- रोमियों 5:12 - Bundeli Holy Bible

¹² ई लाने जैसो एक मान्स के द्वारा पाप संसार में आओ, और पाप सें मौत आई, और ई भांत मौत सबरे मान्सन में फैल गई, कायसे सबरन ने पाप करो।

- रोमियों 5:12 ပူးပေါင်းရင်းမြစ်များ

- उत्पत्ति 2:17

परन्‍त अच्‍छे या बुरय के ज्ञान कौ जो पेड़ आय, ऊकौ फल तें कभऊं नें खईयो: कायसे जी दिना तें ऊकौ फल खाहै ओई दिना तें पक्‍कौ मर जैहै।”

- उत्पत्ति 3:19

और अपने माथे सें पसीने की रोटी खाए करहै, और आखिर में माटी में मिल जैहै कायसे तें ओई में सें काड़ो गओ आय; तें माटी तो आय और माटी मेंई मिल जैहै।”

- उत्पत्ति 3:6

सो जब बईयर ने हेरो कि ऊ पेड़ कौ फल खाबे में नोंनो, और हेरबे में मन हों भाबेवारो, और बुद्धि दैबे के लाने सोई बढ़िया आय; तब ऊने ऊहों तोड़कें खा लओ, और अपने घरवारे हों भी दओ, और ऊने सोई खाओ।

- रोमियों 3:23

कायसे सबरन ने पाप करो और परमेसुर की मईमा से न्यारे आंय।

- रोमियों 5:18

ई लाने जैसो एक पाप सबरे मान्सन के दण्ड़ के हुकम कौ कारन बनो, ऊंसई एक धर्म कौ काम सोई सबरे मान्सन के लाने जीवन के लाने धरमी ठैराए जाबे कौ काज भओ।

- रोमियों 5:19

कायसे जैसो एक मान्स के हुकम न मानबे सें बिलात जनें पापी ठैरे, ऊंसई एक मान्स के हुकम मानबे से बिलात जनें धरमी ठैर हैं।

- रोमियों 5:21

कि जैसो पाप ने मौत फैलात भए राज करो, ऊंसई हमारे पिरभु यीशु मसीह के द्वारा दया सोई अनन्त जीवन के लाने धर्मी ठैरात भए राज करे।

- रोमियों 6:21

सो जिन बातन से तुम लजात आव, उन से तुम का फल पात हते?

- रोमियों 6:23

कायसे पाप की मजूरी मौत आय, परन्त परमेसुर कौ बरदान हमाए पिरभु यीशु मसीह में अनन्त जीवन आय।

- पैली कुरिन्थियों 15:56

हे मौत तोरो डंक कां रओ? मौत कौडंक पाप आय; और पाप कौ बल नेम व्यवस्था आय।

- इफिसियों 2:3

पेंला हम सोई अपने मन की मरजी पै चलबेवारे हते, और मन की मरजी पूरी करत हते, हमाए काज नास होबे वारन जैसे हते।

- याकूब 1:15

फिन अभलाखा गरभवती होकें पाप हां जनम देत आय, पाप जब बढ़ जात आय तब मौत हां जनम देत आय।

- याकूब 3:2

प्रवचन देती बेरा हम कुल्ल बेर चूक जात आंय, जो कोनऊ बोलवे में चूक नईं करत, ओई सिद्ध मान्स आय; और सबरी देयां पे सोई लगाम लगा सकत आय।