- रोमियों 15:14 - Bundeli Holy Bible

¹⁴ हे मोरे भईया हरौ, मैं खुद तुमाए बारे में पक्के से जानत आंव, कि तुम सोई आप ही भलाई से भरे और पिरभु परमेसुर की समज से भरेपूरे आव और एक दूजे हां चिता सकत आव।

- रोमियों 15:14 ပူးပေါင်းရင်းမြစ်များ

- पैली कुरिन्थियों 1:5

कि तुम मसीह में होकें सबरी बातन में जाने कि सबरे बचनन के ज्ञान से भर गए आव।

- पैली कुरिन्थियों 12:8

कायसे एक हां आत्मा से समज की बातें दईं जात आंय; और दूजे हां ओई आत्मा से ज्ञान की बातें।

- पैली कुरिन्थियों 13:2

और जदि मैं अगमवानी कर सकों, और सब भेदों और ज्ञान को समजों, और मोय इते लौ पक्को बिसवास होबे, कि मैं पहारवन हां हटा देओं, परन्त प्रेम न धरों, तो मैं कछु लौ नईंयां।

- पैली कुरिन्थियों 8:1

अब मूरतों के सामूं बलि करी भई बस्तों के बारे में - हम जानत आंय, कि हम सबई हां ज्ञान आय: ज्ञान घमण्ड पैदा करत आय, परन्त प्रेम से बढ़ती होत आय।

- पैली कुरिन्थियों 8:10

कायसे जदि कोऊ तोय ज्ञानी हां मूरत के मन्दर में खात तके, और ऊ कमजोर मान्स होबै, तो का ऊ की समज में मूरत के सामूं बलि करी भई बस्त के खैबे की हिम्मत न हो जै है।

- पैली कुरिन्थियों 8:7

परन्त सबरन हां ऐसो ज्ञान नईंयां; परन्त कितेक जनें अब लौ मूरत हां कछु समजबे के कारण मूरतन के सामूं बलि करी गई कछु बस्त जानके खात आंय, और उन कौ हिया कमजोर होकें असुद्ध होत आय।

- दूसरी कुरिन्थियों 8:7

सो एक एक बातन में जैसे बिसवास, बचन, ज्ञान और सब कोसिस में, और प्रेम में, जौन हम से घटे होबें, ऊ में ब ढ़त जाओ, ऊं सई ई दान के काम में सोई आगे रओ।

- इफिसियों 5:9

(कायसे जोत कौ फल सब परकार की भलाई, और धार्मिकता, और सत्त आय)

- फिलिप्पियों 1:11

और उन बातन से जौन यीशु मसीह पै ध्यान धरे से मिलत आय, परमेसुर के नाओं के जस से बढ़त जाओ।

- फिलिप्पियों 1:7

मैं एैसई तुम सब के लाने सोचत आंव, कायसे तुम सबरे जनें मोरे हिये में बसे आव, और चाहे मैं इते जेहल में आंव और सुसमाचार हां प्रचारत आंव तुम सबरे जनें मोरे संग्गै ठांड़े आव।

- कुलुस्सियों 3:16

यीशु मसीह के बचन हां अपने हिये में बसा लेओ; और दूसरन हां पूरे ज्ञान से सिखाओ, और चिताओ, और परमेसुर हां धन्न मानो, और अपने से परमेसुर के भजन गाओ और उन हां धन्न कहो।

- 1 थिस्सलुनीकियों 5:11

सो एक दूजे हां उसकाओ, और एक दूजे हां बिसवास में पक्को करो, और तुम ऐसई करत सोई आव।

- 1 थिस्सलुनीकियों 5:14

भईया हरौ, हम बताएं कि जौन की चाल ठीक नईंयां उन हां समझाओ, और जौन पाछें आंय उन हां बढ़ाओ, और सबरन की सहो।

- 2 थिस्सलुनीकियों 1:11

सो हम लग के तुमाए काजें बिन्तवारी करत आंय, कि हमाओ परमेसुर तुम हां ई बुलऊ आ के लाक माने, और अपने बल से अपनी काम करबे की भली इच्छा, और बिसवास के कामन से पूरो करे।

- 2 तीमुथियुस 1:5

मोहां याद आत आय, कि तोरी नानी लोइस, और तोरी मताई योनीके अपने बिसवास में पक्के हते, और मोहां पता आय, कि तें सोई उन जैसो आय।

- फिलेमोन 1:21

तें मोरी बात मानत आय, ऐसो जानके और तो पै भरोसा धरके, मैंने जौ लिखो आय मोहां पता आय, कि तें मोरे कहे से बढ़के कर है।

- इब्रानियों 5:12

अबै लौ तो तुम हां सिखाबेवारो होने हतो, परन्त ऐसो लगत आय, कि तुम हां बे बातें जौन पेंला बताईं हतीं फिन के बताबें? तुम अबै लौ दूध पीबो चाहत आव, तुम हां तो अबै रोटी खैबेवारो हो जाने हतो।

- इब्रानियों 6:9

भईया हरौ, हम ऐसो कैत तो आंय परन्त हमाओ सोच आय, कि तुम उनके जैसे काज करत आव जीको तरन तारन हो गओ आय।

- 2 पतरस 1:12

तुम जे बातें जानत आव, और जौन सांचो बचन तुम हां मिलो आय, ऊ में बने रैत आव, फिन भी मैं तुम हां उन बातन की सुध दिलाबे हां सदा तईयार रै हों।

- 1 यूहन्‍ना 2:21

मैंने जे बातें तुम हां जौ सोच के नईं लिखीं, कि तुम उन हां नईं चीनत, परन्त ईसे लिखो, कि सांचे परमेसुर से लाबरी झूठी बातें नईं कड़तीं।