- रोमियों 8:10 - Bundeli Holy Bible

¹⁰ जदि मसीह तुमाए हियन में आय, तो देयां पाप के काजें मरी भई आय; पर आत्मा धरम के काजें जीयत रैत आय।

- रोमियों 8:10 ပူးပေါင်းရင်းမြစ်များ

- यूहन्‍ना 14:23

यीशु ने ऊसे कई, जदि कोऊ मोय से प्रेम करत आय, तो बो मोरे बचन हां मान है, और मोरो बाप ऊसे प्रेम कर है, और हम ऊके ऐंगर आ हैं, और ऊके संग्गै बस हैं।

- यूहन्‍ना 15:5

मैं दाख की बेल आंव, तुम डालियां आव; जौन मोय में लगो रहत आय और मैं ऊ में, बिलात फल फलत आंय, कायसे मोसे दूर होकें तुम कछु नईं कर सकत।

- यूहन्‍ना 17:23

मैं उन में और तें मोय में, कि बे सिद्ध होकें एक हो जाबें, जीसे संसार जानें कि तेंने मोय पठैव, और जैसो तेंने मोय से प्रेम करो, वैसई उन से भी प्रेम करो।

- यूहन्‍ना 4:14

पर जो कोनऊं ऊ पानू में से पी है, जौन मैं ऊहां दै हों, बौ कभऊं प्यासो नईं हुईये, कायसे बो पानू ऐसो दैहों, ऊ में सदा लौ जीबे के लाने उमड़बे वालो पानू कौ सोता बन जै है।

- यूहन्‍ना 6:54

जौन मोरो मांस खात, और मोरो रकत पीयत आय, अनन्त जीवन ऊ को आय, और मैं अखिरी दिना में ऊहां फिन जिला दें हों।

- यूहन्‍ना 6:56

जौन मोरो मांस खात और मोरो खून पीयत आय, बो मोय में बनो रहत आय, और मैं ऊ में।

- रोमियों 5:12

ई लाने जैसो एक मान्स के द्वारा पाप संसार में आओ, और पाप सें मौत आई, और ई भांत मौत सबरे मान्सन में फैल गई, कायसे सबरन ने पाप करो।

- रोमियों 5:21

कि जैसो पाप ने मौत फैलात भए राज करो, ऊंसई हमारे पिरभु यीशु मसीह के द्वारा दया सोई अनन्त जीवन के लाने धर्मी ठैरात भए राज करे।

- रोमियों 8:11

जदि ओई कौ आत्मा जीने यीशु हां मरे भयन में से जिलाओ तुम में बसो आय; तो जीने मसीह हां मरे भयन में से जिलाओ, बो तुमाई मिटबेवारी देयां हां सोई अपने आत्मा से जौन तुम में बसो आय जिला है।

- पैली कुरिन्थियों 15:45

ऐसई लिखो सोई आय, कि पैलो मान्स, आदम जीबेवारो प्रानी बनो, और आखरी आदम, जीवन देबेवारो आत्मा बनो।

- दूसरी कुरिन्थियों 13:5

अपने आप हां जांचो, कि बिसवास में पक्के हो कि नईंयां; अपने हां जांचो, का तुम जौ नईं जानत, कि यीशु मसीह तुम में आय? नईं तो तुम निकम्मे कड़े।

- दूसरी कुरिन्थियों 4:11

कायसे हम जीयत यीशु के कारण मानो मरबे हां तईयार रैत आंय, कि यीशु को दओ जीवन हमाई मरबेवारी देह से उजागर होबे।

- दूसरी कुरिन्थियों 5:21

जौन पाप जानत लौ न हते, उनईं के ऊ परै उन ने हमाए पाप डाल दए, कि उन से हम सबरे जनें परमेसुर के लाने धरमी हो जाबें।

- गलतियों 2:20

मैं मसीह के संग्गै क्रूस पै चढाओ गओ हों, अब मैं जीयत नईंयां, अकेले मसीह मोय मैं जीयत आय: और मैं जौन देह में जीयत हों तो ऊ बिसवास से जीयत हों, जौन परमेसुर के पुत्र पै आय, जीनें मोय से प्रेम करो, और अपने प्रान मोरे लाने दे दए।

- इफिसियों 3:17

और बिसवास करे से मसीह तुमाए हिये में रैबे, कि तुम प्रेम में जड़ पकड़ के और नीं डाल के।

- फिलिप्पियों 1:23

अब मैं अधर में मानो लटको आंव; मोरो मन आय कि मैं ई संसार हां छोड़ के पिरभू यीशु मसीह लौ जाओं।

- फिलिप्पियों 3:9

और पिरभू की बातन में बनो रओ; और मूसा के नैम से जौन बड़वाई मिलत आय, ऊहां छोड़ के जौन बातें पिरभू पै बिसवास करे से मिलत आंय, उन में पक्को रओ।

- कुलुस्सियों 1:27

परमेसुर ने ऐसो ई लाने करो, कायसे बे चाहत हते कि गैर इस्राएलियन उनके जसवारी बातन हां समझें, और यीशु मसीह अब उनके हिये में बसे आंय, और आंगे आबेवारी बातन की आस आय।

- 1 थिस्सलुनीकियों 4:16

कायसे पिरभू खुद सरग से उतर है; ऊ बेरा बड़ी जोर की अग्या हुईये, और बड़े दूत और तुरही के फूके जाबे की आवाज हुईये, और जौन पिरभू यीशु मसीह पै बिसवास धरें मर गए हते, बे पेंला जी उठ हैं।

- इब्रानियों 12:23

जिते लाखों सरगदूत के संग्गै परमेसुर के प्यारे जनें जीके नाओं सरग में लिखे आंय; और परमेसुर जौन न्यायी आय उन के संग्गै आय, और अच्छे मान्सन की आत्मा जीने पापन की छिमा पाई आय।

- इब्रानियों 9:27

और मान्सन हां एक बेर मरके उनको न्याय हुईये।

- यूहन्‍ना के दरसन कौ खुलासा 14:13

मैंने सरग से ऐसो शब्द सुनो, कि लिख; जो मान्स पिरभू में मरत आंय, बे अब से धन्न आंय, आत्मा ने सोई कई कि जौन मेहनत से काम उन ने करो आय उन हां इनाम मिल है, और बे आराम कर हैं।