- रोमियों 2:1 - Bundeli Holy Bible

¹ सो अब हे लांछन लगाबेवारे, तें कोनऊ काय न होबै; तो लौ कछु उत्तर नईयां! कायसे जौन बात में तें दूसरन पे लांछन लगात आय, ओई बात में अपने हां भी दोषी ठहरात आय, कायसे जैसो लांछन तें लगात आय, तें सोई ऊंसई काम करत आय।

- रोमियों 2:1 ပူးပေါင်းရင်းမြစ်များ

- लूका 12:14

यीशु ने ऊसे कओ; हे मान्स, की ने मोय तुमाओ न्यायी या बटईया ठैराओ आय?

- लूका 19:22

मालक ने ऊसे कओ; हे दुष्ट चाकर, मैं तोरे ही मों से तोहां दोषी ठैराऊत आंव: तें मोय जानत हतो कि मैं कठोर मान्स आंव, जौन मैं ने नईं धरो ऊ ए उठा लेत आंव, और जौन मैं ने नईं बोओ, ऊ ए काटत आंव।

- लूका 6:37

लांछन न लगाओ; तो तुम पे सोई लांछन न लगाओ जै है: अपराधी न ठैराओ, तो तुम सोई अपराधी न ठैराए जै हौ: छिमा करो, तो तुम हां सोई छिमा करो जै है।

- रोमियों 14:22

तोरो जौ बिसवास होय, ऊ ए परमेसुर के सामूं अपने हिये में धर, धन्न तो बो आय, जौन ऊ बात में, जिए ऊ सई समजत होय, अपने आप हां दोसी नईं ठैराऊ त।

- रोमियों 2:2

और हम जानत आंय, कि ऐसे ऐसे काम करबेवारन पे परमेसुर कुदाऊं से सई सई दण्ड कौ हुकम होत आय।

- रोमियों 2:3

हे मान्स, तें जौन ऐसे काम करबेवारन पे लांछन लगात आय, और खुद बेई काम करत आय; का जौ समजत आय, कि तें परमेसुर के दण्ड से बरक जै है?

- रोमियों 3:9

तो फिन का भओ? का हम उन से साजे आंय? कभऊं नईं; कायसे हम यहूदियों और यूनानियों पे जौ लांछन लगा चुके आंय, कि बे दौनऊं पाप के बस में आंय।

- रोमियों 9:20

हे मान्स, भला तें को आय, जो परमेसुर कौ सामना करत आय? का बनाई भई बस्त बनाबेवारे से कै सकत आय कि तेंने मोय ऐसो काय बनाओ?

- पैली कुरिन्थियों 4:5

सो जब लौ पिरभु न आबै, बेरा से पेंला कोऊ बात कौ न्याय न करो: ओई तो अंधयारे की लुकी बातें उजारे में दिखा है, और हियों के सोचों हां उजागर कर है, तब परमेसुर कुदाऊं से सबरन की बड़वाई हुईये।

- पैली कुरिन्थियों 7:16

कायसे हे बईयर, का तोहां पता आय, कि तें अपने मुन्स कौ तरन तारन करा लै है? और हे भईया, तोहां पता आय, कि तें अपनी घरवारी कौ तरन तारन करा लै है?

- याकूब 2:20

हे बेसमज मान्स, का तें जौ सोई नईं जानत, कि करम बिना बिसवास अकारथ आय?

- याकूब 4:11

हे भईया हरौ, एक दूजे पे दोस न मढ़ो, जौन अपने भाईया की बदनामी करत आय, ऊ भाई पे दोष मढ़त आय, बो कानून धरम पे दोस लगात आय; और जदि तें कानून धरम पे दोस लगात आय, तो तें कानून धरम पे चलबेवारो नईंयां, पर ऊ पे हाकम ठैरो।