- यूहन्‍ना के दरसन कौ खुलासा 8:3 - Bundeli Holy Bible

³ फिन एक और सरगदूत हाथ में सोने कौ धूपदान लैकें आओ, और बेदी के ऐंगर ठांड़ो हो गओ; ऊहां बिलात धूप दओ गओ, कि बो सब पवित्र लोगन की बिन्तवारी के संग्गै वेदी पै जढ़ाए, जो सिंहासन के सामूं आय।

- यूहन्‍ना के दरसन कौ खुलासा 8:3 ပူးပေါင်းရင်းမြစ်များ

- लूका 1:10

धूप जलाती बेरा मान्सन की सबरी समाज बायरें बिन्तवाई कर रई हती।

- रोमियों 8:34

फिन को आय जौन दण्ड़ कौ हुकम दै है? मसीह बो आय जौन मर गओ और मरे भयन में से जी सोई उठो, और परमेसुर के दायें हाथ कुदाऊं आय, और हमाए लाने बिन्तवाई सोई करत आय।

- इब्रानियों 7:25

सो जौन पिरभू यीशु मसीह पै बिसवास धरके परमेसुर लौ पोंच हैं; बे उनको पूरो पूरो तरन तारन करत आय, और परमेसुर के सामूं उनके लाने बिन्तबारी करत आंय।

- इब्रानियों 9:4

उते सुन्ने की धूपदानी और बाचा को बक्सा जौन चारऊ ओर सुन्ने से मढ़ो हतो, जीमें मन्ना से भरो सुन्ने को मर्तबान, हारून की छड़ी जीमें फूल कड़ आए हते, और पथरा की पटिया जी पै दसई अग्यां लिखी हतीं।

- यूहन्‍ना के दरसन कौ खुलासा 10:1

फिन मैंने एक बली सरगदूत हां बादल ओढ़ के सरग से उतरत तको, ऊके मूड़ पै मेघधनुष हतो: और ऊ को मों सूरज घांई हतो और ऊके गोड़े आगी के खम्भा जैसे हते।

- यूहन्‍ना के दरसन कौ खुलासा 14:18

फिन एक और सरगदूत जीहां आगी पै अधकार हतो, बेदी में से कड़ो, और जीके ऐंगर तेज हंसिया हतो, ऊसे कहो; कि अपने तेज हंसिया से धरती पै जो दाखलता के गुच्छा आंय उन हां काट ले; कायसे उनकी दाखें पक गईं आंय।

- यूहन्‍ना के दरसन कौ खुलासा 5:8

और जब किताब हां ऊ ने लै लओ, तो बे चारई जनावर और चौबीसई प्राचीन ऊ गाड़र के बच्चा के सामूं गिर पड़े; और सबरन के हाथ में वीणा और धूप से भरे सोने के कटोरा हते, जे पवित्तर लोगन की बिन्तवारी आंय।

- यूहन्‍ना के दरसन कौ खुलासा 6:9

और जब उन ने पांचवी मुहर खोली, तो मैंने वेदी के नेंचें उन मान्सन के प्रानन हां तको, जो परमेसुर के बचन हां सुनाबे, और अपने बिसवास की बातन हां सुनाबे में मारे गए हते।

- यूहन्‍ना के दरसन कौ खुलासा 7:2

फिन मैंने एक और सरगदूत हां तको, जौन जीयत परमेसुर की मुहर लएं जिते से सूरज कड़त आय ऊपर की ओर आत तको; ऊ ने उन चारई सरगदूतन से जिन हां धरती और समुन्दर हां बरबाद करबे को अधकार दओ गओ हतो, बड़े जोर से कई।

- यूहन्‍ना के दरसन कौ खुलासा 8:4

और ऊ धूप को धुआं पवित्तर लोगन की बिन्तवारी के संग्गै परमेसुर लौ पहुंच गओ।

- यूहन्‍ना के दरसन कौ खुलासा 8:5

और सरगदूत ने धूपदानी में वेदी से आगी लई, और धरती पै डाल दई, और गरजन और बिजली कोंधी और धरती हिलन लगी।

- यूहन्‍ना के दरसन कौ खुलासा 9:13

और जब छठे सरगदूत ने तुरही फूंकी, सो जो सोने की वेदी परमेसुर के सामूं आय ऊके सींगों में से मैंने ऐसो शब्द सुनो।