आय?

- मरकुस 12:32

धरमपंडित बोलो; हे गुरू, भौत ठीक! तेंने सांची कई; कि ऊ एकई आय, और ऊहां छोड़ के और कोऊ नईंयां।

- मरकुस 12:34

जब प्रभु ने तको कि ऊ ने समझ के जवाब दओ, तो ऊसे कओ; तें परमेसुर के राज से दूर नईंयां: फिन कोऊहां ऊसे कछु पूछबे की हिम्मत न पड़ी।

- लूका 13:17

जब यीशु ने जे बातें कईं, तो ऊके सबरे बिरोधी लज्जित हो गए, और सबरी भीड़ उन मंईमा के काम से जौन ऊ करत हतो, खुस भई।

- 2 थिस्सलुनीकियों 3:14

कोऊ जनें हमाई चिठिया में लिखी बात न माने, तो उन पै खास नजर रखियो; और उनकी संगत न करियो, कि उन हां लाज आबे।

- 1 तीमुथियुस 5:14

मैं जौ कैत आंव कि जुआन बिधवाएं ब्याओ करें; और लरका बिटिया जन के अपनो घर बार देखें, कि कोई उनहां भलो बुरो न कैबे।

- 1 तीमुथियुस 6:3

जदि कोऊ और परकार कौ उपदेस देत आय; और साजी बातन हां, माने हमाए पिरभू यीशु मसीह की बातन को और ऊ उपदेस को नईं मानत, जो भक्ति के अनसार आय।

- तीतुस 3:14

हमाए जनें हां सोई जौन बस्त चाने होबै ऊहां दैबे में पाछें न रैबें।

- 1 पतरस 2:12

दूसरी जातन में तुमाओ चाल चलन सई रैबे; ई लाने कि जौन जौन बातन में बे तुम हां बुरए काम करबेवारो जान के बदनाम करत हते, बे तुमाए साजे कामन हां तक के; उनईं के काजें, दया किरपा के दिना परमेसुर की मईमां करें।

- 1 पतरस 2:15

कायसे परमेसुर की मन्सा जा आय, कि तुम साजे काम करबे से बेसमझ लोगन की न समझी की बातन हां बन्द कर दो।

- 1 पतरस 3:16

और अपनी समज सोई सुद्ध राखो, ई लाने कि जिन बातन के बारे में तुमाई बदनामी होत आय, उन के बारे में बे जौन तुमाए मसीही साजे चाल चलन कौ अपमान करत आंय लज्जित होबें।