- रोमियों 1:32 - Bundeli Holy Bible

³² बे औरें परमेसुर कौ नैम कानून जानत आंय, कि जौन भांत-भांत के काम करत आंय बे मारे जाबे के जोग आंय, फिन भी बे ऐसे बुरए काम करत आंय, परन्त ऐसे काम करबेवारन से खुस होत आंय।

- रोमियों 1:32 ပူးပေါင်းရင်းမြစ်များ

- लूका 11:48

सो तुम गवाय आव, और अपने पुरखन के कामन में सामिल आव; कायसे उन ने तो उन हां मार डालो और तुम उन की कबरें बनात आव।

- प्रेरितन के काम 22:20

जब तोरे गवाह स्तिफनुस कौ खून बहाओ जा रओ हतो तब मैं भी ठांड़ो ऊ की हत्या में शामिल हतो, और हत्या करबे वालन के उन्ना की रखनवारी करत हतो।

- प्रेरितन के काम 8:1

ओई दिना यरूशलेम की मण्डली पे बड़ो उपद्रव शुरू हो गओ और प्रेरितन हां छोड़ सब के सब यहूदिया और सामरिया देशों में फैल गए।

- रोमियों 1:18

परमेसुर कौ खुन्स तो उन लोगन की अभक्ति और अधर्म पे सरग से उजागर होत आय, जौन सत्त हां पाप से दबाए रैत आंय।

- रोमियों 1:21

ई काजें कि बे परमेसुर हां जानत हते, तो भी उन ने परमेसुर की बड़वाई और धन्नबाद नईं करो, परन्त अपने हियन से बेकार के सोच विचार करन लगे, और उन कौ अज्ञानी मन अंधेरो हो गओ।

- रोमियों 6:21

सो जिन बातन से तुम लजात आव, उन से तुम का फल पात हते?

- रोमियों 6:23

कायसे पाप की मजूरी मौत आय, परन्त परमेसुर कौ बरदान हमाए पिरभु यीशु मसीह में अनन्त जीवन आय।

- 2 थिस्सलुनीकियों 2:12

और जितने जनें सांचे हां नईं मानत, परन्त अधरम की बातन हां चाहत आंय, उन हां दण्ड दै है।