- रोमियों 12:1 - Bundeli Holy Bible

¹ ई लाने हे भईया हरौ, मैं तुम हां परमेसुर की दया की याद करा के बिन्तवाई करत आंव, कि अपनी देयां हां जीयत, और पवित्तर, और परमेसुर हां साजो लगबेवारो बलिदान कर के चढ़ाओ: जाई तुमाई आत्मिक सेवा आय।

- रोमियों 12:1 ပူးပေါင်းရင်းမြစ်များ

- लूका 7:47

ई लाने मैं तोसें कैत आंव; कि ईके पाप जौन कुल्ल बिलात हते, छिमा भए, कायसे ईने बिलात प्रेम करो; पर जीकौ तनक छिमा भओ आय, ऊ तनक प्रेम करत आय।

- रोमियों 12:2

और ई संसार के जैसे न बनो; पर तुमाए समज के नए हो जाबे से तुमाओ चाल सोई बदलत जाबे, जी से तुम परमेसुर की साजी और भावती, और सिद्ध अभलाखा अनुभव से मालूम करत रओ।

- रोमियों 15:16

कि मैं दूसरी जातवारन के लाने मसीह यीशु कौ चाकर होकें परमेसुर के भले सन्देसे की सेवा याजक घांई करों; जीसे दूसरी जातवारन कौ मानो दओ जाबो, पवित्तर आत्मा से पवित्तर बनके अपनाओ जाबे।

- रोमियों 15:30

हे भईया हरौ; हमाए पिरभु यीशु मसीह के और पवित्तर आत्मा के प्यार कौ सुमरन करा के, मैं तुम से बिन्तवाई करत आंव, कि मोरे लाने परमेसुर से बिन्तवाई करबे में मोरे संग्गै लगे रओ।

- रोमियों 2:4

का तें ऊ की किरपा, सहनशीलता, और धीरजरूपी मन हां नीचो समझत आय? और का जौ नईं जानत, कि परमेसुर की किरपा तोय हिया फिराबो सिखात आय।

- रोमियों 6:13

और न अपने अंगों को अधरम कौ हथियार होबे को सौंपो, पर अपने आप हां मरे भयन में से जी उठो भओ जान के परमेसुर हां सौंपो, और अंगों को धरम के हथियार होबे के लाने परमेसुर हां सौंपो।

- रोमियों 6:16

का तुम नईं जानत, जीकौ हुकम मानबे हां तुम अपने आप हां चाकर घांई सौंप देत आव, ओई के चाकर आव: और जी की मानत आव, चाए पाप के, जीसे मौत मिलत आय, चाए हुकम मानबे से, जीकौ अन्त धार्मिकता आय।

- रोमियों 6:19

मैं तुमाई देयां की कमजोरी के काजें मान्सन की रीत पे कैत आंव, जैसो तुम ने अपने अंगों को बुरए काम के लाने दलिद्दर और बुरए काम के चाकर कर के सौंपो हतो, ऊंसई अब अपने अंगों को पवित्रता के लाने धरम के चाकर कर के सौंप दो।

- रोमियों 9:23

और दया के बासनों पे जिन हां ऊ ने मईमा के लाने पेंला से तईयार करे हते, अपनी मईमा के धन हां उजागर करबे की मन्सा करी?

- पैली कुरिन्थियों 1:10

हे भईया हरौ, यीशु मसीह जौन हमाओ पिरभु आय उनईं के नाओं से मैं तुम से बिन्तवाई करत आंव, कि तुम सबई एकई बात कओ; और तुम में फूट न होबे, परन्त तुम एकई हिये और एकई विचार के बने रओ।

- दूसरी कुरिन्थियों 10:1

मैं ओई पौलुस जौन तुमाए सामूं दीन आंव, अकेले तुमाए पीठ पाछें तुम पै कैबे की हिम्मत करत आंव; कि तुम हां मसीह जैसी दीनता, और सादे मन से समझात आंव।

- दूसरी कुरिन्थियों 4:1

सो जब हम पै ऐसी दया भई, कि ऐसो काज हम हां मिलो, तो हम हिम्मत नईं हारत।

- दूसरी कुरिन्थियों 4:16

ईसे हम हिम्मत नईं हारत; जैसे हमाओ सरीर टूटत जात आय; अकेले हमाए भीतर वालो रोजीना नओ होत जात आय।

