- रोमियों 9:20 - Bundeli Holy Bible

²⁰ हे मान्स, भला तें को आय, जो परमेसुर कौ सामना करत आय? का बनाई भई बस्त बनाबेवारे से कै सकत आय कि तेंने मोय ऐसो काय बनाओ?

- रोमियों 9:20 ပူးပေါင်းရင်းမြစ်များ

- मत्ती 20:15

का मोरे लाने सही नईंयां कि जो मोरो आय ऊहां जैसो चाहों सो बाटों? का मोरो भलो करबो तोरी आंखन में खटकत आय?

- लूका 12:14

यीशु ने ऊसे कओ; हे मान्स, की ने मोय तुमाओ न्यायी या बटईया ठैराओ आय?

- रोमियों 14:4

तें को आय कि दूसरे के चाकर पे लांछन लगात आय? ऊकौ पक्को रैबो या गिर जाबो ऊके मालक से जुड़ो आय, और बो पक्को कर ही दओ जै है; कायसे पिरभु ऊ ए पक्को राख सकत आय।

- रोमियों 2:1

सो अब हे लांछन लगाबेवारे, तें कोनऊ काय न होबै; तो लौ कछु उत्तर नईयां! कायसे जौन बात में तें दूसरन पे लांछन लगात आय, ओई बात में अपने हां भी दोषी ठहरात आय, कायसे जैसो लांछन तें लगात आय, तें सोई ऊंसई काम करत आय।

- रोमियों 2:3

हे मान्स, तें जौन ऐसे काम करबेवारन पे लांछन लगात आय, और खुद बेई काम करत आय; का जौ समजत आय, कि तें परमेसुर के दण्ड से बरक जै है?

- रोमियों 9:21

का कुम्हार हां माटी के लौंदा पे अधकार नईंयां, कि एकई लौंदे में से, एक बासन आदर के लाने, और दूसरे बासन हां अनादर के लाने बनाबे? तो ईमें कौन सी अचम्भे की बात आय?

- रोमियों 9:22

कि परमेसुर ने अपनो न्याव दिखाबे और अपनो बल उजागर करबे की मन्सा से न्याव के बासनों की जौन मिटाए जाबे के लाने तईयार करे गए हते बड़े धीरज से सई।

- पैली कुरिन्थियों 1:20

कां रओ ज्ञानवारो? कां रओ शास्त्र कौ जानबेवारो? कां रओ ई संसार कौ बतकाओवारो? का परमेसुर ने ई संसार के ज्ञान हां मूरखता नईं ठैराओ?

- पैली कुरिन्थियों 7:16

कायसे हे बईयर, का तोहां पता आय, कि तें अपने मुन्स कौ तरन तारन करा लै है? और हे भईया, तोहां पता आय, कि तें अपनी घरवारी कौ तरन तारन करा लै है?

- 1 तीमुथियुस 6:5

और उन मान्सन में बेकार के झगड़ा पैदा होत आंय, जिन की मती बिगड़ गई आय और बे सत्य से अलग हो गए आंय, जो समझत आंय कि भक्ति कमाई कौ दोरो आय।

- 2 तीमुथियुस 2:20

बड़े लोगन के घर में सोने-चांदी केई बासन नईं, परन्त माटी और लकड़िया के बासन सोई होत आंय; कोऊ को आदर धरो जात आय, और कोनऊं को नईं।

- तीतुस 2:9

चाकरन हां समझाओ, कि अपने मालक की कई करें, और अपने काम से उन हां खुस राखें, और कभऊं उन हां पलट के जुआब न दैबें।

- याकूब 2:20

हे बेसमज मान्स, का तें जौ सोई नईं जानत, कि करम बिना बिसवास अकारथ आय?