- रोमियों 14:18 - Bundeli Holy Bible

¹⁸ और जो कोऊ मसीह की ई भांत सेवा करत आय, बो परमेसुर हां साजो लगत आय और मान्सन में सोई मानो जात आय।

- रोमियों 14:18 ပူးပေါင်းရင်းမြစ်များ

- उत्पत्ति 4:7

जदि तें भलो करे, तौ का तें स्‍वीकार नें करो जैहै? और जदि तें भलो नें करे, तौ पाप दोरे पै दुबको बैठो आय; और ऊ तोरी लालसा करत आय, परन्त तोहों ऊपै राज करने आय।”

- मरकुस 13:34

जा ऊ मान्स कैसी दसा आय, जौन परदेस जाबे की बेरा अपनौ घर छोड़ जाबै, और अपने सेवकन हां हक्क दे देबे; और हर एक हां ऊकौ काम सौंप देबे, और पहरेदार हां जागत रैबे कौ हुकम देबे।

- यूहन्‍ना 12:26

जदि कोऊ मोरी सेवा करबो चाहे, तो मोरे पाछें चलै; और जिते मैं आंव, उते मोरो सेवक भी हुईये; अगर कोऊ मोरी सेवा कर है, तो बाप ऊ को मान कर है।

- प्रेरितन के काम 10:35

जाने कै हर जाति में जौन ऊसे डरत और धरम के काम करत आय, बो ऊ ए साजो लगत आय।

- रोमियों 12:11

जतन करबे में बिलकुल आलस न करो; आत्मिक जोस से भरे रओ; पिरभु की सेवा करत रओ।

- रोमियों 14:4

तें को आय कि दूसरे के चाकर पे लांछन लगात आय? ऊकौ पक्को रैबो या गिर जाबो ऊके मालक से जुड़ो आय, और बो पक्को कर ही दओ जै है; कायसे पिरभु ऊ ए पक्को राख सकत आय।

- रोमियों 16:18

कायसे ऐसे मान्स हमाए पिरभु यीशु मसीह की नईं, पर अपने पेट की सेवा करत आंय; और चिकनी चुपड़ी बातन से सूदे सादे मन के मान्सन हां बहका देत आंय।

- रोमियों 6:22

कायसे ऊकौ दूसरो छोर तो मौत आय, परन्त अब पाप से स्वतन्त्र होकें और परमेसुर के चाकर बन के तुम हां फल मिलो जीसे पवित्रता मिलत आय, और ऊके दूसरे छोर पै अनन्त जीवन आय।

- पैली कुरिन्थियों 7:22

कायसे जौन चाकर जैसो पिरभु में बुलाओ गओ आय, बो पिरभु लौ छोड़ो भओ आय: और ऊं सई जौन छूटे जैसो बुलाओ गओ आय, बो मसीह कौ चाकर आय।

- दूसरी कुरिन्थियों 4:2

और हम ने बुरय कामन हां छोड़ दओ आय, और बनके नईं चलत, और न परमेसुर के बचन में कछु मिलात आंय, अकेले सांची बातें उजागर करत आंय, और परमेसुर हां जानत भए सबरन के हिये पै अपनी बात बैठा देत आंय।

- दूसरी कुरिन्थियों 5:11

सो पिरभू से डराके हम सबरन हां समझात आंय, कायसे हमाओ सबरो हाल परमेसुर हां पता आय; हमें ऐसी आस आय, कि हमाए हिये हां सोई पता आय।

- दूसरी कुरिन्थियों 5:9

ईसे हमाए हिये की मनसा जा आय, कि चाए संग्गै रएं और चाए न्यारे रैबें, पिरभू हां अच्छे लगें।

- दूसरी कुरिन्थियों 6:4

अकेले एक एक बात में परमेसुर के चाकर जैसो अपनो अच्छो जीवन जीयत आंय, बड़े धीरज से, पिराते में, कंगाली में, परेसानी में।

- दूसरी कुरिन्थियों 8:21

कायसे जौन बातें पिरभू लौ नईं, अकेले सबरन लौ अच्छी लगत आंय हम उनईं के लाने सोचत आंय।

- फिलिप्पियों 4:18

मोरे लौ सब कछु आय, और बिलात सोई आय: जौन बस्तें तुम ने इपफ्रुदीतुस के हाथन पठैई हतीं बे मोहां बहुतई साजी लगीं, बे मानो ऊ बली जैसे आय, जी की गन्ध और बलदान से परमेसुर खुस होत आय।

- फिलिप्पियों 4:8

सो भईया हरौ, जौन बातें सांची आंय, और जौन साजी आंय, जौन पवित्तर और अच्छी आंय, और मन हां भाती आंय, सो जौन बातें कहबे लाक होबें, उनईं पै ध्यान धरो।

- कुलुस्सियों 3:24

कायसे जौन पिरभू की सेवा तुम करत आव, बे तुम हां ईको इनाम सोई दै है।

- 1 तीमुथियुस 2:3

ऐसो जीवन हमाए तरन तारक करबेवारे परमेसुर हां साजो लगत, और उन हां भात आय।

- 1 तीमुथियुस 5:4

और कोऊ बिधवा बईयर के लड़कावारे और नाती नता होबें, तो बे पेंला अपने घरवारन मैं अच्छे से रैबें, और अपने मताई बाप हां उनको जौन हक्क होबे बो देओ।

- 1 पतरस 2:12

दूसरी जातन में तुमाओ चाल चलन सई रैबे; ई लाने कि जौन जौन बातन में बे तुम हां बुरए काम करबेवारो जान के बदनाम करत हते, बे तुमाए साजे कामन हां तक के; उनईं के काजें, दया किरपा के दिना परमेसुर की मईमां करें।

- 1 पतरस 2:20

कायसे जदि तुम ने अधरम करके घूंसे खाए और गम्म खाई, तो ईमें का बड़वाई की बात आय? परन्त जदि साजो काम कर के पीड़ा झेलत आव और धीरज धरत आव, तो जौ परमेसुर हां साजो लगत है।

- 1 पतरस 2:5

तुम सोई खुद जीयत पथरन की घांई आत्मिक घर बनत जात आव, जीसे याजकन कौ पवित्तर समाज बन के, ऐसे आत्मिक बलदान चढ़ाओ, जौन यीशु मसीह के परमेसुर हां भले लगत आय।

- 1 पतरस 3:16

और अपनी समज सोई सुद्ध राखो, ई लाने कि जिन बातन के बारे में तुमाई बदनामी होत आय, उन के बारे में बे जौन तुमाए मसीही साजे चाल चलन कौ अपमान करत आंय लज्जित होबें।