- रोमियों 4:16 - Bundeli Holy Bible

¹⁶ ऐई काजें कौल करार बिसवास के द्वारा मिलत आय, कि दया की रीति पर होबे, कि बो ऊके कुल वंसवारन के लाने पक्की होबे, न केवल उन के लाने जौन नैम व्यवस्थावारो आय पर उन के लाने सोई जौन इब्राहीम के घांई बिसवास करबेवारे आंय: ओई तो हम सबरन कौ बाप आय।

- रोमियों 4:16 ပူးပေါင်းရင်းမြစ်များ

- लूका 19:9

तब यीशु ने ऊसे कओ; आज ई घर में उद्धार आओ आय, ई लाने कि जौ सोई इब्राहीम कौ एक पूत आय।

- रोमियों 15:8

ई लाने मैं कैत आंव, कि जौन कौल करार बाप दादन से करे गए हते, उन हां पक्को करबे के लाने मसीह, परमेसुर की सच्चाई कौ प्रमाण देबे के लाने खतना करे भयन कौ दास बनो।

- रोमियों 3:22

जाने के परमेसुर की बो धार्मिकता, जौन यीशु मसीह पे बिसवास करबे से सबरे बिसवास करबेवारन के लाने आय; बात पूरी उजागर आय लुकी छिपी नईंयां।

- रोमियों 3:30

कायसे एकई परमेसुर आय, जौन खतनावारन हां बिसवास से और बिना खतनावारन हां सोई बिसवास से धरमी ठैरा है।

- रोमियों 4:11

इब्राहीम ने खतने कौ चिन्ह पाओ, कि बो बिसवास की धार्मिकता पे छाप होबे, जौन ऊ ने बिना खतना की दसा में धरो हतो: जी से बो उन सबरन कौ बाप ठैरो, जौन बिना खतना की दसा में बिसवास करत आंय, जीसे बे सोई धर्मी ठैरें।

- रोमियों 5:1

सो जब हम बिसवास में धर्मी ठैरे, तो अपने पिरभु यीशु मसीह के द्वारा परमेसुर से जुड़े रैबें।

- रोमियों 9:8

जाने कि देयां के लरका बाले परमेसुर के लरका बाले नईं, परन्त कौल करार के लरका बाले वंस गिने जात आंय।

- गलतियों 3:14

जौ सब ईसे भओ, कि इब्राहीम हां जौन आसीस मिली बा मसीह यीशु में हो अन्य जातियन हां मिले, और हम बिसवास करबे से ऊ आत्मा पाएं, जी के लाने पेंला कहो गओ हतो।

- गलतियों 3:16

सो प्रतिज्ञा इब्राहीम और उनके वंस वारन हां मिली, ऐसो नईं कैत, कि वंस हां; मतलब बिलात जन के काजें नईं अकेले एक जनें के वंस हां: और बो मसीह आय।

- गलतियों 3:22

अकेले पवित्र पोथी में लिखो आय कि सबरे पाप के जाल में फंसे आंय, कि बा प्रतिज्ञा जीसे यीशु मसीह पै बिसवास करो चईये, बिसवास करबेवारन के काजें पूरी हो जाबे।

- इफिसियों 2:5

जब हम अपने बुरए कामन में मरे जैसे हते, तब हम हां मरे भयन में से जिलाओ; (दया से तुमाओ तरन तारन भओ आय)।

- इफिसियों 2:8

कायसे बिसवास करबे पै दया से तुमाओ तरन तारन भओ आय।

- तीतुस 3:7

जीसे हम उनकी किरपा सें धरमी भए, और मरे के पाछें जीवन के हक्कदार भए।

- 2 पतरस 1:10

ई काजें हे भईया हरौ, अपने बुलाए जाबे, और नबेरे जाबे हां पक्को करबे हां और अधक जतन करत जाओ, जदि तुम ऐसो करत हौ, तो कभऊं ठोकर न खा हौ।