- तीतुस 1:8 - Bundeli Holy Bible

⁸ बो पहुनाई करबेवारो, और दूसरन कौ भलो करबेवारो, अपने बस में रैबेवारो, न्याय करबेवारो, पवित्तर और अपनी इन्द्रियन हां बस में रखबेवारो होबै।

- तीतुस 1:8 ပူးပေါင်းရင်းမြစ်များ

- लूका 2:25

और तको, यरूशलेम में शमौन नाओं एक मान्स हतो, बो मान्स धर्मी और भक्त हतो; और इस्राएल की सान्ति की बाट जोह रओ हतो, और पवित्तर आत्मा ऊ पे हतो।

- प्रेरितन के काम 24:25

अब बो धर्म की और आबेवाले न्याव की बतकाव कर रओ हतो, तो फेलिक्स ने डरा के कई, ई बेरा तो तें जा, बेरा मिलबे पे मैं तोय फिन टेर हों।

- 1 थिस्सलुनीकियों 2:10

तुम और परमेसुर हां पता आय, कि हम तुमाए बीच जौन ने बिसवास धरो, कैसे साजे और बिन खोट धरम से रए।

- 1 तीमुथियुस 3:2

सो मुखिया बिन दोसवारो एकई बईयर को मुन्स, संयमी, अपने हां बस में रखबेवारो, सीधो, अच्छो, पहुनाई करबेवारो, और सिखाबे में अच्छो होबै।

- 1 तीमुथियुस 4:12

कोई तोरी जुआनी हां नेंचो नईं लेखे; परन्त बातचीत, और चाल चलन, प्रेम, और बिसवास करबे में, और पवित्तर जीवन धरबे में मान्सन के काजें नमूना बनो रै।

- 1 तीमुथियुस 6:11

पर हे परमेसुर के जन, तें इन बातन से भाग; और धरम, भक्ति, बिसवास, प्रेम, धीरज और नम्रता कौ पीछा कर।

- 2 तीमुथियुस 2:22

जवानी की अभलाखा से दूर बनो रै; और जौन साजे मन से पिरभु हां मानत आंय, उनके संग्गै धरम और प्रेम से चलो, और दूसरे जनन से मिले रओ।

- 2 तीमुथियुस 3:3

ऊमें प्रेम न रै है, और दूसरन हां क्षिमा नईं कर हैं, दूसरन में दोस लगाबेवारो हुईये, और अपने मन की करके कठोर, और भलो न चाहें।

- तीतुस 2:7

सबरे काम ऐसे करौ कि मान्स बड़वाई करें; तुमाई बातें खरी और बजनदार होबें।

- 1 यूहन्‍ना 3:14

हम जौ मानत आंय, कि हमाओ नरक कुण्ड से कड़के मानो तरन तारन भओ आय; कायसे कि हम भईयन से प्रेम करत आंय: जौन प्रेम नईं करत, बो मानो नरक कुण्ड में डलो आय।

- 1 यूहन्‍ना 5:1

जो कोनऊं जौ बिसवास करत आय कि यीशु ही मसीह आय, बो परमेसुर से पैदा भओ आय और जो कोनऊं पैदा करबेवारे से प्रेम करत आय, बे सोई उन से प्रेम करत आय और उनकी मानत आय।