- तीतुस 2:14 - Bundeli Holy Bible

¹⁴ उन ने अपने आप अपनो बलदान करो, कि हम हां सबरे पापन से दूर करबें, और हम हां साजो कर के ऐसे बनाबें जौन धरम के काज में लगे होबें।

- तीतुस 2:14 ပူးပေါင်းရင်းမြစ်များ

- उत्पत्ति 48:16

और ओई दूत मोहों सबरी बुराई सें छुड़ात आओ आय, ओई अब इन मोंड़ों हों आसीस दे; और जे मोरे और मोरे बाप-दादा अब्राहम और इसहाक के कैलाएं; और पृथ्‍वी में बिलात बढ़ें।”

- मत्ती 1:21

बो पूत हां जन्म दै है और तें ऊकौ नाओं यीशु धरियो; कायसे बे अपने लोगन हां उन के पापन से छुड़ै है।

- मत्ती 20:28

जी तरहां मान्स कौ पूत अपनी चाकरी कराबे नईं, बल्कि चाकर बनके और बिलातन के तरन तारन के लाने अपनो प्राण देबे आओ।

- मत्ती 3:12

ऊको सूपा ऊके हाथन में आय, बो अपनो खलिहान हां पूरो साफ्र कर है, और अपने नांज हां बन्डा में धर है, और भुसा हां ऊ आगी में बार दै है जौन बुझत नईंयां।

- यूहन्‍ना 10:15

वैसई जैसो बाप मोय चीनत आय, और मैं बाप हां चीनत आंव, और मैं गाड़रन के लाने अपनो प्राण देत आंव।

- यूहन्‍ना 6:51

जीवन की रोटी जौन सरग से उतरी बो मैं आंव। जो कोऊ ई रोटी में से खा है, तो बो सदा लौ जीयत रै है, और जौन रोटी मैं जगत के जीवन के लाने दै हों, बो मोरो मांस आय।

- प्रेरितन के काम 15:14

शमौन ने बताओ आय, की परमेसुर ने अपने नाम के लाने बिलात दिना पेंला, गैर यहूदियन में से एक प्रजा हां कैसे चुन लओ।

- प्रेरितन के काम 15:9

ई तरहां भरोसे के द्वारा उन के मन हां सुद्ध करके ऊ ने हम में और उन में कोऊ फरक नईं रखो।

- प्रेरितन के काम 20:28

ई लाने अपनी और अपने सबरे गुट की रखनवारी करो; जीके बीच पवित्र आत्मा ने तुमहां मुखिया ठहराओ आय; की तुम परमेसुर की मण्डली की रखनवारी करो, जीहां ऊ ने अपने खून से मोल लओ आय।

- प्रेरितन के काम 9:36

याफा में तबीता जाने के दोरकास नाओं की एक बिसवासिनी रैत हती, बा कुल्ल भले भले काम और दान दओ करत हती।

- गलतियों 1:4

उनईं ने अपने हां हमाए पापन के काजें दे दओ, किहमाए परमेसुर पिता की मरजी से हमें ई बुरए संसार के बन्धन से छुड़ाबै।

- गलतियों 2:20

मैं मसीह के संग्गै क्रूस पै चढाओ गओ हों, अब मैं जीयत नईंयां, अकेले मसीह मोय मैं जीयत आय: और मैं जौन देह में जीयत हों तो ऊ बिसवास से जीयत हों, जौन परमेसुर के पुत्र पै आय, जीनें मोय से प्रेम करो, और अपने प्रान मोरे लाने दे दए।

- गलतियों 3:13

मसीह जौन हमाए काजें श्रापित कहाए, हम हां मोल लेके नैम के श्राप से छुड़ा लओ कायसे ऐसो पोथी में लिखो आय, कि जौन काठ में लटकाओ जै है ऊ श्रापित आय।

- इफिसियों 1:11

ओई में हम सोई उन की मरजी से जौन अपनी मरजी से सब कछु करत आंय, पेंला से नबेरे जाके हक्कदार भए।

- इफिसियों 2:10

कायसे उन ने हम हां बनाओ आय; और मसीह यीशु में अच्छे पुन्य के काम करबे के लाने परमेसुर ने पेंला से हमाए लाने धरो होबे।

- इफिसियों 5:2

प्रेम से चलो; जैसो मसीह ने तुम से प्रेम करो; और हमाए काजें जैसो अगरबत्ती की सुगन्ध परमेसुर के आगे भेंट चढ़ाई।

- 1 तीमुथियुस 1:15

जा बात सांची और सबरे जनें के मानबे जोग आय, कि यीशु मसीह पापियन को तरन तारन करबे हां ई संसार में आए, उन में सबसे बड़ो मैं आंव।

