- तीतुस 1:9 - Bundeli Holy Bible

⁹ और जौन धरम की बातें उन ने सुनी आंय, उन हां मानबेवारो होबै और खरी बातन कौ परचार करे, और बहस करबेवारन हां ऐसो जवाब दैबे कि विवादियन कौ मुंह बंद हो जाबै।

- तीतुस 1:9 ပူးပေါင်းရင်းမြစ်များ

- प्रेरितन के काम 18:28

कायसे ऊ ने पवित्रशास्त्र से सबूत दै दै के, की यीशु ही मसीह आय: जोस के संग्गै यहूदियन हां सबई के आंगू सान्त कर दओ।

- पैली कुरिन्थियों 14:24

परन्त जदि सबरे अगमबानी करन लगें, और कोऊ बिना बिसवास करबेवारो या बिना पढ़ो लिखो मान्स भीतरे आ जाबै, तो सबरे ऊहां लांछन लगा हैं और जांच परख लै हैं।

- 1 थिस्सलुनीकियों 5:21

सबरी बातन हां परखो जौन साजी होबें उन हां मानो।

- 2 थिस्सलुनीकियों 2:15

सो भईया हरौ, पक्के बने रओ; अब जौन बातें तुम हां सुनाई गईं हतीं, और जौन बातें हमाई चिठिया से सीखीं, उन हां पकड़े रओ।

- 1 तीमुथियुस 1:10

परतिरिया संगत करबेवारे, पुरुष के संग्गै भोग करबेवारे, मान्सन हां बेंचबेवारे, लबरा, लाबरी गवा दैबेवारे, और जौन सांचे परचार को बिरोध करत आंय उनके लाने नैम बने आंय।

- 1 तीमुथियुस 1:15

जा बात सांची और सबरे जनें के मानबे जोग आय, कि यीशु मसीह पापियन को तरन तारन करबे हां ई संसार में आए, उन में सबसे बड़ो मैं आंव।

- 1 तीमुथियुस 1:19

और बिसवास और साजे मन से करत जा, कछु जन ने जे बातें छोड़ दई आंय, सो उनको बिसवास को जहाज मानो डूब गओ।

- 1 तीमुथियुस 4:9

जा बात सांची आय, और सब तरहां के मान्स जा मानत आंय।

- 1 तीमुथियुस 6:3

जदि कोऊ और परकार कौ उपदेस देत आय; और साजी बातन हां, माने हमाए पिरभू यीशु मसीह की बातन को और ऊ उपदेस को नईं मानत, जो भक्ति के अनसार आय।

- 2 तीमुथियुस 1:13

जौन खरी बातें तेंने मोसे सुनी आंय उन हां पक्को मान के प्रेम से यीशु मसीह की बातन हां मानत जा।

- 2 तीमुथियुस 2:2

जौन बातें तेंने बिलात जनन के सामूं मोय से सुनी आंय, उन हां दूसरे बिसवास करबेवारन हां सुना दे; जौन औरन हां बेई बातें सिखाबें।

- 2 तीमुथियुस 2:25

जौन जनें बिरोध करें उन हां धीरज से समझा दो, का पता कि परमेसुर उनको मन बदल देबे, कि बे सोई इन सांची बातन हां मानें।

- 2 तीमुथियुस 3:14

परन्त तेंने जौन बातें सीखी आंय और उन पै बिसवास धरो, उन में पक्को बनो रै; ध्यान धरियो कि जे बातें तेंने कौन से सीखी हतीं?

- 2 तीमुथियुस 4:3

कायसे ऐसे दिना आहें, कि मान्स सच्ची बात न मान हैं, परन्त जौन बातें सुनबे में मजा आबै और अपनी अभलाखा जैसो कैबेवारो जोड़ लै है।

- तीतुस 1:11

उनकौ मों बन्द करो चईये, जे औरें पईसा ऐंठबे हां बुरई बातें बताके घर के घर बिगाड़त आंय।

- तीतुस 2:1

तें साफ साफ कहें गए, जौन साजी बातें आंय।

- यहूदा 1:3

प्यारे जनो, मैंने जब तुम हां मुक्ति जौन हम सबन हां मिली ईके बारे में खुलके लिखो, तो मैंने सोची के जिन बातन पै तुमने बिसवास करो आय खुल के लिखो, कि तुम ऊ बिसवास की बातन हां मानो।

- यूहन्‍ना के दरसन कौ खुलासा 2:25

पर जब लौ मैं तुमाए ऐंगर न आओं इन बातन हां जिनें मानत आव मन से मानत रईयो।

- यूहन्‍ना के दरसन कौ खुलासा 3:11

मैं जल्दी आबेवारो आंव; जो कछु तोरे ऐंगर आय, ऊहां पकड़े रै, कि कोऊ तोरो मुकट छीन न लैबे।

- यूहन्‍ना के दरसन कौ खुलासा 3:3

चेतो और ध्यान धरो कि तुम ने कौन सी बातें सीखी हतीं, और उन में पक्के बने रओ, और अपने पापन हां छोड़ो: अगर तें न चेतो, तो जैसो भड़या बिना कहे आत आय ऊंसई मैं आ जै हों।