- रोमियों 6:16 - Bundeli Holy Bible

¹⁶ का तुम नईं जानत, जीकौ हुकम मानबे हां तुम अपने आप हां चाकर घांई सौंप देत आव, ओई के चाकर आव: और जी की मानत आव, चाए पाप के, जीसे मौत मिलत आय, चाए हुकम मानबे से, जीकौ अन्त धार्मिकता आय।

- रोमियों 6:16 ပူးပေါင်းရင်းမြစ်များ

- उत्पत्ति 4:7

जदि तें भलो करे, तौ का तें स्‍वीकार नें करो जैहै? और जदि तें भलो नें करे, तौ पाप दोरे पै दुबको बैठो आय; और ऊ तोरी लालसा करत आय, परन्त तोहों ऊपै राज करने आय।”

- मत्ती 20:4

और ऊने कई, तुम भी दाख की बगिया में जाओ, जौन सही आय, तुम हां दै हों; सो बे भी गए।

- मत्ती 6:24

कोऊ मान्स दो मालकन की चाकरी नईं कर सकत, कायसे बो एक से बैर और दूसरे से प्रेम रख है, या एक से मिलो रै है और दूसरे हां नैचों जान है; “तुम परमेसुर और धन दोई की भक्ति नईं कर सकत”।

- यूहन्‍ना 8:34

यीशु ने उन से कई; मैं तुम से सांची सांची कहत आंव, जौन पाप करत आय, ऊ पाप कौ चाकर आय।

- रोमियों 11:2

परमेसुर ने अपनी ऊ प्रजा हां नईं छोड़ो, जिन हां ऊ ने पेंला से नबेरो हतो: का तुम नईं जानत, कि पवित्तर पोथी में एलियाह अगमवकता के लाने का कओ गओ आय; कि बो इस्राएल के विरोद में परमेसुर से बिन्तवाई करत आय।

- रोमियों 12:1

ई लाने हे भईया हरौ, मैं तुम हां परमेसुर की दया की याद करा के बिन्तवाई करत आंव, कि अपनी देयां हां जीयत, और पवित्तर, और परमेसुर हां साजो लगबेवारो बलिदान कर के चढ़ाओ: जाई तुमाई आत्मिक सेवा आय।

- रोमियों 6:17

परन्त परमेसुर कौ धन्नबाद होबे, कि तुम जौन पाप के चाकर हते अब हिए से ऊ सीख हां मानबेवारे हो गए, जाने कि जैसे सिखाए गए हते।

- पैली कुरिन्थियों 3:16

का तुम हां जौ पता नईंयां, कि तुम परमेसुर कौ मन्दर आव, और परमेसुर कौ आत्मा तुमाए भीतरै बसत आय।

- पैली कुरिन्थियों 5:6

तुमाओ बड़ो बोल बोलवो साजो नईंयां: का तुम हां जौ पता नईयां, कि तनक से खमीर से पूरो मड़ो भओ चून खमीर हो जात आय।

- पैली कुरिन्थियों 6:2

का तुम हां जौ पता नईंयां, कि पवित्तर मान्स संसार कौ न्याव कर हैं? सो जब तुम हां संसार कौ न्याव करने आय, तो का तुम हलके से हलके न्याव निपटाबे के जोग नईंयां?

- पैली कुरिन्थियों 6:3

का तुम हां जौ पता नईंयां, कि हम सरगदूतन कौ न्याव कर हैं? तो का संसार की बातन कौ न्याय न करें?

- पैली कुरिन्थियों 6:9

का तुम हां पता नईंयां, कि जौन न्याव बिलोरत आंय बे परमेसुर के राज में न जा पा हैं? ई धोखे में न रईयो, न बेश्या से संगतवारे, न मूर्ती पूजा करबेवारे, न दूसरे की तिरिया से संगत करबेवारे, न लुच्चे, न लुगुवा लुगुवा से संगत करबेवारे।

- पैली कुरिन्थियों 9:13

का तुम हां पता नईंयां? कि जौन पवित्तर बस्तन की चाकरी खुसामद करत आंय, बे मन्दर में से खात आंय; और जौन वेदी की सेवा करत आंय; तो जो कछु वेदी पे चढ़ाओ जात आय ओई में से खात आंय?

- पैली कुरिन्थियों 9:24

काय तुम हां पता नईंयां, कि दौड़ में बिलात जनें दौड़त आंय, अकेले इनाम एकई को मिलत आय, तुम ऊंसई दौड़ो कि इनाम पा जाओ।

- यहोशू 24:15

जदि यहोवा परमेसुर की सेवा करबो तुमहों बुरई लगे, तौ आज चुन लेओ कि तुम कौन की सेवा करहौ, चाए उन देवतन की जिनकी सेवा तुमाए पुरखा महानदिया के ऊ पार करत हते, और चाए एमोरियों के देवतन की सेवा करो जिनके देस में तुम रैत आव; परन्‍त मैं तौ अपने घराने समेंत यहोवा परमेसुर ही की सेवा हमेसा करहों।”

- 2 पतरस 2:19

बे उन हां छूटो भओ होबे कौ कौल तो देत आंय, परन्त बे खुद सड़ी आदतन के चाकर आंय, कायसे जौन मान्स जीसे हार जात आय, बो ऊकौ चाकर बन जात आय।