- रोमियों 12:3 - Bundeli Holy Bible

³ कायसे मैं ऊ दया किरपा के काजें जौन मोय पै भई आय, तुम सबरन से कैत आंव, कि जैसो समजो चईये, ऊसे बढ़ के कोई अपने हां न समजे परन्त जैसो परमेसुर ने सबई हां योग्यता अनसार बिसवास दओ आय, ऊंसई सई सोच बिचार के संग्गै अपने हां समजे।

- रोमियों 12:3 ပူးပေါင်းရင်းမြစ်များ

- लूका 18:11

फरीसी ठांड़ो होकें अपने हिये में जौ बिन्तवाई करन लगो, कि हे परमेसुर मैं तोरो धन्नवाद करत आंव, कि मैं और मान्सन घांई अन्धेर करबेवारो, अन्यायी और परत्रिया भोगी नईंयां, और न ई चुंगी लेबेवारे के घांई आंव।

- यूहन्‍ना 3:34

कायसे जीहां परमेसुर ने पठैव आय, बो परमेसुर की बातें करत आय, कायसे बो बिना भेदभाव के ऊहां आत्मा देत आय।

- रोमियों 1:5

ओई से हम हां दया और भले सन्देस प्रचार करबे मिलो; कि ऊके नाओं से सबरी जातन के मान्स बिसवास कर के ऊ की मानें।

- रोमियों 11:20

सई आय, बे तो बिसवास न करबे के काजें कतरी गईं, पर तें बिसवास में बनो रैत आय, सो घमण्ड न कर पर डर के रै।

- रोमियों 11:25

हे भईया हरौ, कऊं ऐसो न होबै, कि तुम अपने आप हां समजदार मान लेओ; ई लाने मैं नईं चाहत कि तुम ई भेद से अनजान रओ, कि जब लौ दूसरी जातवारन कौ अंधबिसवास न मिट जाबै, तब लौ इस्राएल कौ एक भाग ऐंसई कठोर रै है।

- रोमियों 12:16

आपस में एक सो मन धरो; अभिमानी न बनो; परन्त दीनों के संग्गै मेल जोल धरो; अपने लेखे बड़वाई न करो।

- पैली कुरिन्थियों 15:10

परन्त मैं जो कछु आंव, परमेसुर की दया से आंव: और उनकी जौन दया मो पे भई आय, बा अकारथ नईं गई; परन्त मैंने उन सबरन से बढ़के मैनत सोई करी: जानो कि जौ मोरी कुदाऊं से नईं भओ परन्त परमेसुर की दया से जौन मो पे हती।

- पैली कुरिन्थियों 3:10

परमेसुर की ऊ किरपा से, जौन मो पे भई, मैंने एक साजे कारीगर घांई नीं डाली आय, और दूसरो जनो चुनाई करत आय; परन्त हर एक मान्स हुंसयार रैबै, कि बो ऊ पे कैसी चुनाई करत आय।

- पैली कुरिन्थियों 7:17

परन्त जैसो पिरभु ने एक एक हां बांटो आय, और जैसो पिरभू ने एक एक को बुलाओ आय; ऊंसई बो चले: और मैं सबरी मंडलियन में ऐसई हुकम देत आंव।

- दूसरी कुरिन्थियों 10:13

हम हद्द से बढ़ के अपनी बड़वाई न कर हैं, केवल उतै लौ जिते लौ परमेसुर ने हमें कहो आय; ओई में तुम सोई आ गए आव सो ओई जैसी बड़बाई कर हैं।

- दूसरी कुरिन्थियों 12:13

तुम कौन सी बात में दूसरी मंडलियन से कम हते, कि मैंने तुम पे अपनो बुझवा नईं डालो: मोरो जौ अन्याय छिमा करो।

- दूसरी कुरिन्थियों 12:7

और ऐसो न होबे कि जौन जोत मैंने पाई बिलात होबे से मैं फूल जाओं, मोरी देह में एक कांटा लगाओ गओ, कि शैतान छलिया को एक दूत मोहां घूंसा मारै कि मैं फूल न जाओं।

- गलतियों 6:3

कायसे कोऊ कछु न होबे पै अपने हां कछु सोचे, तो अपने हां धोखा देत आय।

- इफिसियों 3:2

और तुम ने परमेसुर की दया कैसे मिलै ईकी बात सुनी होबै, जौन तुमाए काजें मोहां मिलो आय।

