- रोमियों 8:2 - Bundeli Holy Bible

² कायसे जीवन की आत्मा के नैम व्यवस्था ने मसीह यीशु में मोय पाप की, और मौत की नैम व्यवस्था से स्वतन्त्र कर दओ आय।

- रोमियों 8:2 ပူးပေါင်းရင်းမြစ်များ

- यूहन्‍ना 4:10

यीशु ने ऊसे कई, अगर तें परमेसुर के बरदान हां चीनती, और जौ भी कि बो को आय जो तोसे कैत आय; मोय पानू पिला तो तें ऊसे मांगती, और बो तोय जीवन कौ पानू देतो।

- यूहन्‍ना 4:14

पर जो कोनऊं ऊ पानू में से पी है, जौन मैं ऊहां दै हों, बौ कभऊं प्यासो नईं हुईये, कायसे बो पानू ऐसो दैहों, ऊ में सदा लौ जीबे के लाने उमड़बे वालो पानू कौ सोता बन जै है।

- यूहन्‍ना 6:63

आत्मा तो जीवन देत आय, सरीर से कछु लाभ नईंयां, जौन बातें मैं ने तुम से क ईं बे आत्मा और जीवन आंय।

- यूहन्‍ना 8:32

और तुम सत्य हां जान हौ, सत्य तुम हां छुटकारो दै है।

- यूहन्‍ना 8:36

ई लाने अगर पूत तुम हां छुट्टा कर है, तो तुम सांची में छुट्टा हो जै हौ।

- रोमियों 16:3

प्रिसका और अक्विला हां जौन मसीह यीशु में मोरे संग्गै काम करबेवारे आंय, नमस्कार।

- रोमियों 3:27

सो घमण्ड करबो कां रओ? ऊ की तो जांगा नईंयां: कौन सी नैम व्यवस्था के कारन से? का करमों की नैम व्यवस्था से? नईं परन्त बिसवास की नैम व्यवस्था से।

- रोमियों 5:21

कि जैसो पाप ने मौत फैलात भए राज करो, ऊंसई हमारे पिरभु यीशु मसीह के द्वारा दया सोई अनन्त जीवन के लाने धर्मी ठैरात भए राज करे।

- रोमियों 6:14

तब तुम पे पाप कौ राज न हुईये, कायसे तुम नैम व्यवस्था के आधीन नईं पर दया के आधीन आव।

- रोमियों 6:18

और पाप से छुड़ाए जाके धरम के चाकर हो गए।

- रोमियों 6:22

कायसे ऊकौ दूसरो छोर तो मौत आय, परन्त अब पाप से स्वतन्त्र होकें और परमेसुर के चाकर बन के तुम हां फल मिलो जीसे पवित्रता मिलत आय, और ऊके दूसरे छोर पै अनन्त जीवन आय।

- रोमियों 7:21

ई भांत मैं जो नैम व्यवस्था पात आंव, कि जब भलाई करे की मन्सा करत आंव, तो बुराई मोरे ऐंगर आत आय।

- रोमियों 7:23

परन्त मोय अपनी देयां में दूजे भांत की नेम व्यवस्था दिखात आय, जौन मोरी बुद्धि समज से लड़त आय, और मोय पाप अधर्म की नेम व्यवस्था के बन्धन में डालत आय जौन मोरे अंगों में आय।

- रोमियों 7:4

हे मोरे भईया हरौ, तुम सोई मसीह की देयां के द्वारा नेम व्यवस्था के लाने मरे भए बन गए, कि ऊ दूसरे के हो जाओ, जौन मरे भयन में से जी उठो: जीसे हम परमेसुर के लाने फल लाबें।

- रोमियों 8:1

सो अब जौन मसीह यीशु में आंय, उन पे दण्ड कौ हुकम नईंयां: कायसे बे देयां के अनसार नईं पर आत्मा के अनसार चलत आंय।

- पैली कुरिन्थियों 15:45

ऐसई लिखो सोई आय, कि पैलो मान्स, आदम जीबेवारो प्रानी बनो, और आखरी आदम, जीवन देबेवारो आत्मा बनो।

- दूसरी कुरिन्थियों 3:17

पिरभू तो आत्मा आय: और जिते पिरभू की आत्मा आय उते सब छुट्टा होत आय।

- दूसरी कुरिन्थियों 3:6

जिन ने हम हां नये नियम के चाकर लाक बनाओ, अक्षरन के चाकर नईं केबल आत्मा के चाकर; कायसे अक्षर तो मारत आय, पे आत्मा जिलात आय।

- गलतियों 2:19

मैं तो नैम से नैम के काजें मर गओ, कि मैं परमेसुर के लाने जीओं।

- गलतियों 5:1

मसीह ने छुट्टा होबे हां हमें छुड़ाओ आय; सो ऐंसई बने रओ, और दास को बोझा फिन से न लेओ।

- गलतियों 6:2

तुम एक दूजे को बुझवा उठाओ, और ई तरहां मसीह को नेम पूरो करो।

- याकूब 1:25

पर जौन मान्स स्वतन्त्रता की सिद्ध नैम व्यवस्था पे ध्यान करत रैत आय, बो अपने काम में ई लाने आसीष पा है कि बो सुन के बिसरत नईं, परन्त वैसई काम सोई करत आय।

- यूहन्‍ना के दरसन कौ खुलासा 11:11

और साढ़े तीन दिना होबे पै परमेसुर ने उन के सरीर में जीव फूंक दओ; और बे अपने गोड़े पै ठांड़े हो गए, और उन हां तकबेवारे डरा गए।

- यूहन्‍ना के दरसन कौ खुलासा 22:1

फिन ऊ ने मोहां बिल्लौर जैसी झिलमिलात भई जीवन के जल की नदिया दिखाई, जो परमेसुर और मेमने के सिंहासन से कड़ के, ऊ नगर की गैल के बीच में बहत हती।