- तीतुस 1:15 - Bundeli Holy Bible

¹⁵ साजे मान्सन के लाने सब साजो आय, और बुरय और बिसवास न करबेवारन हां कछु साजो नईंयां; कायसे उनकी समझ और उनको हिया साजो नईंयां।

- तीतुस 1:15 ပူးပေါင်းရင်းမြစ်များ

- मत्ती 15:18

पर जो मों से कड़त आय, बो मन से कड़त आय, और बो मान्स हां अशुद्ध करत आय।

- प्रेरितन के काम 10:15

और दूजी बेर ऊहां बोल फिन सुनाई दओ, जो कछु परमेसुर ने शुद्ध ठैराओ आय, ऊहां तें अशुद्ध न कै।

- रोमियों 14:14

मैं जानत आंव, और पिरभु यीशु में मोय पक्को पता पड़ो आय, कि कोऊ बस्त अपने आप में अशुद्ध नईंयां, परन्त जौन ऊ ए अशुद्ध समजत आए, ऊके लाने असुद्ध आय।

- रोमियों 14:20

खैबे के लाने परमेसुर कौ काम न बिलोर: सब कछु सुद्ध तो आय, परन्त ऊ मान्स के लाने बुरओ आय, जीहां ऊके खैबे से ठोकर लगत आय।

- रोमियों 14:23

पर जौन कछु सक सन्देह कर के खात आय, बो दण्ड़ के जोग ठैर चुको; कायसे बिसवास से नईं खात, और जो कछु बिसवास से नईंयां, बो पाप आय।

- पैली कुरिन्थियों 10:23

सबरी बस्तें मोरे लाने सजी तो आंय, परन्त सबरी फायदा की नोंई: सबरी बस्तें मोरे लाने सई तो आंय, परन्त सबरी बस्तन से बढत नईंया।

- पैली कुरिन्थियों 10:25

जौन कछु कसाईयन के इते बिकत आय, बो खाओ और हिये में कोनऊं सोच न करो।

- पैली कुरिन्थियों 10:31

सो तुम चाए खाओ चाए पियो, चाए जो कछु करो, सबई कछु परमेसुर की मईमा के लाने करो।

- पैली कुरिन्थियों 8:7

परन्त सबरन हां ऐसो ज्ञान नईंयां; परन्त कितेक जनें अब लौ मूरत हां कछु समजबे के कारण मूरतन के सामूं बलि करी गई कछु बस्त जानके खात आंय, और उन कौ हिया कमजोर होकें असुद्ध होत आय।

- 1 तीमुथियुस 6:5

और उन मान्सन में बेकार के झगड़ा पैदा होत आंय, जिन की मती बिगड़ गई आय और बे सत्य से अलग हो गए आंय, जो समझत आंय कि भक्ति कमाई कौ दोरो आय।

- इब्रानियों 10:22

सो परमेसुर लौ साफ हिये, और बिसवास से, और अपने मन हां शुद्ध करके और अपने मन हां बुरई बातन से दूर करके, और अपनी देह हां साफ पानू से सपर के आओ।

- इब्रानियों 12:15

और ध्यान धरो कि कोई परमेसुर की दया से न बच पाबै, और तकत रओ कि कोई करऔ होकें दूसरे जन हां परेसान न करे।

- इब्रानियों 9:14

तो पिरभू यीशु मसीह को रकत जौन बिलकुल बिन पाप हते, परमेसुर के सामूं निषपाप बलदान चढाओ, तो बो तुम हां बुरय काज से पूरे मन से काय न पवित्तर कर है, कि तुम जीयत परमेसुर की सेवा करो।