- रोमियों 9:16 - Bundeli Holy Bible

¹⁶ सो जा न तो चाहबेवारे की, न दौड़बेवारे की परन्त दया करबेवारे परमेसुर की बात आय।

- रोमियों 9:16 ပူးပေါင်းရင်းမြစ်များ

- मत्ती 11:27

मोरे बाप ने मोय सब कछु सौंपो आय, और अकेले पूत हां कोऊ नईं चीनत, अकेले बाप; और कोऊ बाप हां नईं चीनत, अकेले पूत; यानि ओई जीए पूत ऊहां दरसाओ चाहत आय।

- मत्ती 4:8

फिन शैतान ऊहां एक बिलात ऊंचे पहरवा पै लै गओ, और जगत कौ पूरो राज्य और सिहांसन तका के।

- लूका 10:21

ओई बेरा यीशु पवितर आत्मा में होकें खुसी से भर गओ, और कैन लगो; हे बाप, सरग और संसार के पिरभु, मैं तोरो धन्नवाद करत आंव, कि तेंने जे बातें बुद्धिमानों और समजवारन से लुका रखीं, और बच्चन पे उजागर करी आंय, हओ, हे बाप, कायसे तोहां जौई साजो लगो।

- यूहन्‍ना 3:8

बैहर जिते चाहत उते चलत आय, और तें ऊ को ऐरौ लेत आय, पर जौ नईं जानत, कि बो किते से आत और किते हां जात आय, जौन आत्मा से जन्म लेत आय बो ऐसो ही आय।

- रोमियों 9:11

और अब लौ न तो लरका जन्मे हते, और न उन ने कछु भलो या बुरओ करो हतो ऊ ने कओ, जेठो लरका लौरे कौ चाकर हुईये।

- गलतियों 2:2

मोरो जाबो ईसुर के बताए भओ: और जो बचन में अन्य जातियन में परचार करत हों, बो मैंने उन हां बता दओ; पै अकेले में उन हां जौन बड़े कहात हते, कि ऐसो नईं होबे, कि मोरी अबै की, और आंगे की दौड़ बेकार जाबै।

- इफिसियों 2:8

कायसे बिसवास करबे पै दया से तुमाओ तरन तारन भओ आय।

- फिलिप्पियों 2:13

कायसे परमेसुर जौन तुमाए मन से और इच्छा हां तुमाए जीवन में पूरो करके अपनी जय करो चाहत आय।

- याकूब 1:18

ऊ ने अपनी मनसा से हम हां सत्त के बचन से बनाओ आय, जीसे हम ऊके संसार की बनाई भई बस्तन में से मानो पैलो फल होबें।