- रोमियों 5:10 - Bundeli Holy Bible

¹⁰ कायसे बैरी होबे की दसा में ऊके पुत्र की मौत के द्वारा हमाओ मेल मिलाप परमेसुर से भओ, सो फिन मेल हो जाबे पे ऊके जीवन से हम तरन तारन काय न पा हैं?

- रोमियों 5:10 ပူးပေါင်းရင်းမြစ်များ

- यूहन्‍ना 14:19

तनक देर पाछें संसार मोय फिन नईं तक है, परन्त तुम मोय तक हौ, ई लाने की मैं जीयत आंव, और तुम भी जीयत रै हौ।

- यूहन्‍ना 5:26

कायसे जैसे बाप अपने में जीवन धरत आय, ऊं सई ऊ ने पूत हां भी खुद में जीवन धरबे कौ हक्क दओ आय।

- यूहन्‍ना 6:40

कायसे मोरे बाप की मनसा जा आय, कि जौन पूत हां तके, और ऊ पे भरोसा करत आय, बो अनन्त जीवन पाबै; और मैं अखिरी दिना में ऊहां फिन जिला दें हों।

- यूहन्‍ना 6:57

जैसे जीयत बाप ने मोय पठैव और मैं बाप के काजें जीयत आंव, ऐंसई बो भी जौन मोय खात आय मोरे लाने जीयत रै है।

- रोमियों 11:28

भले सन्देसे के लेखे से तो तुमाए बैरी आंय, परन्त चुन लए जाबे से बे बापदादों के काजें प्यारे आंय।

- रोमियों 5:11

अकेले जौ नईं, पर हम अपने पिरभु यीशु मसीह के द्वारा हमाओ मेल मिलाप भओ आय, परमेसुर में खुसी मनात आंय।

- रोमियों 5:6

कायसे जब हम कमजोर निरबल हते, तो मसीह ऐन सई बेरा पे पापी जनन के लाने मरो।

- रोमियों 8:32

जीने अपने निज पुत्तर हां सोई न रख छोड़ो, पर उए हम सब के लाने दे दओ: बो ऊके संग्गै हम हां और सबई कछु काय न दै है।

- रोमियों 8:34

फिन को आय जौन दण्ड़ कौ हुकम दै है? मसीह बो आय जौन मर गओ और मरे भयन में से जी सोई उठो, और परमेसुर के दायें हाथ कुदाऊं आय, और हमाए लाने बिन्तवाई सोई करत आय।

- रोमियों 8:7

कायसे देयां की मन्सा अनसार चलबो तो परमेसुर से बैर धरबो आय, जा बात न तो परमेसुर की नेम व्यवस्था के आधीन आय, और न हो सकत आय।

- दूसरी कुरिन्थियों 5:20

सो हम परमेसुर के कोती उनके राजदूत आंय; और परमेसुर हम में होकें बिन्तवारी करत आय: कि परमेसुर से जुड़ जाओ।

- दूसरी कुरिन्थियों 5:21

जौन पाप जानत लौ न हते, उनईं के ऊ परै उन ने हमाए पाप डाल दए, कि उन से हम सबरे जनें परमेसुर के लाने धरमी हो जाबें।

- इफिसियों 2:16

और क्रूस पै बो जौन बैरी हतो ऊहां नास करो, और ऐसे दोईयन हां एक बना के परमेसुर से जोड़ दओ।

- इफिसियों 2:3

पेंला हम सोई अपने मन की मरजी पै चलबेवारे हते, और मन की मरजी पूरी करत हते, हमाए काज नास होबे वारन जैसे हते।

- इब्रानियों 2:17

ईसे ऊ हम जैसो बनबे आओ, कि बो परमेसुर के सामूं हमाए काजें एक दयालू और बिसवास धरबे लाक महायाजक होबै; कि बो मान्सन के पापन को भरना भरें।

- इब्रानियों 7:25

सो जौन पिरभू यीशु मसीह पै बिसवास धरके परमेसुर लौ पोंच हैं; बे उनको पूरो पूरो तरन तारन करत आय, और परमेसुर के सामूं उनके लाने बिन्तबारी करत आंय।

- 1 यूहन्‍ना 2:1

हे मोरे लड़को, मैंने जे बातें तुम हां ईसे लिखी आंय, कि तुम ठैकें पाप न करो; और तुम से कछु पाप हो जाबै, तो ध्यान धरो कि परमेसुर लौ हमाओ एक ध्यान धरबेवारो यीशु मसीह आय।

- 1 यूहन्‍ना 4:10

प्रेम ईसे नईं होत, कि हम उन से प्रेम करत आंय; परन्त ई में आय, कि उन ने हम से प्रेम करो; और हमाए पापन की सजा भुगतबे हां अपने बेटा हां पठैओ।

- यूहन्‍ना के दरसन कौ खुलासा 1:18

मैं मर गओ हतो, और अब हेर; मैं जुगजुग लौ जीयत आंव; और मृत्यु और अधोलोक जिते मरे भय रैत आंय ऊ की कुंजी मोरे ऐंगर आंय।