- रोमियों 5:17 - Bundeli Holy Bible

¹⁷ कायसे जब एकई मान्स के पाप के काजें मौत ने ऊ एकई के द्वारा राज करो, तो जौन मान्स दया और धर्मरूपी बरदान बिलात से पात आंय, बे एक मान्स जाने के यीशु मसीह के द्वारा संच्चई अनन्त जीवन में राज कर हैं।

- रोमियों 5:17 ပူးပေါင်းရင်းမြစ်များ

- उत्पत्ति 2:17

परन्‍त अच्‍छे या बुरय के ज्ञान कौ जो पेड़ आय, ऊकौ फल तें कभऊं नें खईयो: कायसे जी दिना तें ऊकौ फल खाहै ओई दिना तें पक्‍कौ मर जैहै।”

- उत्पत्ति 3:19

और अपने माथे सें पसीने की रोटी खाए करहै, और आखिर में माटी में मिल जैहै कायसे तें ओई में सें काड़ो गओ आय; तें माटी तो आय और माटी मेंई मिल जैहै।”

- उत्पत्ति 3:6

सो जब बईयर ने हेरो कि ऊ पेड़ कौ फल खाबे में नोंनो, और हेरबे में मन हों भाबेवारो, और बुद्धि दैबे के लाने सोई बढ़िया आय; तब ऊने ऊहों तोड़कें खा लओ, और अपने घरवारे हों भी दओ, और ऊने सोई खाओ।

- मत्ती 25:34

तब राजा अपनी दाहिनी कोद वारन से कै है, हे मोरे बाप के धन्य मान्सन, आओ, ऊ राज्य के अधकारी हो जाओ, जो संसार के पेंला से तुमाए लाने तईयार करो भओ आय।

- यूहन्‍ना 10:10

भड़या भड़याई करबे, मार डालबे और नास करबे हां आत आय। मैं ई लाने आओ हों, कि बे जीवन पाबें और बिलात भरपूरी से पाबें।

- रोमियों 5:12

ई लाने जैसो एक मान्स के द्वारा पाप संसार में आओ, और पाप सें मौत आई, और ई भांत मौत सबरे मान्सन में फैल गई, कायसे सबरन ने पाप करो।

- रोमियों 5:15

पर जैसी दसा पाप की आय, वैसी दसा दया के दान की नईंयां, कायसे एक मान्स के पाप के काजें बिलात मान्स मरे, तो परमेसुर कौ दान और ऊ की भलाई एक मान्स पिरभू यीशु मसीह के अनुग्रह से भओ, बिलात जन पे जरूर अधकाई से भओ।

- रोमियों 5:20

नेम व्यवस्था मजारें आ गई, कि पाप कुल्ल होबे, पे जिते पाप कुल्ल भए, उते दया सोई और बढ़के भई।

- रोमियों 6:14

तब तुम पे पाप कौ राज न हुईये, कायसे तुम नैम व्यवस्था के आधीन नईं पर दया के आधीन आव।

- रोमियों 6:23

कायसे पाप की मजूरी मौत आय, परन्त परमेसुर कौ बरदान हमाए पिरभु यीशु मसीह में अनन्त जीवन आय।

- रोमियों 8:39

न गैराई और न कोऊ संसार की बातें, हम हां परमेसुर के प्रेम से, जौन हमाए पिरभु यीशु मसीह में आय, अलग कर सकत आय।

- पैली कुरिन्थियों 15:49

और जैसे हम ने ऊकौ रूप, जौन माटी कौ हतो ले लओ, ऊंसई ऊ सरगवारे कौ रूप सोई ले लें हैं।

- पैली कुरिन्थियों 4:8

तुम तो अफर गए; तुम धनवारे हो गए, तुम ने हम हां छोड़ के राज करो; परन्त नोंनो रैतो कि तुम राज करते कि हम सोई तुमाए संग्गै राज करते।

- फिलिप्पियों 3:9

और पिरभू की बातन में बनो रओ; और मूसा के नैम से जौन बड़वाई मिलत आय, ऊहां छोड़ के जौन बातें पिरभू पै बिसवास करे से मिलत आंय, उन में पक्को रओ।

- 1 तीमुथियुस 1:14

और मोपै प्रभु यीशु मसीह की कृपा, उनपै बिसवास करबे से उन के प्रेम से बिलात भई।

- 2 तीमुथियुस 2:12

और हम धीरज धरें, तो उनके संग्गै राज सोई कर हैं: हम उन हां मान न दै हैं तो बे हमाओ मान सोई न कर हैं।

- याकूब 2:5

हे मोरे प्यारे भईया हरौ, सुनो; का परमेसुर ने ई संसार के गरीबन हां नईं नबेरो, कि बे बिसवास में धनी और ऊ राज के हाकम होबें, जी कौ कौल उन ने अपने प्रेम करबे वारन से करो आय?

- 1 पतरस 2:9

पर तुम एक नबेरो भओ वंस, और राजपद अधकारी, याजकन कौ समाज, और पवित्तर लोग, और पवित्तर मान्स और परमेसुर की निज परजा आव, ई लाने कि जीने तुम हां अंधयारे में से अपनी जोत में बुलाओ आय, ऊके गुण परगट करो।

- यूहन्‍ना के दरसन कौ खुलासा 1:6

और हम हां एक राज्य और अपने बाप परमेसुर के लाने याजक भी बना दओ; उनको जस और बड़े काज हमेसा बने रैबें। आमीन।

- यूहन्‍ना के दरसन कौ खुलासा 20:4

फिन मैंने सिंहासन तके, और उन पै मान्स बैठ गए, और उन हां न्याव करबे कौ अधकार दओ गओ; और मैंने उन आत्माओं हां भी तको, जिन की मूड़ें ईसा मसीह की गवाह और परमेसुर के परचार करे से काटे गए हते; और जिन ने ऊ जनावर और ऊ की मूरत की पूजा नईं करी हती, और ऊ की छाप अपने माथे और हाथन पै नईं लगाई हती; बे औरें जीवित होकें ईसा मसीह के संग्गै हजार बरस लौ राज करत रए।

- यूहन्‍ना के दरसन कौ खुलासा 20:6

धन्न और पवित्तर बे आंय, जो पैले मरे में से जी उठे; ऐसों पै दूसरी मौत कौ अधकार नईयां, पर बे परमेसुर और ईसा मसीह के याजक हुईयें, और उनके संग्गै एक हजार बरस लौ राज कर हैं।

- यूहन्‍ना के दरसन कौ खुलासा 22:5

और फिन रात न हुईये, और उते दिया और सूरज के उजयारे की जरुरत नईंयां, कायसे पिरभु परमेसुर उन हां उजयारो दै हैं: और बे जुग जुग लौ राज कर हैं।

- यूहन्‍ना के दरसन कौ खुलासा 3:21

जौन पक्को निकल है, मैं ऊहां अपने संग्गै सिंहासन पै बैठा हों।