- रोमियों 13:11 - Bundeli Holy Bible

¹¹ और ई बेरा हां पैचान के ऐंसोई करो, ई लाने कि अब तुमाए लाने सोत से जाग जाबे की बेरा आ पोंची आय, कायसे जौन बेरा हम ने बिसवास करो हतो, ऊ बेरा के हिसाब से अब हमाओ उद्धार एकदम ऐंगर आय।

- रोमियों 13:11 ပူးပေါင်းရင်းမြစ်များ

- योना 1:6

तब मांझी ने ऊके लिगां आकें कई, “तें इतै गैरी नींद में पड़ो का कर रओ आय? उठ, अपने देवता हों पुकार! हो सकत आय कि तुमाओ देवता हमाई फिकर करै, और हमाओ नास नें होबै।”

- मत्ती 16:3

और भुनसारे कहत आव कि आज आंधी आ है कायसे आकाश लाल और धुमला आय; तुम आकास के गुन हां तो चीनत आव, पर समयों के चिन्ह हां नईं बता सकत?

- लूका 21:28

जब जे बातें होन लगें, तो सूदे हो अपने मूड़ ऊपरे करियो; कायसे तुमाओ छुटकारो ऐंगर हुईये।

- पैली कुरिन्थियों 10:11

परन्त जे सबरी बातें, जौन उन ने भोगी, कनौत घांई जैसी आंय, और बे हम हां चिताबे के लाने जौन संसार के नास होबे की बेरा में रैत आंय, लिखी गईं।

- पैली कुरिन्थियों 15:34

धरम के लाने जाग उठो और पाप न करो; कायसे कि कितेक ऐसे आंय जौन परमेसुर को नईं जानत, मैं तुम हां लजाबे हां जौ कैत आंव।

- इफिसियों 5:14

ईसे बे कैत आंय, कि सोबेवारे जागो और मरे भय में से जी उठौ; तो मसीह की जोत तुम पै चमक है।

- याकूब 5:8

तुम सोई धीरज धरो, और अपने हिये हां पक्को करो, कायसे पिरभु के आबे कौ दिना बस ऐंगर आय।

- 1 पतरस 4:7

सबरी बातन को अखीर तुरतईं होबेवारो आय; ई लाने संयमी होकें बिन्तवाई के लाने हुसयार रओ।

- 2 पतरस 3:11

जब जे सबई बस्तें, ई भांत से नास होबेवारी आंय, तो तुम हां पवित्तर चालचलन और भक्ती में कैसो जीवन गुजारो चईये।

- 2 पतरस 3:9

पिरभु अपने कौल के विषय में अबेर नईं करत, जैसो कि कितेक जनें समजत आंय; बो नईं चाहत कि कौनऊं मान्स नास होबे; परन्त जौ कि सबई हां हिया बदलबे कौ मौका मिले।

- 1 यूहन्‍ना 2:18

हे लड़कावारे, सुनो जा आखरी बेरा आय, जैसो तुम ने सुनो आय, यीशु मसीह को बिरोधी आबेवारो आय, ऐसो लगत आय कि उनके बिरोधी अबै भी ठांड़े हो रय आंय; ऐई से पता लगत आय, कि जे आखरी दिना आंय।

- यूहन्‍ना के दरसन कौ खुलासा 1:3

ऊ मान्स धन्न आय जो इन अगमवानी की बातन हां पढ़त आय, और जौन सुनत और इन में लिखी बातन हां मानत आंय, कायसे अब बेरा बिलात जल्दी आबेवारी आय।

- यूहन्‍ना के दरसन कौ खुलासा 22:10

फिन ऊ मोय से बोलो, ई पोथी में लिखी आवेवारी बातन हां बन्द न कर; कायसे जे बातें झट्टई होबेवारी आंय।

- यूहन्‍ना के दरसन कौ खुलासा 22:12

हेरो, मैं झट्टई आवेवारो आंव; और एक एक जन के काम कौ इनाम मैं उन हां दै हों।

- यूहन्‍ना के दरसन कौ खुलासा 22:20

जो इन बातन की गवाह देत आय, बो ऐसो कैत आय, हओ, मैं जल्दी आबेवारो आंव। आमीन। हे पिरभू यीशु आओ।