- रोमियों 4:11 - Bundeli Holy Bible

¹¹ इब्राहीम ने खतने कौ चिन्ह पाओ, कि बो बिसवास की धार्मिकता पे छाप होबे, जौन ऊ ने बिना खतना की दसा में धरो हतो: जी से बो उन सबरन कौ बाप ठैरो, जौन बिना खतना की दसा में बिसवास करत आंय, जीसे बे सोई धर्मी ठैरें।

- रोमियों 4:11 ပူးပေါင်းရင်းမြစ်များ

- उत्पत्ति 17:24

जब अब्राहम की खलड़िया कौ खतना भओ तब ऊ निन्‍यानबे साल कौ हतो।

- मत्ती 16:16

शमौन पतरस ने उत्तर दओ, कि तें जीयत परमेसुर कौ पूत मसीह आय।

- मत्ती 8:11

और मैं तुम से कहत आंव, कि पूरब और पच्‍छिम से बिलात लोग आके इब्राहीम और इसहाक और याकूब के संग्गै सरग के राज्य में बैठ हैं।

- लूका 19:9

तब यीशु ने ऊसे कओ; आज ई घर में उद्धार आओ आय, ई लाने कि जौ सोई इब्राहीम कौ एक पूत आय।

- यूहन्‍ना 3:33

जीने ऊ की गवाही मान लई आय, ऊने ई बात पे छाप लगा दई, कि परमेसुर सांचो आय।

- यूहन्‍ना 3:36

जौन पूत पे भरोसा करत आय, अनन्त जीवन ओई कौ आय; वरन बो जौन पूत की नईं मानत, ऊहां जीवन नईं मिल है, परन्त परमेसुर को कोप ऊ पे बनो रहत आय।

- यूहन्‍ना 6:35

यीशु ने उन से कई, जीवन की रोटी मैं आंव, जौन मोरे ऐंगर आत आय कभऊं भूखो न हुईये और जौन मोय पे भरोसा करत आय, कभऊं प्यासो न हुईये।

- यूहन्‍ना 6:40

कायसे मोरे बाप की मनसा जा आय, कि जौन पूत हां तके, और ऊ पे भरोसा करत आय, बो अनन्त जीवन पाबै; और मैं अखिरी दिना में ऊहां फिन जिला दें हों।

- यूहन्‍ना 6:47

मैं तुम से सांची सांची कहत आंव, की जौन भरोसा करत आय, अनन्त जीवन ओई कौ आय।

- यूहन्‍ना 8:33

उन ने ऊसे कई; हम तो इब्राहीम के कुल से आंय और अब लौ कोऊ के चाकर नईं भए, तो फिन तें कैसे कहत आय, तुम छुट्टा हो जै हौ?

- रोमियों 10:11

कायसे पवित्तर धर्म पोथी जा कैत आय, कि जो कोई ऊ पै बिसवास कर है, बो न लजा है।

- रोमियों 10:4

कायसे सब कोऊ जौन बिसवास करत आंय उन के काजें धार्मिकता के लाने मसीह नेम व्यवस्था कौ अन्त आय।

- रोमियों 10:6

परन्त जौन धार्मिकता बिसवास से आय, बा ऐसो कैत आय, तें अपने हिये में जौ न कईयो कि सरग पे को चढ़ है? (जानें कि मसीह हां उतार लाबे के लाने!)

