- रोमियों 5:9 - Bundeli Holy Bible

⁹ सो जब हम ऊके रकत से धरमी ठैरे, बो ऊके द्वारा परमेसुर के न्याव से काय न बच हैं?

- रोमियों 5:9 ပူးပေါင်းရင်းမြစ်များ

- यूहन्‍ना 5:24

मैं तुम से सांची सांची कहत आंव, जौन मोरो बचन सुनके मोरे पठैबेवाले पे भरोसा करत आय, अनन्त जीवन ऊ को आय, और ऊ पे दण्ड कौ हुकुम नईं हुईये, परन्त बो मृत्यु से पार होकें जीवन में पिड़ चुको आय।

- रोमियों 1:18

परमेसुर कौ खुन्स तो उन लोगन की अभक्ति और अधर्म पे सरग से उजागर होत आय, जौन सत्त हां पाप से दबाए रैत आंय।

- रोमियों 5:1

सो जब हम बिसवास में धर्मी ठैरे, तो अपने पिरभु यीशु मसीह के द्वारा परमेसुर से जुड़े रैबें।

- रोमियों 5:10

कायसे बैरी होबे की दसा में ऊके पुत्र की मौत के द्वारा हमाओ मेल मिलाप परमेसुर से भओ, सो फिन मेल हो जाबे पे ऊके जीवन से हम तरन तारन काय न पा हैं?

- रोमियों 8:1

सो अब जौन मसीह यीशु में आंय, उन पे दण्ड कौ हुकम नईंयां: कायसे बे देयां के अनसार नईं पर आत्मा के अनसार चलत आंय।

- रोमियों 8:30

फिन जिन हां ऊ ने पेंला से ठैराओ, उन हां बुलाओ सोई, और जिन हां बुलाओ, उन हां धरमी सोई ठैराओ आय, और जिन हां धरमी ठैराओ, उन हां मईमा सोई दई।

- इफिसियों 2:13

अकेले अब मसीह यीशु में जौन पेंला दूर हते, मसीह के रकत से ऐंगर आ गए आव।

- इफिसियों 2:3

पेंला हम सोई अपने मन की मरजी पै चलबेवारे हते, और मन की मरजी पूरी करत हते, हमाए काज नास होबे वारन जैसे हते।

- 1 थिस्सलुनीकियों 1:10

और उनके पुत्तर पिरभू यीशु मसीह के सरग से फिन के आबे की रस्ता तकत रओ, जीहां उन ने मरे भयन में से जिला दओ, जौन हम हां नरक के दुख से बचात आय।

- इब्रानियों 9:14

तो पिरभू यीशु मसीह को रकत जौन बिलकुल बिन पाप हते, परमेसुर के सामूं निषपाप बलदान चढाओ, तो बो तुम हां बुरय काज से पूरे मन से काय न पवित्तर कर है, कि तुम जीयत परमेसुर की सेवा करो।

- इब्रानियों 9:22

मूसा के नैम से सबरी बस्तें रकत से साजी होत आंय; और रकत बहाए बिना पापन की छिमा नईं होत।

- 1 यूहन्‍ना 1:7

जैसे बे ज्योत में रैत आंय, ऊंसई हम सोई ज्योत में चलबें, तो हम एक दूजे से मिलके रैबें; और पिरभु यीशु मसीह के रक्त के जस से हमाए पाप कट जै हैं।