- रोमियों 5:8 - Bundeli Holy Bible

⁸ परन्त परमेसुर हम पे अपने प्रेम की भलाई ई भांत से उजागर करत आय, कि जब हम पापी हते तबई मसीह हमाए लाने मरो।

- रोमियों 5:8 ပူးပေါင်းရင်းမြစ်များ

- यूहन्‍ना 15:13

ईसे बड़ो प्रेम और कोऊ कौ नईंयां, कि कोऊ अपने संगी के लाने अपनो प्राण दैबे।

- यूहन्‍ना 3:16

कायसे परमेसुर ने जगत से ऐसो प्रेम करो, कि ऊ ने अपनो एकलौतो पूत हां दे दओ, कि जो कोऊ ऊ पै भरोसा करे, बो नास न होय, बरन अनन्त जीवन पाबै।

- रोमियों 3:5

ई लाने जदि हमाओ अधर्म परमेसुर हां धरमी ठैरा देत आय, तो हम का काबें? का जौ कि परमेसुर जौन खुन्स करत आय अन्यायी आय (जौ तो मैं मान्सन के तौर तरीके से कैत आंव)।

- रोमियों 4:25

बो हमारे पापन के काजें पकड़वाओ गओ और हम हां धरमी बनाबे के लाने जिलाओ सोई गओ।

- रोमियों 5:20

नेम व्यवस्था मजारें आ गई, कि पाप कुल्ल होबे, पे जिते पाप कुल्ल भए, उते दया सोई और बढ़के भई।

- रोमियों 5:6

कायसे जब हम कमजोर निरबल हते, तो मसीह ऐन सई बेरा पे पापी जनन के लाने मरो।

- रोमियों 5:7

का कोई धरमी मान्स के लाने अपनी जान दै है, जौ तो अन्होनो आय, परन्त हो सकत आय कोऊ भले मान्स के लाने अपनी जान की बाजी लौ लगा देबे।

- रोमियों 8:32

जीने अपने निज पुत्तर हां सोई न रख छोड़ो, पर उए हम सब के लाने दे दओ: बो ऊके संग्गै हम हां और सबई कछु काय न दै है।

- रोमियों 8:39

न गैराई और न कोऊ संसार की बातें, हम हां परमेसुर के प्रेम से, जौन हमाए पिरभु यीशु मसीह में आय, अलग कर सकत आय।

- गलतियों 2:20

मैं मसीह के संग्गै क्रूस पै चढाओ गओ हों, अब मैं जीयत नईंयां, अकेले मसीह मोय मैं जीयत आय: और मैं जौन देह में जीयत हों तो ऊ बिसवास से जीयत हों, जौन परमेसुर के पुत्र पै आय, जीनें मोय से प्रेम करो, और अपने प्रान मोरे लाने दे दए।

- इफिसियों 2:7

उनकी किरपा जौन मसीह यीशु में हम पै भई आय, आबेवारे दिना में अपनी दया को बड़े धन दिखाबे।

- इफिसियों 5:2

प्रेम से चलो; जैसो मसीह ने तुम से प्रेम करो; और हमाए काजें जैसो अगरबत्ती की सुगन्ध परमेसुर के आगे भेंट चढ़ाई।

- 1 तीमुथियुस 1:16

मोपै प्रभु की दया ईसे भई, कि यीशु मसीह ने मोरे लाने धीरज धरो, कि जौन उनपै बिसवास करके हमेसा को जीवन पाबे, उनके लाने मैं जैसो पापी एक नमूना भओ।

- इब्रानियों 8:3

कायसे याजक भेंट और बलिदान करत हते, ईसे पिरभू यीशु मसीह लौ सोई कछु चढाबे हां होबो चईये।

- 1 पतरस 3:18

ई लाने कि मसीह ने सोई, जाने कि अधरमी जन के लाने धरमी ने पापन के काजें एक बेर पीड़ा भोगी, जीसे हम हां परमेसुर के ऐंगर पोंचाबें: बो देयां के लेखे से मार डालो गओ, पर आत्मा के लेखे से जिलाओ गओ।

- 1 यूहन्‍ना 3:16

हम ने प्रेम ईमें तको, कि पिरभु यीशु मसीह ने हमाए काजें अपनो जीवन बलदान कर दओ; हम हां सोई भईयन के काजें अपनो बलदान करो चईये।