- रोमियों 3:22

जाने के परमेसुर की बो धार्मिकता, जौन यीशु मसीह पे बिसवास करबे से सबरे बिसवास करबेवारन के लाने आय; बात पूरी उजागर आय लुकी छिपी नईंयां।

- रोमियों 3:26

और अबई ऊकी धार्मिकता उजागर भई; जीसे बो आपई धरमी ठैरे, और जौन यीशु पर बिसवास करे, उन को सोई धरमी ठैराबेवारो होय।

- रोमियों 3:30

कायसे एकई परमेसुर आय, जौन खतनावारन हां बिसवास से और बिना खतनावारन हां सोई बिसवास से धरमी ठैरा है।

- रोमियों 4:10

तो बो कैसे गिनो गओ? खतना की दसा में या बिना खतना की दसा में? खतने की दसा में नईं पर बिना खतने की दसा में।

- रोमियों 9:30

सो हम का कैबें? कि दूसरी जातवारन ने जौन धार्मिकता की खोज नईं करत हते, धार्मिकता पाई, जाने कि बो धार्मिकता जौन बिसवास से आय।

- रोमियों 9:33

जैसो लेख आय; तको मैं सिय्यौन में एक ठेस लगबे कौ पत्थरा, और ठोकर खाबे की एक टोर धरत आंव; और जौन ऊ पे बिसवास कर है, बो न लजा है।

- रोमियों 9:6

पर जौ नईं, कि परमेसुर कौ बचन टल गओ, ई लाने कि जौन इस्राएल के वंसवारे आंय, बे सबरे इस्राएली नईंयां।

- दूसरी कुरिन्थियों 1:22

जीनें हम पै छाप लगा दई आय और बयाने में आत्मा हां हमाए जी में डालो आय।

- गलतियों 3:22

अकेले पवित्र पोथी में लिखो आय कि सबरे पाप के जाल में फंसे आंय, कि बा प्रतिज्ञा जीसे यीशु मसीह पै बिसवास करो चईये, बिसवास करबेवारन के काजें पूरी हो जाबे।

- गलतियों 3:29

तुम यीशु के हो गए, तो इब्राहीम के वंस के और प्रतिज्ञा जौन दई हती ऊके हक्कदार हो गए।

- गलतियों 3:7

तो तुम जान लेओ, कि बिसवास करबेवारे इब्राहीम के बाल बच्चा आंय।

- गलतियों 5:5

कायसे आत्मा के कारन हम बिसवास से, आबेवारी धरम की गैल हेरत आंय।

- गलतियों 6:16

और जौन ई नैम पै चल हैं, उन पै और परमेसुर के खास इस्राएल पै, सान्ति और दया होत रए।

- इफिसियों 1:13

उनई में जब तुम ने सांचे बचन सुने, जौन से तुमाए तरन तारन हो, जीहां तुम ने मानो, और कौल करे भए पवित्रात्मा की चिनानी लग गई।

- इफिसियों 4:30

और परमेसुर की आत्मा हां न दुखाओ, जिन से तुमाए पाप से छूटे भय हां ईकी छाप लगी।

- फिलिप्पियों 3:9

और पिरभू की बातन में बनो रओ; और मूसा के नैम से जौन बड़वाई मिलत आय, ऊहां छोड़ के जौन बातें पिरभू पै बिसवास करे से मिलत आंय, उन में पक्को रओ।

- इब्रानियों 11:7

बिसवास धर के नूह ने जौन बात ऊ बेरा न दिखात हती, जब कहो गओ तो साजे मन से अपने घर के लोगन हां बचाबे हां एक बड़ी नाव बनाई, और संसार के दूसरे जनों पै न्याय आ गओ और बे डूब मरे; और नूह हां अपने बिसवास से आसीस मिली।

- 2 पतरस 1:1

शिमौन पतरस की कोद से जौन यीशु मसीह कौ चाकर और चेला आय, उन मान्सन के नाओं चिठिया जिन ने हमाए परमेसुर और तारन करबवारे यीशु मसीह की धार्मिकता से हमाए घांई अनमोल बिसवास पा लओ आय।

- यूहन्‍ना के दरसन कौ खुलासा 9:4

और उन से कहो गओ, कि न धरती पै की घांस को और न कोऊ हरियाई और पेड़ हां नुकसान करियो, केवल उन मान्सन हां जीके माथे पै परमेसुर की मोहर न होबै।