- रोमियों 2:9 - Bundeli Holy Bible

⁹ और दुख और परेसानी हर मान्स के प्राण पे जौन बुरओ करत आय आ है, पेंला यहूदी पे फिन यूनानी पे।

- रोमियों 2:9 ပူးပေါင်းရင်းမြစ်များ

- मत्ती 16:26

अगर मान्स सारे जगत हां पा ले, और अपने प्राण गंवाए, तो ऊहां का फायदा? या मान्स अपने प्राण के बदले में का दै है?

- लूका 24:47

और यरूशलेम से लेके सबरी जातन में हिया फेरबे कौ और पापन की छिमा कौ परचार, ओई के नाओं से करो जै है।

- प्रेरितन के काम 11:18

बे जौ सुनके चिमा गए, और परमेसुर की बड़ाई करके कहन लगे, तबई तो परमेसुर ने गैर यहूदियन हां भी जीबे के लाने मन फिराबे कौ बरदान दओ आय।

- प्रेरितन के काम 13:26

हे भईया हरौ, इब्राहीम के बच्चो; और तुम में से जौन परमेसुर कौ भय मानत आय, तुमाए लाने ही उद्धार कौ बचन पठैव गओ आय।

- प्रेरितन के काम 20:21

मैं यहूदी और यूनानी दोई हां कड़ाई से गवाही देत रओ, की परमेसुर की कोद मन फिराव, और प्रभु यीशु मसीह पे भरोसा करो।

- प्रेरितन के काम 26:20

पर पेंला दमिश्क के, फिर यरूशलेम के, और तब यहूदियन के सबरे परगना के रहबेवालन हां, इते लौ की गैर यहूदियन हां सोई जौई परचार करत रहो, की बे पछता के परमेसुर की कोद फिरें और मन फिराबे के जैसे काज करें।

- प्रेरितन के काम 28:17

फिन ऐसो भओ, की तीन दिना के बाद ऊ ने यहूदियन के मुखिया लोगन हां टेरो, जब बे जमा भए, तो ऊ ने उन से कई; भईया हरौ, मैंने अपनी जात या अपने पुरखन के रीति रिवाज के बिरुद्ध कछु नईं करो, फिन भी मैं यरूशलेम से कैदी बनाके रोमियन के हाथन सौंप दओ गओ आंव।

- प्रेरितन के काम 28:28

ई लाने तुम जान लईयो, की परमेसुर कौ जौ उद्धार अन्यजातियन के ऐंगर पठैव गओ आय, और बे सुन हैं।

- प्रेरितन के काम 3:26

परमेसुर ने अपने चाकर हां उठाके पेंला तुमाए ऐंगर पठैओ, कि तुम में से हर एक हां ऊ की बुराईयन से फेर के आसीस देबे।

- रोमियों 1:16

कायसे मैं भले सन्देस देबे से नईं लजात, ई लाने कि बो सब कोऊ जौन बिसवास करत आंय, पेंला तो यहूदी, फिन यूनानी के उद्धार के लाने परमेसुर की तागद आय।

- रोमियों 10:12

यहूदियों और यूनानियों में कछु अन्तर नईंयां, ई लाने कि बो सब कौ पिरभु आय; और अपने सबरे नाओं लेबेवारन के लाने उदार आय।

- रोमियों 2:10

परन्त आदर और मईमा और कलयाण हर जने हां मिल है, जौन भलो करत आय, पेंला यहूदी हां फिन यूनानी हां।

- रोमियों 8:35

को हम हां मसीह के प्रेम से अलग कर है? का सताव, या संकट, या उपद्रव, या आकाल, या नंगाई, या जोखम, या तलवार?

- रोमियों 9:24

जाने कि हम पे जिन हां ऊ ने अकेले यहूदियन में से नईं, पर दूसरी जातन में से सोई बुलाओ।

- गलतियों 3:28

अब तो कोऊ यहूदी नईं रओ और न यूनानी; और न कोऊ चाकर, और न छुट्टा; न कोऊ मान्स, और न बईयर, कायसे तुम सबरे यीशु मसीह में एक आव।

- कुलुस्सियों 3:11

उन में कोई यूनानी, यहूदी, खतना करो और बिना खतना करो, और न जंगल में रैबेवारो, स्कूती, न बन्धुआ मजूर, और न छूटो मान्स न्यारे नईंयां, कायसे यीशु मसीह सब के लाने आय और सबरन के हिये में रैत आंय।

- 2 थिस्सलुनीकियों 1:6

और जौ परमेसुर को न्याव आय, कि जौन तुम हां दुख देत आय, उन हां सोई दुख देबे।

- 1 पतरस 4:17

बा बेरा आ पोंची आय, कि पेंला परमेसुर के मान्सन कौ न्याय करो जाए, जब न्याय कौ शुरू हमई से हुईये, तो उनकौ का अन्त हुईये जौन परमेसुर के भले सन्देसे हां नईंर् मानत आंय।