- इफिसियों 3:4

जीहां बांच के तुम हां पता चल जै है, कि मैं मसीह को ऊ भेद किते लौ समझत आंव।

- इफिसियों 4:16

जीसे पूरो सरीर एक एक जोड़ से मिलके, और गसके ऊ तौर पै जाने सबरे जनों हां अलग अलग होत आय, अपने में बढ़त जात आय, कि बो प्रेम में बढ़त चली जाबै।

- फिलिप्पियों 2:13

कायसे परमेसुर जौन तुमाए मन से और इच्छा हां तुमाए जीवन में पूरो करके अपनी जय करो चाहत आय।

- कुलुस्सियों 1:29

ऐई से मैं बहुतई मैनत करत आंव जौन मोहां उनसे मिलत आय।

- कुलुस्सियों 2:13

उन ने तुम हां जौन अपने पापन में मरे जैसे हते, और परमेसुर की सन्तान न हते परन्त परमेसुर ने यीशु मसीह के संग्गै जिला दओ, और तुमाए सबरे पापन की क्षिमा कर दई।

- 1 तीमुथियुस 1:14

और मोपै प्रभु यीशु मसीह की कृपा, उनपै बिसवास करबे से उन के प्रेम से बिलात भई।

- 1 तीमुथियुस 2:15

परन्त बईयर बच्चा पैदा करबे से अपनी जांगा फिन के पाहें, सो उन हां ठीक ठाक रैबो चईये और बिसवास, और प्रेम करबे, और पवित्तर बनो रओ चईये।

- 1 तीमुथियुस 2:9

ऊंसई बईयरें अच्छे और साजे उन्ना पैरें, और अपने बाल न गूंथो, और सुन्ने, और मोतीयन, और मांगे भड़कीले उन्ना से नईं सजें परन्त अच्छे काम करबेवारी होबें।

- तीतुस 2:12

बे हम हां चितात आंय, कि हम अधरम और संसार की लुभाबेवारी बातन से चित्त फेर के ई जुग में अपने हां बस में राख के धरम करम से चलबें।

- तीतुस 2:2

सियाने जनें समझदार रएं, और उनको धरो भओ बिसवास प्रेम और सैबे कौ मन होबै।

- तीतुस 2:4

कि बे हल्की बईयरन हां कैबें, कि अपने मुन्स और लरका बारन से प्रेम राखो।

- तीतुस 2:6

ऐसई जुआन मान्सन हां सोई समझाओ, कि ठीक ठाक रैबें।

- याकूब 4:6

बो तो औरऊ दया करत आय; ऐई काजें ऐसो लिखो आय, कि परमेसुर घमंडियों से बिरोद करत आय, पर दीनों पे दया करत आय।

- 1 पतरस 1:13

ई काजें अपनी अपनी बुद्धि की करयाई कस के, और हुसयार रैके ऊ किरिया की पूरी आसा राखो, जौन पिरभु यीशु के उजागर होबे की बेरा तुम हां मिलबेवारो आय।

- 1 पतरस 4:11

जदि कोऊ बोले, तो ऐसो बोले, कि मानो परमेसुर कौ बचन आय; जदि कोऊ सेवा करे, तो बो ऊ बल से करे जौन परमेसुर देत आय; जीसे सबरी बातन में यीशु मसीह के द्वारा परमेसुर की मईमा उजागर होबै मईमा और सबरी बल सकती जुग जुग ओई की आय। आमीन।

- 1 पतरस 4:7

सबरी बातन को अखीर तुरतईं होबेवारो आय; ई लाने संयमी होकें बिन्तवाई के लाने हुसयार रओ।

- 1 पतरस 5:5

हे नए जवानो, तुम सोई धार्मिक बूढ़ों के नेंचें रओ तुम सबरे एक दूजे के लाने दीन और नरम बनो, कायसे परमेसुर घमंडियों कौ सामनो करत आय, परन्त बो दीनो पे दया करत आय।

- 1 पतरस 5:8

हुसयार रओ, और जागत रओ, कायसे तुमाओ बिरोधी शैतान, गरजबे वाले नाहर घांई ई ताक में रैत आय, कि कीहां फाड़ खाबै।

- 3 यूहन्‍ना 1:9

दियुत्रिफेस जौन बड़ो बनत आय, हमाई कई नईं करत।