- रोमियों 2:4 - Bundeli Holy Bible

⁴ का तें ऊ की किरपा, सहनशीलता, और धीरजरूपी मन हां नीचो समझत आय? और का जौ नईं जानत, कि परमेसुर की किरपा तोय हिया फिराबो सिखात आय।

- रोमियों 2:4 ပူးပေါင်းရင်းမြစ်များ

- योना 4:2

फिन ऊने यहोवा परमेसुर सें जा कहकें बिन्‍तवाई करी, “हे यहोवा परमेसुर जब मैं अपने देस में हतो, तब का मैं जाई बात नें कैत हतो? ऐई कारन तोरो हुकम सुनतईं तर्शीश हों भग जाबे के लाने फुरती करी; कायसे मैं जानत हतो कि तें दया करबेवारो और दयालु यहोवा परमेसुर आय और अबेर सें खुन्‍स करबेवारो, दया कौ सागर आय और दुख देबे सें खुस नईं होत, दुख दैबे की बेरा में अपनो हिया बदलबेवारो आय।

- रोमियों 10:12

यहूदियों और यूनानियों में कछु अन्तर नईंयां, ई लाने कि बो सब कौ पिरभु आय; और अपने सबरे नाओं लेबेवारन के लाने उदार आय।

- रोमियों 11:22

ई लाने परमेसुर की किरपा और कड़ाई हां तक! जौन गिर गए, उन पे कड़ाई, पर तो पे किरपा, जदि तें ऊ में बनो रै है तो भलो, नईं तो, तें सोई काट डालो जै है।

- रोमियों 11:33

आहा! परमेसुर कौ धन और समज बड़ी गैरी आय! ऊकौ सोचबो कि उनकी थाह न मिले, और ऊ की गैल कौ बयान नईं हो सकत।

- रोमियों 3:25

उए परमेसुर ने ऊके रकत के काजें एक ऐसो दाम ठैरा दओ, जौन बिसवास करबे से काम करत आय, कि जौन पाप पेंला करे गए, और परमेसुर ने सहनकर उन पे गौर नईं करो; उन के लाने बो अपनी धार्मिकता उजागर करे।

- रोमियों 6:1

सो हम का कैबें? का हम पाप करत रैबें, कि दया कुल्ल होबै?

- रोमियों 6:15

सो का भओ? का हम ई लाने पाप करें, कि हम नैम व्यवस्था के आधीन नईंयां पर दया के आधीन आंय? कभऊं नईं।

- दूसरी कुरिन्थियों 8:2

कै तंगी में से कड़ के उन हां बड़ो आनन्द मिलो, और गरीबी बढ़बे पे उन ने और खुल के दओ।

- इफिसियों 1:18

तुमाई आंखें खुलें कि तुम जानो, कि उनके देखे से तुम हां बड़ी आसा मिली आय, और उनके पवित्तर लोगन में ऊ की जायजाद को मान बड़ो आय।

- इफिसियों 1:7

हम हां उन में और उनके रकत में हमाए बुरे कामन की क्षिमा, उनके दया जैसे धन में से मिलो।

- इफिसियों 2:4

अकेले परमेसुर जौन बड़ी दया करत आय; और अपने प्रेम से जौन उन ने अपन से करो।

- इफिसियों 2:7

उनकी किरपा जौन मसीह यीशु में हम पै भई आय, आबेवारे दिना में अपनी दया को बड़े धन दिखाबे।

- इफिसियों 3:16

कि बे अपने जस से जो दान दैबे, कि तुम उनके आत्मा से अपने भीतरवारे मनुष्यत्व में बल पाकें मजबूत होत जाओ।

- इफिसियों 3:8

मो पै जौन सबरे परित्तर लोगन में सबसे लौरो आंव, जा दया भई, कि मैं अन्यजातियन हां मसीह में मिलबेवारे महा धन के बचन सुनाओं।

- फिलिप्पियों 4:19

मोरो परमेसुर तुमाई सबरी घटी हां अपने जस के धन से पिरभू यीशु मसीह के नाओं से पूरी कर है।

- कुलुस्सियों 1:27

परमेसुर ने ऐसो ई लाने करो, कायसे बे चाहत हते कि गैर इस्राएलियन उनके जसवारी बातन हां समझें, और यीशु मसीह अब उनके हिये में बसे आंय, और आंगे आबेवारी बातन की आस आय।

- कुलुस्सियों 2:2

कि उन के हिये में सान्ति होबे और बे सबरे प्रेम से जुड़े रैबें, बे सबरे जनें बहुतई आसीस पाहें, जौ जानके कि यीशु मसीह जिन में होकें परमेसुर परगट भए उन हां जान लेबें।

- 1 तीमुथियुस 1:16

मोपै प्रभु की दया ईसे भई, कि यीशु मसीह ने मोरे लाने धीरज धरो, कि जौन उनपै बिसवास करके हमेसा को जीवन पाबे, उनके लाने मैं जैसो पापी एक नमूना भओ।

- 1 तीमुथियुस 6:17

ई संसार के मालदारों को आदेस दे, कि बे घमण्डी न होबें और धन कौ लालच न करें, पर परमेसुर पर जो हमाए सुख के लाने सब कछु बिलात देत आय।

- 1 पतरस 3:20

जिन ने ऊ बीती बेरा में हुकम न मानो जब परमेसुर नूह के दिना में धीरज धर ठैरो रओ, और जहाज बन रओ हतो, जीमें बैठ के तनक जने, जाने कि आठ प्रानी पानू से बच गए।

- 2 पतरस 1:11

परन्त तुम हमाए पिरभु और तारन करबेवारे यीशु मसीह के सदा के राज में बड़े मान के संग्गै पहुंच हौ।

- 2 पतरस 3:15

हमाए पिरभु यीशु के धीरज हां तारन समजो, जैसो हमाए प्यारे भईया पौलुस ने सोई ऊ समज के अनसार जौन ऊ ए मिली आय, तुम हां लिखो आय।

- 2 पतरस 3:3

और पेंला तुम जौ जान लेओ, कि अखीर के दिना में ठट्ठा उड़ाबेवारे आ हैं, जौन अपनी अभलाखा के अनसार चल हैं।

- 2 पतरस 3:9

पिरभु अपने कौल के विषय में अबेर नईं करत, जैसो कि कितेक जनें समजत आंय; बो नईं चाहत कि कौनऊं मान्स नास होबे; परन्त जौ कि सबई हां हिया बदलबे कौ मौका मिले।

- यूहन्‍ना के दरसन कौ खुलासा 2:21

मैने ऊहां अपने पापन हां छोड़ के अच्छे काज करबे कौ मौका दओ, परन्त बा अपने बुरय कामन हां नईं छोड़त।

- यूहन्‍ना के दरसन कौ खुलासा 3:20

सुनो, मैं तुमाए मन के द्वारे पै ठाड़ो खटखटात आंव; अगर तुम मोरे टेरबे हां सुनो और मन के किवाड़ खोलो, तो मैं तुमाए मन में आहों और अपन दोई संग्गै खै हैं।