- रोमियों 12:13 - Bundeli Holy Bible

¹³ पवित्तर मान्सन हां जौन कछु घटी होबे, ऊ में उन की सहायता करो; पहुनाई करबे में लगे रओ।

- रोमियों 12:13 ပူးပေါင်းရင်းမြစ်များ

- मत्ती 25:35

कायसे मैं भूखो हतो, और तुम ने मोय खैबे हां दओ; मैं पियासो हतो, और तुम ने मोय पानू पिलाओ, मैं परदेसी हतो और तुम ने मोय अपने घरै ठहराओ।

- प्रेरितन के काम 10:4

ऊ ने ऊहां ऐन जोर लगा के तको; और डर के कओ; हे पिरभु का आय? ऊ ने कओ, तोरी बिन्तवाई और दान सुमरण के लाने परमेसुर के आंगू पोंचे आंय।

- प्रेरितन के काम 4:35

और जैसी जीहां जरूरत होत हती, ऊके अनसार हर एक हां बांट दओ जात हतो।

- रोमियों 12:8

यदि कोई बचन कौ परचारक होबै, तो बचन परचार में लगो रैबे; दान देबेवारो मुठी खोल के देबे, जौन अगुवाई करे, बो जोस से करे, जौन दया करे, बो खुसी से करे।

- पैली कुरिन्थियों 16:15

हे भईया हरौ, तुम स्तिफनास के घरवारन हां जानत आव, कि बे अखया में सबसे पेंला बिसवास लाए हते, और पवित्तर जनों की सेवा खुसामद हां तईयार रैत आंय।

- दूसरी कुरिन्थियों 9:1

अब ऊ सेवा जौन पवित्तर लोगन के काजें होत आय, मोय तुम हां जौ लिखो नईं चईये।

- दूसरी कुरिन्थियों 9:12

कायसे ई काज हां पूरो करबे से, पवित्तर लोगन की घटी पूरी हुईये, और मान्स परमेसुर को जस मानत आय।

- गलतियों 6:10

ईसे जां तक मौका मिलै हम सबरन के संग्गै भलो करें, मानके भईयन के संग्गै।

- 1 तीमुथियुस 3:2

सो मुखिया बिन दोसवारो एकई बईयर को मुन्स, संयमी, अपने हां बस में रखबेवारो, सीधो, अच्छो, पहुनाई करबेवारो, और सिखाबे में अच्छो होबै।

- 1 तीमुथियुस 5:10

और साजो काम करबेवारी रई होबै, जीने अपने लरका वारन हां ठीक से पालो होबै; पाहुरन की सेवा खुसामद करी होबै, पपित्तर जनन के गोड़े धोय होबें, और दुखियन की मदद करी होबै, और अच्छे कामन में मन से लगी रई होबै।

- तीतुस 1:8

बो पहुनाई करबेवारो, और दूसरन कौ भलो करबेवारो, अपने बस में रैबेवारो, न्याय करबेवारो, पवित्तर और अपनी इन्द्रियन हां बस में रखबेवारो होबै।

- तीतुस 3:14

हमाए जनें हां सोई जौन बस्त चाने होबै ऊहां दैबे में पाछें न रैबें।

- फिलेमोन 1:7

कायसे भईया, तोरो प्रेम जो प्रभु से और मान्सन से लगो आय, ऊसे हमाए मन हां अच्छो लगो, सुनो आय कि तोसें मण्डली के जनन के मन हरे हो गए आंय।

- इब्रानियों 13:16

भलो करबो, और दया करबो न छोड़ियो, कायसे ऐसे काम से परमेसुर खुस रैत आय।

- इब्रानियों 13:2

कोऊ बाहर से आबै तो अपने घर में रोटी खिलाईयो, कायसे ऐसो करके कछु जन ने बिना जाने सरगदूतन हां खिलाओ आय।

- इब्रानियों 6:10

हम जौ सोई कैत आंय कि परमेसुर अच्छे न्यायी आंय, बो तुमाई याद कर है, कि तुम कैसे उन सबरे जन जिन ने यीशु मसीह हां पकड़ लओ आय, उन की सेवा खुसामद करत आव।

- 1 पतरस 4:9

बिना कुड़कुड़ाए एक दूजे कौ अतिथी सत्कार करो।

- 1 यूहन्‍ना 3:17

जी लौ संसार में बिलात जायजाद होबै, और बो अपने भईया हां कंगाल देख के तरस न खाबै, तो ऐसे मान्स में परमेसुर को प्रेम नईं रैत।

- 3 यूहन्‍ना 1:5

प्यारे भईया, तें परदेसी भईयन से अच्छे बिसवासी घांई सम्बन्ध धरें आय।