- रोमियों 5:15 - Bundeli Holy Bible

¹⁵ पर जैसी दसा पाप की आय, वैसी दसा दया के दान की नईंयां, कायसे एक मान्स के पाप के काजें बिलात मान्स मरे, तो परमेसुर कौ दान और ऊ की भलाई एक मान्स पिरभू यीशु मसीह के अनुग्रह से भओ, बिलात जन पे जरूर अधकाई से भओ।

- रोमियों 5:15 ပူးပေါင်းရင်းမြစ်များ

- मत्ती 20:28

जी तरहां मान्स कौ पूत अपनी चाकरी कराबे नईं, बल्कि चाकर बनके और बिलातन के तरन तारन के लाने अपनो प्राण देबे आओ।

- मत्ती 26:28

कायसे जे कौल कौ मोरो बो रकत आय, जौन बिलात लोगन के लाने पापन की छमा के लाने बहाओ जात आय।

- यूहन्‍ना 3:16

कायसे परमेसुर ने जगत से ऐसो प्रेम करो, कि ऊ ने अपनो एकलौतो पूत हां दे दओ, कि जो कोऊ ऊ पै भरोसा करे, बो नास न होय, बरन अनन्त जीवन पाबै।

- यूहन्‍ना 4:10

यीशु ने ऊसे कई, अगर तें परमेसुर के बरदान हां चीनती, और जौ भी कि बो को आय जो तोसे कैत आय; मोय पानू पिला तो तें ऊसे मांगती, और बो तोय जीवन कौ पानू देतो।

- प्रेरितन के काम 15:11

पर हम हां पूरो भरोसा आय, कि प्रभु यीशु की दया से हमाओ उद्धार ओई घांई भओ आय; जी तरहां उन कौ।

- रोमियों 5:12

ई लाने जैसो एक मान्स के द्वारा पाप संसार में आओ, और पाप सें मौत आई, और ई भांत मौत सबरे मान्सन में फैल गई, कायसे सबरन ने पाप करो।

- रोमियों 6:23

कायसे पाप की मजूरी मौत आय, परन्त परमेसुर कौ बरदान हमाए पिरभु यीशु मसीह में अनन्त जीवन आय।

- दूसरी कुरिन्थियों 5:14

कायसे मसीह को प्रेम हम हां बिवस कर देत आय; ईसे हम समझत आंय, कि एक जनों सबरन के काजें मरो तो सबरे मानो मर गए।

- दूसरी कुरिन्थियों 9:15

परमेसुर हां उनके ऊ दान के काजें जी की चरचा करबो मुस्कल आय, धन्न मानो जाबे।

- इफिसियों 2:8

कायसे बिसवास करबे पै दया से तुमाओ तरन तारन भओ आय।

- इब्रानियों 2:9

यीशु मसीह हां सरगदूतन के तनकई कम करो गओ हतो, पर मृत्यु कौ दुख उठाबे के कारन मइमा और आदर कौ मुकुट पहने देखत आंय; परन्त परमेसुर की दया से हरएक मान्स के लाने मौत कौ स्वाद चीखे।

- 1 यूहन्‍ना 2:2

पिरभु यीशु मसीह में ही हमाए पापन की क्षिमा आय; और हमाए अकेले नईं, परन्त संसार के सबरे जनन की।

- 1 यूहन्‍ना 5:11

बो ऐसी आय, कि परमेसुर ने हम हां तरन तारन की कई: जौन उनके बेटा यीशु मसीह में हम हां मिलो।