- रोमियों 3:9 - Bundeli Holy Bible

⁹ तो फिन का भओ? का हम उन से साजे आंय? कभऊं नईं; कायसे हम यहूदियों और यूनानियों पे जौ लांछन लगा चुके आंय, कि बे दौनऊं पाप के बस में आंय।

- रोमियों 3:9 ပူးပေါင်းရင်းမြစ်များ

- लूका 7:39

जौ हेर के, बो फरीसी जीने यीशु हां बुलाओ हतो, अपने हिये में विचार करन लगो, जदि जौ आगमवकता होतो तो जान जातो, कि जा जौन ऊहां छी रई आय, बो को और कैसी बईयर आय? कायसे बा तो पापिनी आय।

- रोमियों 1:18

परमेसुर कौ खुन्स तो उन लोगन की अभक्ति और अधर्म पे सरग से उजागर होत आय, जौन सत्त हां पाप से दबाए रैत आंय।

- रोमियों 11:32

कायसे परमेसुर ने सब हां हुकम तोड़बे कौ दोशी बना के राखो जी से सब पे दया होबे।

- रोमियों 11:7

ईको नतीजा का भओ? जौ कि इस्राएली जी की खोज में हते, बो उन हां नईं मिलो; पर नबेरे भयन हां मिलो, और बचे भए कठोर बना दए गए।

- रोमियों 2:1

सो अब हे लांछन लगाबेवारे, तें कोनऊ काय न होबै; तो लौ कछु उत्तर नईयां! कायसे जौन बात में तें दूसरन पे लांछन लगात आय, ओई बात में अपने हां भी दोषी ठहरात आय, कायसे जैसो लांछन तें लगात आय, तें सोई ऊंसई काम करत आय।

- रोमियों 3:1

सो यहूदी की का बड़वाई, या खतने कौ का लाभ?

- रोमियों 3:19

हम जानत आंय, कि नैम व्यवस्था जो कछु कैत आय उनईं से कैत आय, जौन नैम व्यवस्था के मानबेवारे आंय: ई लाने के सबरन के मों बन्द करे जाबें, और सबरो संसार परमेसुर के दण्ड के जोग ठैरे।

- रोमियों 3:5

ई लाने जदि हमाओ अधर्म परमेसुर हां धरमी ठैरा देत आय, तो हम का काबें? का जौ कि परमेसुर जौन खुन्स करत आय अन्यायी आय (जौ तो मैं मान्सन के तौर तरीके से कैत आंव)।

- रोमियों 6:15

सो का भओ? का हम ई लाने पाप करें, कि हम नैम व्यवस्था के आधीन नईंयां पर दया के आधीन आंय? कभऊं नईं।

- रोमियों 7:14

हम जानत आएं कि नैम व्यवस्था तो आत्मिक आय, परन्त मैं अधर्मी और पाप के हाथ बिको भओ आंव।

- पैली कुरिन्थियों 10:19

फिन मैं का कैत आंव? का जौ कि मूरत कौ बलदान कछु आय या मूरत कछु आय।

- पैली कुरिन्थियों 14:15

सो का करो चईये? मैं आत्मा से सोई बिन्तवाई कर हों, और समज से सोई बिन्तवाई कर हों; मैं आत्मा से गाहों, और समज से सोई गाहों।

- पैली कुरिन्थियों 4:7

कायसे एक दूसरे में को अन्तर कर सकत आय? और तोरे ऐंगर का आए जौन तेंने दूसरे से न पाओ होबै: और जब तेंने दूसरे से पाओ आय, तो ऐसो घमण्ड काय करत आय, कि मानो नईं पाओ?

- गलतियों 3:10

सो जितने जने नैम के काजन पै भरोसा करत आंय, उन सबरन हां श्राप मिल है, कायसे ऐसो लिखो आय, कि जौन नैम की पोथी में लिखी सबरी बातन नईं करत, बो श्रापित आय।

- गलतियों 3:22

अकेले पवित्र पोथी में लिखो आय कि सबरे पाप के जाल में फंसे आंय, कि बा प्रतिज्ञा जीसे यीशु मसीह पै बिसवास करो चईये, बिसवास करबेवारन के काजें पूरी हो जाबे।

- फिलिप्पियों 1:18

इन सबरी बातन से का जा बात सांची आय, कि बुरय विचार से, और सांचे में पिरभू को परचार हो रओ आय, और ईसे मोहां खुसी आय।