- रोमियों 9:22 - Bundeli Holy Bible

²² कि परमेसुर ने अपनो न्याव दिखाबे और अपनो बल उजागर करबे की मन्सा से न्याव के बासनों की जौन मिटाए जाबे के लाने तईयार करे गए हते बड़े धीरज से सई।

- रोमियों 9:22 ပူးပေါင်းရင်းမြစ်များ

- उत्पत्ति 15:16

परन्‍त बे चौथी पीढ़ी में इतै फिन आहें: कायसे अब लौ एमोरियों कौ अधरम पूरो नईं भओ आय।”

- रोमियों 1:18

परमेसुर कौ खुन्स तो उन लोगन की अभक्ति और अधर्म पे सरग से उजागर होत आय, जौन सत्त हां पाप से दबाए रैत आंय।

- रोमियों 9:17

कायसे पवित्तर धरम पोथी में फिरौन राजा से कओ गओ, कि मैंने तोहां ई लाने ठाड़ो करो आय, कि तोय में अपनो बल ब जोर दिखाओं, और मोरे नाओं कौ परचार सबरे संसार में होबै।

- रोमियों 9:20

हे मान्स, भला तें को आय, जो परमेसुर कौ सामना करत आय? का बनाई भई बस्त बनाबेवारे से कै सकत आय कि तेंने मोय ऐसो काय बनाओ?

- रोमियों 9:21

का कुम्हार हां माटी के लौंदा पे अधकार नईंयां, कि एकई लौंदे में से, एक बासन आदर के लाने, और दूसरे बासन हां अनादर के लाने बनाबे? तो ईमें कौन सी अचम्भे की बात आय?

- 1 थिस्सलुनीकियों 2:16

बे यहूदियन हां छोड़ दूसरन से तरन तारन की बातें करबे हां रोकत आंय, कि अन्यजाति के लाने अपने पाप कौ घड़ा भरत रैबें; परन्त अब उन पै सोई परमेसुर को कोप आबेवारो आय।

- 1 थिस्सलुनीकियों 5:9

कायसे परमेसुर ने हम हां नरक हां नईं, परन्त पिरभू यीशु मसीह से तरन तारन पाबें।

- 2 तीमुथियुस 2:20

बड़े लोगन के घर में सोने-चांदी केई बासन नईं, परन्त माटी और लकड़िया के बासन सोई होत आंय; कोऊ को आदर धरो जात आय, और कोनऊं को नईं।

- 1 पतरस 2:8

बो उपटा लगबे कौ पथरा और ठोकर खाबे की चट्टान हो गओ आय, कायसे बे तो बचन को न मानके चोट खात आंय और ऐई के लाने बे ठैराए सोई गए हते।

- 1 पतरस 3:20

जिन ने ऊ बीती बेरा में हुकम न मानो जब परमेसुर नूह के दिना में धीरज धर ठैरो रओ, और जहाज बन रओ हतो, जीमें बैठ के तनक जने, जाने कि आठ प्रानी पानू से बच गए।

- 2 पतरस 2:3

बे लालच में आके लबरी बातें बना हैं और तुम हां अपने फायदा कौ कारन बना हैं, दण्ड़ कौ हुकम जो उन पे पेंला से हो चुको आय, और ऊके आबे में देर नईंयां, उन कौ नास झट्टई होबेवारो आय।

- 2 पतरस 2:9

सो पिरभु भक्तन हां परीक्षा में से काड़ लैबो और अधरमी जन हां न्याय के दिना लौ दण्ड़ की दसा में धरबो सोई जानत आय।

- 2 पतरस 3:15

हमाए पिरभु यीशु के धीरज हां तारन समजो, जैसो हमाए प्यारे भईया पौलुस ने सोई ऊ समज के अनसार जौन ऊ ए मिली आय, तुम हां लिखो आय।

- यहूदा 1:4

कायसे कछु जनें चुपके से हमाए संग्गै जुड़ गए आंय, जिन हां पैले से लिखो आय कि उन हां दण्ड दओ जाबै, कायसे बे सच्चे नईयां, और परमेसुर की दया हां छोड़ बुरय कामन में लगे रैत आंय, और हमाए महाबली मालक और पिरभु यीशु मसीह हां नईं मानत।