- रोमियों 12:7 - Bundeli Holy Bible

⁷ जदि सेवा खुसामद करबे कौ दान मिलो होबै, तो सेवा में लगो रैबे, जदि कोई सिखाबेवारो होबै, तो सिखाबे में लगो रैबे।

- रोमियों 12:7 ပူးပေါင်းရင်းမြစ်များ

- मत्ती 28:19

ई लाने जाओ और सब जातन के लोगन हां चेला बनाओ, और उन हां बाप, पूत और पवित्रआत्मा के नाओं से बपतिस्मा देओ।

- यूहन्‍ना 3:2

ऊ ने रात में यीशु के ऐंगर आके कई, हे गुरू, हम जानत आंय, कि तें परमेसुर की कोद से आओ भओ गुरू आय; कायसे इन चिन्ह हां जौन तें दिखात आय, कोऊ नईं दरसा सकत, जब लौ परमेसुर ऊके संग्गै नईं होबै।

- प्रेरितन के काम 13:1

अन्ताकिया की मडण्ली में कछु आगमवक्ता और गुरू हते; जैसे बरनाबास और शमौन जो नीगर कहात आय; लूकियुस कुरेनी, और देस की चौथाई के राजा हेरोदेस कौ दूधभाई मनाहेम और शाऊ ल।

- प्रेरितन के काम 20:20

और मैं कैसे तुमाए लाभ के लाने कोई भी बात बताबे से नईं झिझको, और सबई के सामूं और घरै घरै जाके तुम हां सन्देसो देत रओ।

- प्रेरितन के काम 20:28

ई लाने अपनी और अपने सबरे गुट की रखनवारी करो; जीके बीच पवित्र आत्मा ने तुमहां मुखिया ठहराओ आय; की तुम परमेसुर की मण्डली की रखनवारी करो, जीहां ऊ ने अपने खून से मोल लओ आय।

- प्रेरितन के काम 6:1

उन दिना में जब चेलन की गिनती कुल्ल बढ़न लगी, तब यूनानी भाषा बोलबेवारे इब्रानी भाषा बोलबेवारन पे कुड़कुड़ऊन लगे, कि रोज रोज की सेवकाई में हमाई बिधवाओं की सुधि नईं लई जात।

- पैली कुरिन्थियों 12:28

और परमेसुर ने मण्डली में अलग अलग मान्स राखे आंय; पेंला प्रेरित, दूजे अगमवकता, फिन गुरूजन, फिन अचरज के काम करबेवारे, फिन साजो करबेवारे, और भलाई करबेवारे, और मुखिया, और बिलात भांत की भाषा बोलबेवारे।

- पैली कुरिन्थियों 12:5

और सेवा खुसामद सोई कुल्ल भांत की आंय, परन्त पिरभु एकई आय।

- पैली कुरिन्थियों 14:26

ई लाने हे भईया हरौ का करो चईये? जब तुम सब जुड़त आव, तो हर एक में भजन, उपदेस या दूसरी भाषा या जोत, या दूसरी भाषा कौ मतलब बताबो रैत आय: सबई कछु आत्मिक बढ़ती के लाने होबो चईये।

- गलतियों 6:6

जौन धरम पोथी की बातें सीखत आय, बो सब नोंनी बातन में सिखाबेवारे हां सोई जोड़े।

- इफिसियों 4:11

उन ने कित्तई हां प्रेरित बनाओ, और कित्तई हां अगमवकता, और कित्तई हां बचन सुनाबेवारे, और कित्तई हां रखनवारी करबेवारे और कक्षा लैबेवारे बना दए।

- कुलुस्सियों 4:17

और अर्खिप्पुस से कईयो कि जौन काज में तें लगो आय, बो पिरभू को आय ऊहां बड़ी सोच समझ से करियो।

- 1 तीमुथियुस 2:7

मैं सांची कैत आंव, ईमें तनकई झूठ नईयां, कि मैं ऐई के लाने परचारक और प्रेरित बनो, कि यहूदीयन हां छोड़ दूसरी जात वारन के बीच जाई सांची बात बताबेवारो होओं।

- 1 तीमुथियुस 3:2

सो मुखिया बिन दोसवारो एकई बईयर को मुन्स, संयमी, अपने हां बस में रखबेवारो, सीधो, अच्छो, पहुनाई करबेवारो, और सिखाबे में अच्छो होबै।

- 1 तीमुथियुस 4:16

इन बातन में पक्को बनो रै, कायसे ऐसो करबे से तें अपने, और जौन तोरी बातन हां सुनत आय उनको तरन तारन हुईये।

- 1 तीमुथियुस 5:17

जौन मुखिया अच्छे से काम करत, और परमेसुर की बातें दूसरन हां बतात आंय और मेनत से सिखात आंय, उन हां दुगनो मान मिल है।

- 2 तीमुथियुस 2:2

जौन बातें तेंने बिलात जनन के सामूं मोय से सुनी आंय, उन हां दूसरे बिसवास करबेवारन हां सुना दे; जौन औरन हां बेई बातें सिखाबें।

- 2 तीमुथियुस 2:24

प्रभु के दास हां झगड़ा करबेवारो नईं भओ चईये, परन्त सबरन के संग्गै मीठो बोलबेवारो, और सबरी बातन में होसयार और दूसरन की बात सैबेवारो होबै।

- 2 तीमुथियुस 4:2

कि तें बचन के परचार के लाने तईयार रै; और सबरी बातन में धीरज से सै, और मान्सन हां सिखा और दपट और समझा दे।