- रोमियों 16:18 - Bundeli Holy Bible

¹⁸ कायसे ऐसे मान्स हमाए पिरभु यीशु मसीह की नईं, पर अपने पेट की सेवा करत आंय; और चिकनी चुपड़ी बातन से सूदे सादे मन के मान्सन हां बहका देत आंय।

- रोमियों 16:18 ပူးပေါင်းရင်းမြစ်များ

- मत्ती 24:11

और बिलात लबरे आगमवकता हुईंयें, और बिलातन हां भरमा हैं।

- मत्ती 24:24

कायसे लबरे मसीह और लबरे आगमवकता उठ ठांड़े हुईयें, और बड़े चिन्ह, और अचम्भे के काम दिखा हैं, इते लौ कि अगर उन कौ बस चलो तो चुने भयन हां भरमा दें हैं।

- मत्ती 6:24

कोऊ मान्स दो मालकन की चाकरी नईं कर सकत, कायसे बो एक से बैर और दूसरे से प्रेम रख है, या एक से मिलो रै है और दूसरे हां नैचों जान है; “तुम परमेसुर और धन दोई की भक्ति नईं कर सकत”।

- मत्ती 7:15

लबरे आगमवकतन से चौकन्ने रहियो, जौन गाड़रन के भेष धरके तुमाए ऐंगर आत आंय, पर भीतरै से बे भूखे फाड़खाबे वारे बिगना आंय।

- यूहन्‍ना 12:26

जदि कोऊ मोरी सेवा करबो चाहे, तो मोरे पाछें चलै; और जिते मैं आंव, उते मोरो सेवक भी हुईये; अगर कोऊ मोरी सेवा कर है, तो बाप ऊ को मान कर है।

- रोमियों 14:18

और जो कोऊ मसीह की ई भांत सेवा करत आय, बो परमेसुर हां साजो लगत आय और मान्सन में सोई मानो जात आय।

- रोमियों 16:19

तुमाए हुकम मानबे की बात सबरे मान्सन में फैल गई आय, ई लाने मैं तुमाए बारे में खुसी मनात आंव; परन्त मैं जौ चाहत आंव, कि तुम भलाई के लाने समजदार, परन्त बुराई के लाने भोले बने रओ।

- दूसरी कुरिन्थियों 11:3

अकेले मोहां डर आय कि जैसे सरप ने होसियारी से हव्वा हां बिलोर दओ, ऊंसई तुमाओ मन को सीधोपन और साजोपन जौन मसीह के संग्गै होबो चईये कहूं बिगड़ न जाबै।

- दूसरी कुरिन्थियों 2:17

कायसे हम बिलात जनों जैसे नईंयां, जौन परमेसुर की बातन में कछु दूसरी बातें जोड़ देत आंय; अकेले हिये से, परमेसुर की बातें परमेसुर हां मानो सजीव देखत मसीह में कैत आंय।

- दूसरी कुरिन्थियों 4:2

और हम ने बुरय कामन हां छोड़ दओ आय, और बनके नईं चलत, और न परमेसुर के बचन में कछु मिलात आंय, अकेले सांची बातें उजागर करत आंय, और परमेसुर हां जानत भए सबरन के हिये पै अपनी बात बैठा देत आंय।

- गलतियों 1:10

अबै लौ मैं मान्सन हां खुस करत रओ होतो, तो मैं मसीह को दास नईं होतो।

- फिलिप्पियों 2:21

कायसे सबरे अपने भले की सोचत आंय, परन्त पिरभू यीशु मसीह की नईं सोचत।

- फिलिप्पियों 3:19

उन हां एक दिना खतम हो जाने आय, उनको पेट उन कौ ईसुर आय, और जिन बातन से सरम आओ चईये उनईं पै बे गरब करत आंय, उनको मन संसार की बस्तन पै लगो रैत आय।

- कुलुस्सियों 2:4

मैं जे बातें तुम हां ईसे कैत आंव, कि कोई मान्स तुम हां भटका न देबे।

- कुलुस्सियों 3:24

कायसे जौन पिरभू की सेवा तुम करत आव, बे तुम हां ईको इनाम सोई दै है।

- 2 थिस्सलुनीकियों 2:10

और सब परकार के अधरम के संग्गै सब तरहां की धोखाबाजी से हुईये; कायसे उन ने सांची बातन और प्रेम हां नई मानो कि उनको तरन तारन हो जातो।

- 1 तीमुथियुस 6:5

और उन मान्सन में बेकार के झगड़ा पैदा होत आंय, जिन की मती बिगड़ गई आय और बे सत्य से अलग हो गए आंय, जो समझत आंय कि भक्ति कमाई कौ दोरो आय।

- याकूब 1:1

परमेसुर और पिरभु यीशु मसीह के चाकर याकूब की कोद से उन बारहों कुलों हां, जौन फैल फुट होकें रैत आंय, नमस्कार पोंचे।

- 2 पतरस 2:3

बे लालच में आके लबरी बातें बना हैं और तुम हां अपने फायदा कौ कारन बना हैं, दण्ड़ कौ हुकम जो उन पे पेंला से हो चुको आय, और ऊके आबे में देर नईंयां, उन कौ नास झट्टई होबेवारो आय।

- यहूदा 1:1

चिठिया लिखी यहूदा ने जौन यीशु मसीह को सेवक और याकूब को भईया आय, उन हां जौन परमेसुर के प्यारे और पिरभु यीशु मसीह में बचाय गए और बुलाए गए आंय।

- यहूदा 1:12

जे तुमाई प्रेम सभा में तुमाए संग्गै खात पियत आंय, और जैसे समुन्दर में चट्टान दबी रैत आय, ऊंसई अपने पेट के लाने कमाई करबेवारे रखनवारे आंय; जौन मानो बिना जल के बादरे घांई आंय, जिन हां बैहर उड़ा देत; और पतझड़ में जैसो पेड़ो हो जात, जैसे मर गओ होबै, और बे ऐसे आंय जैसे जड़ से पट गए होबें।

- यहूदा 1:16

इनहां कोऊ बात में संतोस नईंयां, जे कुड़कुड़ात, और अपनी बुरई मन्सा से काम करत आंय; और बिलात बड़वाई की बातें करत आंय; और फायदे के लाने मों पै मान्सन की बड़वाई करत आंय।

- यूहन्‍ना के दरसन कौ खुलासा 1:1

यीशु मसीह का प्रकाशितवाक्य जौन उन हां परमेसुर ने ईसे दओ, कि अपने जन हां बे बातें, जौन जल्दी होबेबारी आंय, दिखाबें: और ऊ ने अपने सरगदूत हां पठै के अपने दास यूहन्ना हां बताओ।