- रोमियों 8:34 - Bundeli Holy Bible

³⁴ फिन को आय जौन दण्ड़ कौ हुकम दै है? मसीह बो आय जौन मर गओ और मरे भयन में से जी सोई उठो, और परमेसुर के दायें हाथ कुदाऊं आय, और हमाए लाने बिन्तवाई सोई करत आय।

- रोमियों 8:34 ပူးပေါင်းရင်းမြစ်များ

- मत्ती 20:28

जी तरहां मान्स कौ पूत अपनी चाकरी कराबे नईं, बल्कि चाकर बनके और बिलातन के तरन तारन के लाने अपनो प्राण देबे आओ।

- मरकुस 16:19

अन्त में प्रभु यीशु उन से बातें करबे के बाद सरग पै उठा लओ गओ, और परमेसुर के दांए कोद बैठ गओ।

- यूहन्‍ना 14:19

तनक देर पाछें संसार मोय फिन नईं तक है, परन्त तुम मोय तक हौ, ई लाने की मैं जीयत आंव, और तुम भी जीयत रै हौ।

- यूहन्‍ना 16:23

ऊ दिना तुम मोसे कछु नईं पूंछ हौ, मैं तुम से सांची सांची कहत आंव, जदि तुम बाप से कछु भी मांग हौ, तो बो ऊहां मोरे नाओं से तुम हां दै है।

- प्रेरितन के काम 2:24

पर ओई हां परमेसुर ने मौत के बन्धनों से छुड़ा के जिलाओ: कायसे जौ अनहोनो हतो कि बो मौत के वस में रैतो।

- रोमियों 14:13

सो आंगू से हम एक दूसरे पे लांछन न लगाबें पर तुम जौ ठान लेओ कि कोनऊ अपने भाई के सामूं ठेस या उपटा लगबे कौ कारण न बने।

- रोमियों 14:9

कायसे मसीह ऐई लाने मरो और जी सोई उठो कि बो मरे भयन और जीयत दोईयन कौ पिरभु होबे।

- रोमियों 4:25

बो हमारे पापन के काजें पकड़वाओ गओ और हम हां धरमी बनाबे के लाने जिलाओ सोई गओ।

- रोमियों 8:1

सो अब जौन मसीह यीशु में आंय, उन पे दण्ड कौ हुकम नईंयां: कायसे बे देयां के अनसार नईं पर आत्मा के अनसार चलत आंय।

- रोमियों 8:27

और हिये कौ परखबेवारो जानत आय, कि आत्मा की मन्सा का आय? कायसे बो पवित्तर मान्सन के लाने परमेसुर की मन्सा अनसार बिन्तवाई करत आय।

- कुलुस्सियों 3:1

कायसे कि तुम यीशु मसीह के संग्गै जी उठे आव, सो अब सरग की बस्तन पै ध्यान धरो, जिते यीशु मसीह परमेसुर के दांए हाथ पे बिराजमान आंय।

- इब्रानियों 1:3

पुत्तर परमेसुर पिता की जस की जोत और उनके जैसो आय, और बेई अपने बल से धरती हां संभाले आंय: बे मान्सन के पापन हां धोके परमेसुर महान के दाएं हाथ पै जा बैठे।

- इब्रानियों 7:25

सो जौन पिरभू यीशु मसीह पै बिसवास धरके परमेसुर लौ पोंच हैं; बे उनको पूरो पूरो तरन तारन करत आय, और परमेसुर के सामूं उनके लाने बिन्तबारी करत आंय।

- इब्रानियों 9:24

कायसे पिरभू यीशु मसीह ऊ पवित्तर जांगा में नईं गए, जौन सांचे पवित्तर जांगा को नमूना जैसो आय, बे तो सरग चले गए कि हमाए काजें परमेसुर के सामूं बने आंय।

- 1 पतरस 3:18

ई लाने कि मसीह ने सोई, जाने कि अधरमी जन के लाने धरमी ने पापन के काजें एक बेर पीड़ा भोगी, जीसे हम हां परमेसुर के ऐंगर पोंचाबें: बो देयां के लेखे से मार डालो गओ, पर आत्मा के लेखे से जिलाओ गओ।

- 1 पतरस 3:22

मसीह सरग पे जाके परमेसुर के दांय कोद विराजमान भओ; और सरगदूत और सबरे अधकारी और सकतीबल उनके बस करे गए।

- यूहन्‍ना के दरसन कौ खुलासा 1:18

मैं मर गओ हतो, और अब हेर; मैं जुगजुग लौ जीयत आंव; और मृत्यु और अधोलोक जिते मरे भय रैत आंय ऊ की कुंजी मोरे ऐंगर आंय।