- रोमियों 3:27 - Bundeli Holy Bible

²⁷ सो घमण्ड करबो कां रओ? ऊ की तो जांगा नईंयां: कौन सी नैम व्यवस्था के कारन से? का करमों की नैम व्यवस्था से? नईं परन्त बिसवास की नैम व्यवस्था से।

- रोमियों 3:27 ပူးပေါင်းရင်းမြစ်များ

- मरकुस 16:16

जो बिसवास कर है और बपतिस्मा लै है ओई को उद्धार हुईये, लेकिन जो बिसवास नें कर है ऊ दोषी ठहराओ जै है।

- यूहन्‍ना 3:36

जौन पूत पे भरोसा करत आय, अनन्त जीवन ओई कौ आय; वरन बो जौन पूत की नईं मानत, ऊहां जीवन नईं मिल है, परन्त परमेसुर को कोप ऊ पे बनो रहत आय।

- रोमियों 10:5

कायसे मूसा ने ऐसो लेख करो आय, कि जौन मान्स ऊ धार्मिकता पे जौन नेम व्यवस्था पर आय, चलत आय, बो ओई से जीयत रै है।

- रोमियों 11:6

जदि जौ दया से भओ आय, तो कर्मों से नईं; नईं तो दया फिन दया न रई।

- रोमियों 2:17

जदि तें यहूदी कहात आय, और नैम व्यवस्था के अनसार चलत आय, और परमेसुर के सामूं घमण्ड करत आय।

- रोमियों 2:23

तें जौन नेम व्यवस्था के विषय में घमण्ड करत आय, का नैम व्यवस्था अनसार न चलकें, परमेसुर कौ अनादर करत आय?

- रोमियों 3:19

हम जानत आंय, कि नैम व्यवस्था जो कछु कैत आय उनईं से कैत आय, जौन नैम व्यवस्था के मानबेवारे आंय: ई लाने के सबरन के मों बन्द करे जाबें, और सबरो संसार परमेसुर के दण्ड के जोग ठैरे।

- रोमियों 3:26

और अबई ऊकी धार्मिकता उजागर भई; जीसे बो आपई धरमी ठैरे, और जौन यीशु पर बिसवास करे, उन को सोई धरमी ठैराबेवारो होय।

- रोमियों 4:2

कायसे जदि इब्राहीम करमों से धरमी ठैराओ जातो, तो उए घमण्ड करबे की जांगा होती, पर परमेसुर के ऐंगर नईं।

- रोमियों 7:21

ई भांत मैं जो नैम व्यवस्था पात आंव, कि जब भलाई करे की मन्सा करत आंव, तो बुराई मोरे ऐंगर आत आय।

- रोमियों 7:23

परन्त मोय अपनी देयां में दूजे भांत की नेम व्यवस्था दिखात आय, जौन मोरी बुद्धि समज से लड़त आय, और मोय पाप अधर्म की नेम व्यवस्था के बन्धन में डालत आय जौन मोरे अंगों में आय।

- रोमियों 7:25

हमाए पिरभु यीशु मसीह के द्वारा परमेसुर कौ धन्नबाद होबै: ई लाने मैं आपनी बुद्धि समज से तो परमेसुर की नैम व्यवस्था कौ, पर देयां से पाप अधर्म की नेम व्यवस्था कौ पालन करत आंव।

- रोमियों 8:2

कायसे जीवन की आत्मा के नैम व्यवस्था ने मसीह यीशु में मोय पाप की, और मौत की नैम व्यवस्था से स्वतन्त्र कर दओ आय।

- रोमियों 9:11

और अब लौ न तो लरका जन्मे हते, और न उन ने कछु भलो या बुरओ करो हतो ऊ ने कओ, जेठो लरका लौरे कौ चाकर हुईये।

- रोमियों 9:31

परन्त इस्राएली; जौन धर्म की नैम व्यवस्था हां खोजत हते, ऊ नेम व्यवस्था लौ नईं पोंचे।

- रोमियों 9:32

की लाने? ई लाने कि बे बिसवास से नईं, परन्त जानो कि बे कर्मो से ऊहां खोजत हते: उन ने ऊ ने ऊपर कड़े पत्थरा पे उपटा खाओ।

- पैली कुरिन्थियों 4:7

कायसे एक दूसरे में को अन्तर कर सकत आय? और तोरे ऐंगर का आए जौन तेंने दूसरे से न पाओ होबै: और जब तेंने दूसरे से पाओ आय, तो ऐसो घमण्ड काय करत आय, कि मानो नईं पाओ?

- गलतियों 2:16

अकेले जौ जानत आंय कि मान्स नैम पूरो करके नईं, परन्त यीशु मैं बिसवास धरके बच सकत आय, हम ने सोई मसीह पै बिसवास धरो, कि हम नैम के कानून कायदन से नईं, अकेले मसीह पे बिसवास धरे से धरमी बने; कायसे नैम के काम करबे से कोऊ जनो धरमी नईं होत।

- गलतियों 3:22

अकेले पवित्र पोथी में लिखो आय कि सबरे पाप के जाल में फंसे आंय, कि बा प्रतिज्ञा जीसे यीशु मसीह पै बिसवास करो चईये, बिसवास करबेवारन के काजें पूरी हो जाबे।