- रोमियों 11:20 - Bundeli Holy Bible

²⁰ सई आय, बे तो बिसवास न करबे के काजें कतरी गईं, पर तें बिसवास में बनो रैत आय, सो घमण्ड न कर पर डर के रै।

- रोमियों 11:20 ပူးပေါင်းရင်းမြစ်များ

- लूका 18:14

मैं तुम से कैत आंव, कि बो दूसरो नईंया, पर जौई मान्स धरमी ठैराओ जाके अपने घरै गओ; कायसे जौन कोई अपने आप हां बड़ो बना है, बो हलको करो जै है; और जौन कोई अपने आप हां हलको बना है, बो बड़ो करो जै है।

- प्रेरितन के काम 18:6

पर जब उन ने बिरोध करो और ठट्ठा करो, तो ऊ ने अपने उन्ना झाड़त भए उन से कई; तुमाओ खून तुमाए मूड़ पे होय: मैं बरी आंव, अब से मैं गैर यहूदियन के ऐंगर जें हों।

- रोमियों 11:18

तो डालियन पे घमण्ड न करिये: और जदि तें घमण्ड करे, तो याद राखियो, कि तें जड़ हां नईं, परन्त जड़ तोहां संभालत आय।

- रोमियों 11:21

कायसे जब परमेसुर ने पेड़ की सई डालियन हां नईं छोड़ो, तो तोहां सोई न छोड़ है।

- रोमियों 12:16

आपस में एक सो मन धरो; अभिमानी न बनो; परन्त दीनों के संग्गै मेल जोल धरो; अपने लेखे बड़वाई न करो।

- रोमियों 12:3

कायसे मैं ऊ दया किरपा के काजें जौन मोय पै भई आय, तुम सबरन से कैत आंव, कि जैसो समजो चईये, ऊसे बढ़ के कोई अपने हां न समजे परन्त जैसो परमेसुर ने सबई हां योग्यता अनसार बिसवास दओ आय, ऊंसई सई सोच बिचार के संग्गै अपने हां समजे।

- रोमियों 3:3

जदि कछु बेईमान कड़ें तो का भओ। का उन के बेईमान होबे से परमेसुर की संचाई अकारथ ठैर है?

- पैली कुरिन्थियों 10:12

ई लाने जौन समजत आय, कि मैं पक्को आंव, ऊ हुंसयार रैबे; कि क ऊं गिर न पड़े।

- पैली कुरिन्थियों 15:1

हे भईया हरौ, मैं तुम हां ओई भलो सन्देसो बतात आंव जौन पेंला सुनाओ हतो, जिए तुम ने मान सोई लओ हतो और जी में तुम पक्के सोई आव।

- पैली कुरिन्थियों 16:13

हुंसयार रओ, बिसवास में पक्के बनो, संयमी जीवन जियो, बल सक्ति से भर जाओ।

- दूसरी कुरिन्थियों 1:24

जौ नईंयां, कि हम तुम पे यीशु पै बिसवास करबे से अधकार जमात आंय, अकेले तुमाए मजा मौज में खुसी आय, कायसे तुम बिसवास में पक्के बने रहत आव।

- दूसरी कुरिन्थियों 10:5

सो जौन विचार और बड़ी बड़ी बातें, जौन परमेसुर हां नईं चीनत आय, उन हां आड़े हाथ लेत आंय, और सब विचारन हां बस में करके मसीह की अग्यां मानबेवारे बना देत आंय।

- फिलिप्पियों 2:12

सो मोरे भईया हरौ, तुम मोरे देखत और मोरे पछाऊं सोई उन की बातन मानत रए, सो ऐसई अपने अपने तरन तारन होबे जैसे काज करत रओ।

- कुलुस्सियों 2:7

और उन में तुमाई जड़ मजबूत होबे और तुम आगे बढत चलो; और जैसो तुम ने सीखो और समझो आय वैसई बिसवास में पक्के होत जाओ, और मन से पिरभू को धन्न मानो।

- 2 थिस्सलुनीकियों 2:4

जौन बिरोध करत आंय, उन हां जौन परमेसुर के मानबेवारे आंय, और अपने आप हां बड़ो कैत आंय, इते लौ कि बो परमेसुर के मन्दर में बैठ के अपने आप हां परमेसुर कैत आय।

- 1 तीमुथियुस 6:17

ई संसार के मालदारों को आदेस दे, कि बे घमण्डी न होबें और धन कौ लालच न करें, पर परमेसुर पर जो हमाए सुख के लाने सब कछु बिलात देत आय।

- इब्रानियों 3:12

सो भईया हरौ, चेतो और बुरई बातन में न लगो, जीसे तुम परमेसुर से भटक जाओ।

- इब्रानियों 3:19

जिन ने परमेसुर के बचन नईं माने बे ऊ देस में नई पोंचे।

- इब्रानियों 4:11

हम हां ऊ विश्राम में जैबे की कोसस करने आय, कहूं ऐसो न होबै, कि हम उनकी कई न करके उते न पहुंच पाबें।

- इब्रानियों 4:6

ऐसो सोई कहो आय, कि जिन ने परचार की बातन को नईं मानो बे मोरी जांगा न जै हैं।

- याकूब 2:19

तोय बिसवास आय कि एकई परमेसुर आय: तोरो जौ बिसवास नोंनो आय, दुष्ट आत्मा सोई जौ बिसवास करत आंय, और कांपत आंय।

- याकूब 4:6

बो तो औरऊ दया करत आय; ऐई काजें ऐसो लिखो आय, कि परमेसुर घमंडियों से बिरोद करत आय, पर दीनों पे दया करत आय।

- 1 पतरस 1:17

जब कि तुम, हे बाप, कह के ऊसे बिन्तवाई करत आव, जौन बिना पिच्छदारी करके सबई कोई के कामन के अनसार न्याय करत आय, तो अपने परदेसी होबे की बेरा डर के काटो।

- 1 पतरस 5:12

मैं ने सिलवानुस के हाथ, जिये मैं बिसवास जोग भाई मानत आंव, तनक में लिख के तुम हां समजाओ आय और जा गवाय दई आय, कि परमेसुर की सांची दया जाई आय, ऐई में पक्के बने रओ।

- 1 पतरस 5:9

बिसवास में पक्के बनो, और जौ जान के ऊकौ सामना करो, कि तुमाए भाई जौन संसार में आंय, ऐसई पीड़ा भोग रए आंय।

- यूहन्‍ना के दरसन कौ खुलासा 18:7

जैसे मजा मौज में रैके ऊ ने अपने हां बड़ो दिखाओ; ऊं सई दुख और पिरातो ऊहां दो; कायसे बा अपने मन में कैत आय, मैं रानी बनी बैठी आंव, मैं बिधवा नईंयां; मैं कभऊं परेसानी में नईं पड़ हों।

- यूहन्‍ना के दरसन कौ खुलासा 3:17

तें जो कैत आय, कि मैं बड़ो धनी आंव, और धनवालो हो गओ आंव, और मोहां कोनऊ बस्त की कमी नईंयां, और जौ नईं जानत, कि तें अभागा और तुच्छ और कंगाल और अन्धरा और नंगो आय।