- रोमियों 1:8 - Bundeli Holy Bible

⁸ पेंला मैं तुम सब के लाने यीशु मसीह के द्वारा अपने परमेसुर कौ धन्यवाद करत आंव, कायसे के तुमाए बिसवास की खबर सबरे संसार में हो रई आय।

- रोमियों 1:8 ပူးပေါင်းရင်းမြစ်များ

- मत्ती 24:14

राज्य कौ जौ सन्देसो सबरे जगत में प्रचार करो जै है, कि सब जातियन पे गवाही होए, तब अन्त आ जै है।

- लूका 2:1

उनईं दिना में ऐसो भओ कि रोम के महाराजा औगूस्तुस कैसर कुदाऊं से जौ हुकम भओ, कि सबरे संसार के मान्सन के नाओं लिखे जाबें।

- प्रेरितन के काम 11:28

उन में से अगबुस नाओं एक जन ने ठांड़े होकें पवित्र आत्मा की अगुवाई से बताओ, कि सबरे संसार में अकाल पड़ है, और क्लौदियुस के राज्यकाल में ऐंसई भओ।

- प्रेरितन के काम 28:22

पर हम तोरे बारे में तोरे विचार सुनबे की मनसा धरत आंय, कायसे हम जानत आंय, की सब जांगा लोग ईके बिरोध में बतकाव करत आंय।

- रोमियों 10:18

परन्त मैं कैत आंव, का उन ने नईं सुनो? सुनो तो जरूर आय कायसे लिखो आय, उन के बोल सबरे संसार में, और उन के बचन जगत के छोर लौ पोंच गए आंय।

- रोमियों 16:19

तुमाए हुकम मानबे की बात सबरे मान्सन में फैल गई आय, ई लाने मैं तुमाए बारे में खुसी मनात आंव; परन्त मैं जौ चाहत आंव, कि तुम भलाई के लाने समजदार, परन्त बुराई के लाने भोले बने रओ।

- रोमियों 6:17

परन्त परमेसुर कौ धन्नबाद होबे, कि तुम जौन पाप के चाकर हते अब हिए से ऊ सीख हां मानबेवारे हो गए, जाने कि जैसे सिखाए गए हते।

- पैली कुरिन्थियों 1:4

मैं तुमाए लाने अपने परमेसुर कौ धन्न मानत आंव, कि परमेसुर की दया यीशु मसीह में तुम पे भई आय।

- दूसरी कुरिन्थियों 2:14

अकेले परमेसुर को धन्न मानत आंव, जौन मसीह में हम हां सबरी जीत देत आय, और अपनी बातन की बास हम में हो सबरी जांगा फैलत आय।

- इफिसियों 1:15

ऐई से मैं सोई बिसवास करबे लाक बचन सुनके जौन तुम में पिरभू यीशु में आय, और तुमाए प्रेम से सभन हां पता आय।

- इफिसियों 1:16

तुमाए लाने धन्न मानबो नईं छोड़त, और अपनी बिन्तवारी में तुम हां याद करत आंव।

- इफिसियों 3:21

मण्डली में, और मसीह यीशु में, उनको मान पीढी से पीढी लौ हमेसा होबै। आमीन।

- इफिसियों 5:20

और हमेसा सबरी बातन में हमाए पिरभू यीशु मसीह के नाओं से परमेसुर पिता हां धन्न मानो।

- फिलिप्पियों 1:11

और उन बातन से जौन यीशु मसीह पै ध्यान धरे से मिलत आय, परमेसुर के नाओं के जस से बढ़त जाओ।

- फिलिप्पियों 1:3

मैं जब तुम हां याद करत आंव, तो परमेसुर कौ धन्न मानत आंव।

- कुलुस्सियों 1:3

हम औरें रोजीना तुमाए लाने बिन्तवारी करके अपने प्रभु यीशु मसीह के पिता परमेसुर को धन्नबाद करत आंय।

- 1 थिस्सलुनीकियों 1:2

हम बिनती करत में तुम सबरन हां याद राखत आंय और तुमाए लाने परमेसुर को धन्न मानत आंय।

- 1 थिस्सलुनीकियों 2:13

सो हम परमेसुर को धन्न मानत आंय; कि जब परमेसुर की बातें तुम ने सुनीं, तो तुम ने ऊहां मान्सन की नईं, परन्त परमेसुर की बातें लेखी (जा सांची आय) और अब तुमाए जीवन में दिखात आय।

- 2 थिस्सलुनीकियों 1:3

भईया हरौ, तुमाए लाने हम हां परमेसुर को धन्न मानो चईये, और जौ सांचो आय कि तुमाओ पिरभू पै बिसवास बढ़त जात आय, और तुम एक दूजे से खीब प्रेम करत आव।

- 2 तीमुथियुस 1:3

मैं अपने परमेसुर की सेवा अपने बड़े बूढ़न की रीत से साजे विवेक से करत आंव, और उनकी दया से तुमाए काजें बिन्तवारी करत आंव।

- फिलेमोन 1:4

मोहां पिरभू में तोरे प्रेम और तोरे बिसवास जौन तें सबरे जनन पै धरे आय।

- इब्रानियों 13:15

सो हम परमेसुर के गुनगान, यीशु मसीह के नाओं से चढात रएं।

- 1 पतरस 2:5

तुम सोई खुद जीयत पथरन की घांई आत्मिक घर बनत जात आव, जीसे याजकन कौ पवित्तर समाज बन के, ऐसे आत्मिक बलदान चढ़ाओ, जौन यीशु मसीह के परमेसुर हां भले लगत आय।

- 1 पतरस 4:11

जदि कोऊ बोले, तो ऐसो बोले, कि मानो परमेसुर कौ बचन आय; जदि कोऊ सेवा करे, तो बो ऊ बल से करे जौन परमेसुर देत आय; जीसे सबरी बातन में यीशु मसीह के द्वारा परमेसुर की मईमा उजागर होबै मईमा और सबरी बल सकती जुग जुग ओई की आय। आमीन।