- रोमियों 13:12 - Bundeli Holy Bible

¹² रात कुल्ल बीत गई आय, और भुन्सारो होबे हां आय; ई लाने हम अंधयारे के कामन हां छोड़ के जोत के हथियार बांध लेबें।

- रोमियों 13:12 ပူးပေါင်းရင်းမြစ်များ

- रोमियों 13:14

परन्त पिरभु यीशु मसीह की लीक पै चलो, और देयां की अभलाखा हां पूरो करबे कौ जतन न करो।

- पैली कुरिन्थियों 10:11

परन्त जे सबरी बातें, जौन उन ने भोगी, कनौत घांई जैसी आंय, और बे हम हां चिताबे के लाने जौन संसार के नास होबे की बेरा में रैत आंय, लिखी गईं।

- पैली कुरिन्थियों 7:29

हे भईया हरौ, मैं जौ कैत आंव, कि बेरा हां घटा दओ गओ आय, ई लाने चईये कि जिन की घरवारी होबे, बे ऐसे होबें मानो कि उन की घरवारी नईंयां।

- दूसरी कुरिन्थियों 10:4

कायसे हमाई लड़ाई के हथयार सारीरिक नईंयां, अकेले गढ़ी गिरा देबेवारे परमेसुर के बल से भरे आंय।

- दूसरी कुरिन्थियों 6:7

सांचे प्रेम से, सांचे बोल से, परमेसुर के बल से; धरम के हथियारन से जौन दांए, बांए हैं।

- इफिसियों 4:22

कि तुम पेंला की बातन हां जौन पुरानो मान्स जौन धोखा भरी बातें करत आय, ऊहां उतार डालो।

- इफिसियों 5:11

और अंधयारे में जौन बेकार काम होत आंय साथ न दो, अकेले कओ कि जे अच्छे नईंयां।

- इफिसियों 5:8

कायसे तुम पेंला अंधियारे में हते अकेले अब पिरभु में जोत आव, सो उजयारे वारन जैसो चलो।

- इब्रानियों 10:25

कई मान्स एक संग्गै जुड़के आराधना नईं करत ऐसो अच्छो नईंयां, एक दूजे हां अच्छी सला देओ; पिरभू को आबो जल्दी होने आय, सो उनईं एक दूजे के संग्गै जुड़त रओ।

- इब्रानियों 12:1

ई लाने जब इतने सबरे जनों की गवाह हम जानत आंय, तो अब सबरी रोकबेवारी बस्तन और उलझाबेवारे पाप और बुरई बातन हां छोड़ के, जैसी दौड़ हम हां दौड़ने आय ऊहां संभल के दौड़ें।

- याकूब 1:21

ई लाने सबरी गन्दगी और सबरी दुष्टता दूर कर के, ऊ बचन हां दीनता से अपना लेओ, जौन हिये में बोओ गओ और जौन तुमाए प्रानन कौ तारन कर सकत आय।

- याकूब 5:8

तुम सोई धीरज धरो, और अपने हिये हां पक्को करो, कायसे पिरभु के आबे कौ दिना बस ऐंगर आय।

- 1 पतरस 2:1

ई लाने सब भांत कौ बैरभाव और छल और कपट और जरुआपन और बदनामी हां अलग कर के।

- 1 पतरस 4:7

सबरी बातन को अखीर तुरतईं होबेवारो आय; ई लाने संयमी होकें बिन्तवाई के लाने हुसयार रओ।

- 2 पतरस 3:11

जब जे सबई बस्तें, ई भांत से नास होबेवारी आंय, तो तुम हां पवित्तर चालचलन और भक्ती में कैसो जीवन गुजारो चईये।

- 2 पतरस 3:9

पिरभु अपने कौल के विषय में अबेर नईं करत, जैसो कि कितेक जनें समजत आंय; बो नईं चाहत कि कौनऊं मान्स नास होबे; परन्त जौ कि सबई हां हिया बदलबे कौ मौका मिले।

- 1 यूहन्‍ना 2:18

हे लड़कावारे, सुनो जा आखरी बेरा आय, जैसो तुम ने सुनो आय, यीशु मसीह को बिरोधी आबेवारो आय, ऐसो लगत आय कि उनके बिरोधी अबै भी ठांड़े हो रय आंय; ऐई से पता लगत आय, कि जे आखरी दिना आंय।

- यूहन्‍ना के दरसन कौ खुलासा 1:3

ऊ मान्स धन्न आय जो इन अगमवानी की बातन हां पढ़त आय, और जौन सुनत और इन में लिखी बातन हां मानत आंय, कायसे अब बेरा बिलात जल्दी आबेवारी आय।

- यूहन्‍ना के दरसन कौ खुलासा 22:10

फिन ऊ मोय से बोलो, ई पोथी में लिखी आवेवारी बातन हां बन्द न कर; कायसे जे बातें झट्टई होबेवारी आंय।