- दूसरी कुरिन्थियों 5:20

सो हम परमेसुर के कोती उनके राजदूत आंय; और परमेसुर हम में होकें बिन्तवारी करत आय: कि परमेसुर से जुड़ जाओ।

- दूसरी कुरिन्थियों 6:1

हम जौन उनके संग्गै काम करत आंय ऐसो समझात आंय, कि परमेसुर ने जौन दया तुमाए ऊ परै करी आय, ऊहां ऐसई न जानो।

- इफिसियों 4:1

मैं जौन पिरभू में बंधुआ आंव तुम से बिन्तवाई करत आंव, कि जी काजें तुमाओ बुलऊ आ भओ आय, ऊ की जैसी चाल चलो।

- इफिसियों 5:10

और जौ जांचो, कि पिरभू हां का अच्छो लगत आय?

- फिलिप्पियों 1:20

मोरे मन की जा चाहना आय, कि मैं कभऊं नेंचो न हेरों, परन्त हिम्मत धरों कि पिरभू की बड़ाई मोरी देह से होत रैबे, जैसो अबै होत आय, चाहे मैं जीओं और चाहे मर जाओं।

- फिलिप्पियों 2:17

तुमाए बिसवास जीमें तुम ने दुख उठाओ और मारे गए ऊके संग्गै मोहां मरने पड़ो तो मोहां आनन्द हुईये।

- फिलिप्पियों 4:18

मोरे लौ सब कछु आय, और बिलात सोई आय: जौन बस्तें तुम ने इपफ्रुदीतुस के हाथन पठैई हतीं बे मोहां बहुतई साजी लगीं, बे मानो ऊ बली जैसे आय, जी की गन्ध और बलदान से परमेसुर खुस होत आय।

- 1 थिस्सलुनीकियों 4:1

सो भईया हरौ, हम तुम से कैत आंय, और पिरभू के नाओं से तुम हां समझात आंय, जैसो तुमने तको आय, कि हम जैसो बे चाहत आंय, और जीसे खुस होत आय, ऊंसई रैत आंय, तुम सोई ऊंसई चलत आव सो अच्छे से आगे चलत चलो।

- 1 थिस्सलुनीकियों 4:10

तुम मकिदुनिया के सबरन भईयन से प्रेम करत आव, परन्त हम तुम से कैत आंय, और प्रेम करबे में बढ़त जाओ।

- 1 थिस्सलुनीकियों 5:12

भईया हरौ, हम तुम से कैत आंय, कि तुमाए बीच जौन मैनत करत आंय, और पिरभू में तुमाए गुरू आंय, और तुम हां समझात आंय, उनकी बात मानो।

- 1 तीमुथियुस 2:3

ऐसो जीवन हमाए तरन तारक करबेवारे परमेसुर हां साजो लगत, और उन हां भात आय।

- 1 तीमुथियुस 5:4

और कोऊ बिधवा बईयर के लड़कावारे और नाती नता होबें, तो बे पेंला अपने घरवारन मैं अच्छे से रैबें, और अपने मताई बाप हां उनको जौन हक्क होबे बो देओ।

- फिलेमोन 1:10

मैं अपने लड़का उनेसिमुस जौन ने जेहल में बचन सुनके बिसवास धरो ऊके लाने ऐसो कैत आंव।

- फिलेमोन 1:9

मैं बूढ़ो पौलुस जौन यीशु मसीह के नाओं के कारण अबै जेहल में आंव, ऐसो साजो लगो कि तुम से प्रेम से कहों।

- इब्रानियों 13:22

भईया हरौ, मैं तुम से बिन्तवाई करत आंव, कि जौन बातें मैंने तुम हां लिखी आंय उन पै ध्यान धरियो।

- 1 पतरस 2:20

कायसे जदि तुम ने अधरम करके घूंसे खाए और गम्म खाई, तो ईमें का बड़वाई की बात आय? परन्त जदि साजो काम कर के पीड़ा झेलत आव और धीरज धरत आव, तो जौ परमेसुर हां साजो लगत है।

- 1 पतरस 2:5

तुम सोई खुद जीयत पथरन की घांई आत्मिक घर बनत जात आव, जीसे याजकन कौ पवित्तर समाज बन के, ऐसे आत्मिक बलदान चढ़ाओ, जौन यीशु मसीह के परमेसुर हां भले लगत आय।