- 1 तीमुथियुस 2:10

कायसे परमेसुर को भजन भक्ति करबेवारी बईयरन हां जौई अच्छो लगत आय।

- 1 तीमुथियुस 2:6

जीने अपने प्राणन हां सबके तरन तारन के लाने दे दओ; जी की गवाह ठीक बेरा पै दई गई।

- 1 तीमुथियुस 6:18

और भलाई करें, और अच्छे कामन में धनी बनें; और उदार और मदद के लाने तईयार रैबें।

- तीतुस 2:7

सबरे काम ऐसे करौ कि मान्स बड़वाई करें; तुमाई बातें खरी और बजनदार होबें।

- तीतुस 3:8

जे बातें सांची आंय, और मोरी जा चाहना आय, कि तें इन बातन हां खुल के बताए कि जीने परमेसुर पै बिसवास धरो आय, बे भले कामन में लगे रैबें, कायसे जे बातें बढ़िया और मान्सन के भले की आंय।

- इब्रानियों 1:3

पुत्तर परमेसुर पिता की जस की जोत और उनके जैसो आय, और बेई अपने बल से धरती हां संभाले आंय: बे मान्सन के पापन हां धोके परमेसुर महान के दाएं हाथ पै जा बैठे।

- इब्रानियों 10:24

हम दूसरन हां प्रेम करबे हां, और पुण्य के अच्छे काम करबे हां बढ़ावा देबें।

- इब्रानियों 9:14

तो पिरभू यीशु मसीह को रकत जौन बिलकुल बिन पाप हते, परमेसुर के सामूं निषपाप बलदान चढाओ, तो बो तुम हां बुरय काज से पूरे मन से काय न पवित्तर कर है, कि तुम जीयत परमेसुर की सेवा करो।

- याकूब 4:8

परमेसुर के ऐंगरे आओ, तो बो सोई तुमाए ऐंगरे आ है: हे पापियो, अपने काम सुद्ध करो; और हे दुचित्ते लोगो अपने हियन हां पवित्तर करो।

- 1 पतरस 1:18

कायसे तुम जानत आव, कि तुमाओ निकम्मा चाल चलन जौन पुरखन से चलो आत आय, ऊसे तुमाओ तारण चान्दी सोने जाने के नास होबेवारी बस्तन से नईं भओ।

- 1 पतरस 1:22

सो जब तुम ने भाईचारे की निश्चल प्रीति के लाने सत्य के मानबे से अपने हियन हां पवित्तर करो आय, तो तन मन लगा के एक दूजे से अधक प्रेम करो।

- 1 पतरस 2:12

दूसरी जातन में तुमाओ चाल चलन सई रैबे; ई लाने कि जौन जौन बातन में बे तुम हां बुरए काम करबेवारो जान के बदनाम करत हते, बे तुमाए साजे कामन हां तक के; उनईं के काजें, दया किरपा के दिना परमेसुर की मईमां करें।

- 1 पतरस 2:9

पर तुम एक नबेरो भओ वंस, और राजपद अधकारी, याजकन कौ समाज, और पवित्तर लोग, और पवित्तर मान्स और परमेसुर की निज परजा आव, ई लाने कि जीने तुम हां अंधयारे में से अपनी जोत में बुलाओ आय, ऊके गुण परगट करो।

- 1 पतरस 3:18

ई लाने कि मसीह ने सोई, जाने कि अधरमी जन के लाने धरमी ने पापन के काजें एक बेर पीड़ा भोगी, जीसे हम हां परमेसुर के ऐंगर पोंचाबें: बो देयां के लेखे से मार डालो गओ, पर आत्मा के लेखे से जिलाओ गओ।

- 1 यूहन्‍ना 1:7

जैसे बे ज्योत में रैत आंय, ऊंसई हम सोई ज्योत में चलबें, तो हम एक दूजे से मिलके रैबें; और पिरभु यीशु मसीह के रक्त के जस से हमाए पाप कट जै हैं।

- 1 यूहन्‍ना 1:9

परन्त जब हम अपने पापन हां मानें, तो बे हमाए पापन हां क्षिमा कर हैं, और हम हां सबरी अधरम की बातन से सुद्ध करबे में सांचे आंय।

- 1 यूहन्‍ना 3:2

प्यारे भईया हरौ, अबै तो हम परमेसुर के लड़का बिटिया कहात आंय, और अबै जौ पता नईंयां, कि हम और का हुईयें! इतनो पता आय, कि जब बे फिन के आहें तो हम सोई उन घांई हो जै हैं, और उन हां उनके सांचे रूप में तक हैं।

- यूहन्‍ना के दरसन कौ खुलासा 1:5

और यीशु मसीह की कोद से, जौन सच्चे गवाह और मरे भयन में से जी जाबेवाले में पहलौठा, और संसार के राजन के स्वामी आंय, तुम हां सान्ति और दया मिलत रए: जो हम से प्रेम रखत आय, और जीने अपने खून के द्वारा हम हां पापन से छुड़ाओ आय।

- यूहन्‍ना के दरसन कौ खुलासा 5:9

और बे सबरे जौ नओ गाना गान लगे, कि तें ई किताब हां लैबे और ऊ की मुहरें खोलबे जोग आय; कायसे तेंने अपने बलदान के रकत से सबरे कुल, और बोली, और लोगन, और जातियन में से परमेसुर के लाने मान्सन हां मोल ले लओ आय।