- रोमियों 5:1 - Bundeli Holy Bible

¹ सो जब हम बिसवास में धर्मी ठैरे, तो अपने पिरभु यीशु मसीह के द्वारा परमेसुर से जुड़े रैबें।

- रोमियों 5:1 ပူးပေါင်းရင်းမြစ်များ

- लूका 19:38

कि धन्न आय बो राजा, जौन पिरभु के नाओं से आत आय; सरग में सान्ति और आकास मण्डल में मईमा होबे।

- लूका 19:42

और कओ, का ही भलो होतो, कि तें; हओ, तेंई, ऐई दिना में कुशल की बातें जानतो, पर अब बे तोरी आंखन से लुक गईं आंय।

- लूका 2:14

आकास में परमेसुर की मईमा और धरती पे उन मान्सन में जिन से बो खुस आय सान्ति होबे।

- यूहन्‍ना 14:27

मैं तुम हां सान्ति दएं जात आंव, अपनी सान्ति तुम हां देत आंव, ऐसो नईं देत जैसे संसार तुम हां देत आय, तुमाओ मन बेचैन न होए और न डराए।

- यूहन्‍ना 16:33

जे बातें मैंने तुम से ई लाने कई आंय, कि तुम मोय में सान्ति पाओ; संसार में तुम हां दुख होत आय, परन्त हिम्मत बांधो, मैंने जगत हां जीत लओ आय।

- यूहन्‍ना 20:31

पर जे ई लाने लिखे गए आंय, कि तुम भरोसा करो, कि यीशु ही परमेसुर कौ पूत मसीह आय: और भरोसा करके ऊके नाम से अनन्त जीवन पाओ।

- यूहन्‍ना 5:24

मैं तुम से सांची सांची कहत आंव, जौन मोरो बचन सुनके मोरे पठैबेवाले पे भरोसा करत आय, अनन्त जीवन ऊ को आय, और ऊ पे दण्ड कौ हुकुम नईं हुईये, परन्त बो मृत्यु से पार होकें जीवन में पिड़ चुको आय।

- प्रेरितन के काम 10:36

जौन सन्देसो ऊ ने इस्राएलियन के ऐंगर पठैओ, जब ऊ ने यीशु मसीह के द्वारा (जौन सबई कौ पिरभु आय) सान्ति कौ भलो सन्देसो सुनाओ।

- रोमियों 1:17

कायसे ऊ में परमेसुर की धार्मिकता बिसवास से, और बिसवास के लाने उजागर होत आय; जैसे लिखो आय, कि बिसवास से धर्मी मान्स जीयत रै है।

- रोमियों 1:7

उन सबरन के नाओं जौन रोम में परमेसुर के प्यारे आएं और पवित्तर होबे हां बुलाए गए आएं। हमाए पिता परमेसुर और पिरभु यीशु मसीह की कुदाऊं से तुम हां दया और सान्ति मिलत रैबे।

- रोमियों 10:10

कायसे धार्मिकता के लाने हिये से बिसवास करो जात आय, और उद्धार के लाने मों से मान लओ जात आय।

- रोमियों 10:15

और परचारक बिना कैसे सुनें? और यदि भेजे न जाबें, तो कैसे परचार करें? जैसो लेख आय, कि उन के गोड़े कैसे साजे आंय, जौन साजी बातन कौ भलो सन्देसो सुनात आंय!

- रोमियों 14:17

कायसे परमेसुर कौ राज खैबो पीबो नईंयां; परन्त धरम और मेल मिलाप और बा खुसी आय; जौन पवित्तर आत्मा से होत आय।

- रोमियों 15:13

परमेसुर जौन आसा को दैबेवारो आय, तुम हां बिसवास करबे में सबरी भांत की खुसी से सान्ति भर देबे, कि पवित्तर आत्मा के बल से तुमाई आसा बढ़त जाय।

- रोमियों 15:33

सान्ति कौ परमेसुर तुम सबरन के संग्गै रैबे। आमीन।

- रोमियों 3:22

जाने के परमेसुर की बो धार्मिकता, जौन यीशु मसीह पे बिसवास करबे से सबरे बिसवास करबेवारन के लाने आय; बात पूरी उजागर आय लुकी छिपी नईंयां।

