- रोमियों 3:4 - Bundeli Holy Bible

⁴ बिलकुल नईं, बलकी परमेसुर सांचो और सबरे मान्स लबरे ठैरें, जैसो लिखो आय, जीसे तें अपनी बातन में धरमी ठैरे और न्याय करत समय तें जय पाए।

- रोमियों 3:4 ပူးပေါင်းရင်းမြစ်များ

- मत्ती 11:19

मान्स कौ पूत खात पीयत आओ, और बे कहत आंय कि हेरो, पेटू और पियक्कड़ मान्स, चुंगी लेबेवारन और पापियन कौ संगी, पर बुद्धि अपने कामन से सांची ठहराई गई आय।

- लूका 20:16

बो आके उन किसानन हां नास कर है, और दाख कौ बागीचा और दूसरन हां सौंप है: जा सुन के उन ने कओ, परमेसुर ऐसो न करे।

- यूहन्‍ना 3:33

जीने ऊ की गवाही मान लई आय, ऊने ई बात पे छाप लगा दई, कि परमेसुर सांचो आय।

- रोमियों 11:1

ई लाने मैं कैत आंव, का परमेसुर ने अपनी प्रजा हां छोड़ दओ? कभऊं नईं; मैं सोई इस्राएली आंव: इब्राहीम के वंस और बिन्‍यामीन के कुल में से आंव।

- रोमियों 11:11

सो मैं कैत आंव का उन ने ई लाने ठोकर खाई, कि गिर पड़ें? क भऊं नईं: पर उनके गिरबे के काजें दूसरी जातवारन हां उद्धार मिलो, कि उन हां जलन होबे।

- रोमियों 3:31

तो का हम नैम व्यवस्था हां बिसवास के द्वारा अकारथ ठैरात आंय? कमऊं नईं; परन्त नैम व्यवस्था हां पक्को करत आंय।

- रोमियों 6:15

सो का भओ? का हम ई लाने पाप करें, कि हम नैम व्यवस्था के आधीन नईंयां पर दया के आधीन आंय? कभऊं नईं।

- रोमियों 6:2

कभऊं नईं, हम जब पाप के लाने मानो मर गए तो फिन आंगू ऊ में जीवन कैसे बिताएं?

- रोमियों 7:13

तो का बो जौन साजी हती, मोरे लाने मौत ठैरी? कभऊं नईं! परन्त पाप ऊ साजी बस्त से मोरे लाने मौत हां पैदा करबेवारो भओ, कि ऊकौ पाप होबो उजागर होबे, और हुकम के द्वारा पाप कुल्ल पापवारो ठैरे।

- रोमियों 7:7

सो हम का कैबें? का नेम व्यवस्था पाप आय? कभऊं नईं! पर बिना नैम व्यवस्था के मैं पाप हां नईं चीनतो: नैम व्यवस्था जदि न कै ती, कि लालच न कर तो मै लालच हां न जानतो।

- रोमियों 9:14

ई लाने हम का कैबें? का परमेसुर के इते अन्याय आय? कभऊं नईं।

- पैली कुरिन्थियों 6:15

का तुम हां पता नईंयां, कि तुमाई देयां मसीह कौ हींसा आय? सो का मैं मसीह कौ हींसा लेके ऊहां बेश्या कौ हींसा बनाओं? कभऊं नर्इं।

- दूसरी कुरिन्थियों 1:18

और नईं सोई करत आंव, परमेसुर जानत आय कि हमाई बातन में दोई हां और नईं नईयां।

- गलतियों 2:17

हम में से जौन मसीह से धरमी होओ चाहत आंय, कहूं खुद पापी कड़े, तो का मसीह पाप को चाकर आय? कभऊं नईं।

- गलतियों 2:21

मैं परमेसुर की दया हां बेकार नईं कैत, कायसे धर्मी नैम से होतो, तो मसीह को बलदान बेकार जातो।

- गलतियों 6:14

अकेले ऐसो नईं होबे, कि मैं और कोऊ बात में बड़वाई करों, केवल हमाए पिरभु यीशु मसीह के क्रूस पै, जीसे संसार मोरे काजें और मैं संसार के काजें क्रूस पै चढाओ गओ हों।

- 1 तीमुथियुस 3:16

धरम को भेद बड़ो आय ईको ध्यान धरियो; बो सरीर में होकें संसार में आओ जा बात आत्मा ने बताई, और सरगदूतन ने संसार मैं ईको परचार करो, मान्सन ने ऊ पै बिसवास करो और बो सरग पै उठा लओ गओ।

- तीतुस 1:2

अनन्‍तकाल लौ जीयत रैबे की आस से करी, जीके लाने परमेसुर ने कई जौन लाबरी नईं कैत।

- इब्रानियों 6:18

परमेसुर झूटो नईं कात, सो जब बे कौल खात और वचन देत तो ऊ बात हां कभऊ नईं बदलत, सो अब जौन हमाई आस आय जी हां हमें पाने आय ऊहां पक्को धरें रैत आंय।

- 1 यूहन्‍ना 5:10

जौन परमेसुर के बेटा पै बिसवास धरें आय, कि जा सांची आय; जीने परमेसुर की कई गई मानी, ऊने मानो उन हां झूठो मानो; जौन उन ने अपने बेटा के लाने कई।

- 1 यूहन्‍ना 5:20

कायसे हम हां पता आय, कि परमेसुर के बेटा ई धरती पै आ गए आंय, और उन ने हम हां ऐसी सीख दई आय, कि हम उन सांचे जनें को चीनें, और उनईं के संग्गै बने रैबें; बे सांचे परमेसुर आंय और उन में होकें बैकुण्ड वास मिलत आय।

- यूहन्‍ना के दरसन कौ खुलासा 3:7

और फिलेदिलफिया की मण्डली के दूत हां ऐसो लिखो, कि, जो पवित्तर और सांचो आय, और जौन दाऊद की कुंजी धरत आय, जीके खोले भय हां कोऊ बन्द नईं कर सकत और बन्द हां खोल नईं सकत, बो ऐसो कैत आय।