- यूहन्‍ना के दरसन कौ खुलासा 8:13 - Bundeli Holy Bible

¹³ और मैंने फिन तको, तो आकाश के बीच उकाब हां उड़त और ऊंची आवाज में ऐसो कैत सुनो, कि उन तीन सरगदूतन की तुरही को फूकबो बचो आय, धरती पै रैबेवारे मान्सन पै हाय! हाय! हाय!

- यूहन्‍ना के दरसन कौ खुलासा 8:13 ပူးပေါင်းရင်းမြစ်များ

- इब्रानियों 1:14

सरगदूत जौन को तरन तारन हो गओ; उनकी सेवा खुसामद को आंय।

- यूहन्‍ना के दरसन कौ खुलासा 11:14

दूसरी विपत तो बीत गई, तको, अब तीसरी विपत आबेवारी आय।

- यूहन्‍ना के दरसन कौ खुलासा 12:12

ईसे सरग में रैबेवारो खुश हो; हे धरती, और समुन्दर तुम पै हाय! कायसे शैतान छलिया बड़ी खुन्स में तुमाए ऐंगर उतर आओ आय; कायसे ऊहां पता आय, कि ऊ की बेरा तनकदिना की आय।

- यूहन्‍ना के दरसन कौ खुलासा 14:3

और बे सिंहासन और चारई जनावर और प्राचीनन के सामूं एक नओ गाना गात हते, उन एक लाख चौआलीस हजार मान्स जौन धरती पै से मोल लय गए हते, उनके छोड़ कोऊ ई गाना हां नईं सीख सकत हतो।

- यूहन्‍ना के दरसन कौ खुलासा 14:6

फिन मैंने एक सरगदूत हां आकास के बीच उड़त तको, जीके ऐंगर धरती पै रैबेवारे सब जातियन, सबरी बोली बोलबेवारे, और मान्सन हां सुनाबे हां सनातन सुसमाचार हतो।

- यूहन्‍ना के दरसन कौ खुलासा 19:17

फिन मैंने एक सरगदूत हां सूरज पै ठांड़ो तको, ऊ ने चिल्लिया के आकाश में उड़बेवारे सब पंछीयन से कहो, आओ, सब परमेसुर की बड़ी बियारी में जुड़ जाओ।

- यूहन्‍ना के दरसन कौ खुलासा 3:10

तेंने मोरे बचन हां धीरज से मानो आय, ईसे मैं तोहां परीक्षा की ऊ बेरा में बचाए रख हों, जो धरती पे रहबेवारन हां परखबे के लाने संसार पै आबेवालो आय।

- यूहन्‍ना के दरसन कौ खुलासा 8:2

और मैंने उन सातई सरगदूतन हां जौन परमेसुर के सामूं ठांड़े रैत आंय, तको, और उन हां सात तुरहियां दईं गई।

- यूहन्‍ना के दरसन कौ खुलासा 9:1

और जब पांचवें सरगदूत ने तुरही फूंकी, तो मैंने सरग से धरती पै एक तारा गिरत भओ तको, और ऊहां अथाह कुण्ड की कुंजी दई गई।

- यूहन्‍ना के दरसन कौ खुलासा 9:12

पैली विपत तो निकल गई, तको, अब ईके पांछू दो विपत और आबेवारी आंय।