- रोमियों 3:30

कायसे एकई परमेसुर आय, जौन खतनावारन हां बिसवास से और बिना खतनावारन हां सोई बिसवास से धरमी ठैरा है।

- रोमियों 4:5

परन्त जौन काम नईं करत पर पापी के धरमी ठैराबेवारे पे बिसवास करत आय, ऊकौ बिसवास ऊके लाने धार्मिकता गिनो जात आय।

- रोमियों 5:11

अकेले जौ नईं, पर हम अपने पिरभु यीशु मसीह के द्वारा हमाओ मेल मिलाप भओ आय, परमेसुर में खुसी मनात आंय।

- रोमियों 5:18

ई लाने जैसो एक पाप सबरे मान्सन के दण्ड़ के हुकम कौ कारन बनो, ऊंसई एक धर्म कौ काम सोई सबरे मान्सन के लाने जीवन के लाने धरमी ठैराए जाबे कौ काज भओ।

- रोमियों 6:23

कायसे पाप की मजूरी मौत आय, परन्त परमेसुर कौ बरदान हमाए पिरभु यीशु मसीह में अनन्त जीवन आय।

- रोमियों 9:30

सो हम का कैबें? कि दूसरी जातवारन ने जौन धार्मिकता की खोज नईं करत हते, धार्मिकता पाई, जाने कि बो धार्मिकता जौन बिसवास से आय।

- गलतियों 2:16

अकेले जौ जानत आंय कि मान्स नैम पूरो करके नईं, परन्त यीशु मैं बिसवास धरके बच सकत आय, हम ने सोई मसीह पै बिसवास धरो, कि हम नैम के कानून कायदन से नईं, अकेले मसीह पे बिसवास धरे से धरमी बने; कायसे नैम के काम करबे से कोऊ जनो धरमी नईं होत।

- गलतियों 3:25

अकेले जब बिसवास आ गओ, तो हम गुरू के नेंचें नईं रए।

- गलतियों 5:22

अकेले आत्मा के फल प्रेम, आनन्द, मेल मिलाप, धीरज धरबो।

- इफिसियों 2:7

उनकी किरपा जौन मसीह यीशु में हम पै भई आय, आबेवारे दिना में अपनी दया को बड़े धन दिखाबे।

- फिलिप्पियों 3:9

और पिरभू की बातन में बनो रओ; और मूसा के नैम से जौन बड़वाई मिलत आय, ऊहां छोड़ के जौन बातें पिरभू पै बिसवास करे से मिलत आंय, उन में पक्को रओ।

- कुलुस्सियों 1:20

और उनके पुत्र पिरभू यीशु के क्रूस पै बलदान होकें अपने रक्त से, सबरे जौन सरग में रैत और जौन धरती पै रैत उन हां परमेसुर से जोड़ दओ।

- कुलुस्सियों 3:15

तुम सबरे जनें यीशु मसीह की देह के मानो अंग आव और सान्ति से रैबे हां जुड़े आव, सो जानो सान्ति पिरभू से मिलत आय, ऊ तुमाए सोच हां संभाले और तुम उन हां धन्नवाद देत रओ।

- 1 थिस्सलुनीकियों 5:23

सान्ति दैबेवारे परमेसुर तुम हां साजो राखे; और तुमाई आत्मा, प्रान और देह हमाए पिरभू यीशु मसीह के आबे लौ बिन खोट बने रैबें।

- 2 थिस्सलुनीकियों 3:16

अब पिरभू जौन सान्ति दैबेवारे आंय खुद तुम हां सबरी बातन में सान्ति दैबे: पिरभू तुमाए संग्गै रैबें।

- इब्रानियों 13:20

परमेसुर जौन सान्ति देबेवारे आंय, जिन ने हमाए पिरभू यीशु मसीह हां जौन गाड़र के बड़े रखनवारे आंय, अपने रकत से अपने लोगन हां पाप की मौज से बचाओ।