- रोमियों 10:19 - Bundeli Holy Bible

¹⁹ मैं फिन कैत आंव, का इस्राएली न जानत हते? पेंला तो मूसा कैत आय, मैं उन के द्वारा जौन जाति नईंयां, तुमाए हियन में जलन पैदा कर हों, मैं एक मूरख जात से तुम हां रिस दिला हों।

- रोमियों 10:19 ပူးပေါင်းရင်းမြစ်များ

- रोमियों 10:18

परन्त मैं कैत आंव, का उन ने नईं सुनो? सुनो तो जरूर आय कायसे लिखो आय, उन के बोल सबरे संसार में, और उन के बचन जगत के छोर लौ पोंच गए आंय।

- रोमियों 11:11

सो मैं कैत आंव का उन ने ई लाने ठोकर खाई, कि गिर पड़ें? क भऊं नईं: पर उनके गिरबे के काजें दूसरी जातवारन हां उद्धार मिलो, कि उन हां जलन होबे।

- रोमियों 11:14

जीसे कोऊ भांत से अपने नातेदारन में जलन पैदा करवा के उन में से कैऊ अन कौ उद्धार करवाओं।

- रोमियों 3:26

और अबई ऊकी धार्मिकता उजागर भई; जीसे बो आपई धरमी ठैरे, और जौन यीशु पर बिसवास करे, उन को सोई धरमी ठैराबेवारो होय।

- पैली कुरिन्थियों 1:12

मोरो कैबो जौ आय, कि तुम में से कोऊ तो अपने आप हां पौलुस कौ, कोऊ अपुल्लोस कौ, कोऊ कैफा कौ, कोऊ मसीह कौ कैत आय।

- पैली कुरिन्थियों 10:19

फिन मैं का कैत आंव? का जौ कि मूरत कौ बलदान कछु आय या मूरत कछु आय।

- पैली कुरिन्थियों 11:22

का खाबे पीबे के लाने तुमाए घर नईंयां? या परमेसुर की मण्डली हां ओछो समजत आव, और जिन लौ नईंयां उन हां लज्जित करत आव? मैं तुम से का कओं? का ई बात में तुम औरन की बड़वाई करों? मैं बड़वाई नईं करत।

- पैली कुरिन्थियों 12:2

तुम हां पता आय, कि जब तुम दूसरी जातवारे हते, तो गूंगी मूरतन के पाछें जैसे निंगाए जात हते, ऊं सई निंगत हते।

- पैली कुरिन्थियों 15:50

हे भईया हरौ, मैं जौ कैत आंव कि मांस और रकत परमेसुर के राज के अधकारी नईं हो सकत, और न नास होबेवारो अमरता कौ अधकारी हो सकत आय।

- पैली कुरिन्थियों 7:29

हे भईया हरौ, मैं जौ कैत आंव, कि बेरा हां घटा दओ गओ आय, ई लाने चईये कि जिन की घरवारी होबे, बे ऐसे होबें मानो कि उन की घरवारी नईंयां।

- तीतुस 3:3

कायसे हम पेंला, मूरख और परमेसुर की अग्या न मानबेवाले, और दुबधा में हते, और भांत भांत की चाहना करत हते, और मजा मौज चाहत हते और अदावट धरें हते, और दूसरन को बुरओ सोचत हते, और बहुत घिना हते और दूसरन से बैर मानें हते।

- 1 पतरस 2:10

तुम पेंला तो कछु न हते, पर अब परमेसुर की परजा आव; तुम पे दया न भई हती परन्त अब तुम पे दया भई आय।